JEREMIA 39:16 - BIBEL JAMITA NA DENGGAN

¹⁶ mandok tu si Ebedmelek halak Sudan i bahaso na nidok ni Tuhan Na Markuaso i, Debata ni Israel songon on, “Songon na Hudok na salpu i, na giot paroonKu parmaraan tu kota on, jana nada hasonangan. Idaonmu do tarjadi na masa i.

JEREMIA 39:16 ပူးပေါင်းရင်းမြစ်များ

2 JUJUR TAON 36:21

Songon i ma tulus tarjadi na nidok ni Tuhan marhite si Jeremia na mandok angkon hiang luat i pitu pulu taon lolotna songon gonti ni angka taon Sabat na so dirohahon i.

MASMUR 92:11

Madung huida musungku ditaluhon, madung hubege angguk ni angka halak na jahat.

JEREMIA 26:15

Tapi ingot hamu ma, muda dibunu hamu au, hamu noma dohot halak kota on mananggung hasalaan hara ni pamunuon maradopkon halak na so marsala. Angke Tuhan do na marsuru au laho palaluhon sipaingot i tu hamu.”

JEREMIA 26:18

“Taran si Hiskia raja di Juda dipalalu Panurirang Mika na sian Moreset do hata on sian Tuhan Na Markuaso i, ‘Ombahon ma Sion songon ladang, Jerusalem gabe timbunan ni na marsegoan jana Dolok Ni Bagas Ni Debata gabe harangan.’

JEREMIA 26:20

Jungada muse do adong sada halak nari na mangkuling mangalo kota dohot bangsonta on mangasahon goar ni Tuhan, songon na hubaen on. Si Uria goar ni bayo i, anak ni si Semaya na sian Kiryat-Jearim.

JEREMIA 34:22

ParentahononKu ma anso mulak halahi tu kota on, jadi serangon ni halahi ma, masuhanna lalu surbuonna. Giot baenonKu angka kota ni Juda songon halongonan na so diingani ni jolma. Au Tuhan, madung mandok songon i.”

JEREMIA 35:17

Hara ni i, Au Tuhan Na Markuaso, Debata ni Israel, paroonKu ma tu hamu halak Juda dohot Jerusalem – sandok parmaraan na giot dondonkononKu tu hamu, songon na dung Hudokkon i. Hubaen pe sudena i, hara ni na so ra do hamu manangihon muda mangkuling Au tu hamu jana nada ra hamu mangalusi di na pio-pio Au tu hamu.”

JEREMIA 36:31

UhumanKu noma pomparanmu dohot angka donganmu na marpangkat i hara ni angka dosa na nibaenmunu. ParoonKu ma tu hamu sandok bencana na Huondamkon tu hamu, angke nada diterge ho bope halak na maringanan di Jerusalem dohot Juda angka ancaman sian Au.”

JEREMIA 40:3

Saonnari madung dipatulus pangalaho i, hara ni na dung mardosa bangsomu jana nada ra mangoloi tuSia.

JEREMIA 44:27

JalahanKu do dalan anso mago hamu jana nada marhasonangan lopus mate hamu sudena, bope di parporangan sanga pe hara ni nyae masa.

DANIEL 9:12

Tigor do pambaenanMu laing songon na nijanjihonMu tu hami dohot tu angka na markuaso di hami. Umposi do uhumMu tu Jerusalem martimbangkon angka kota na adong di tano on.

AMOS 9:4

Muda hona tangkup halahi dibaen musu, parentahononKu ma anso dibunu halahi. Madung putus rohangKu laho mangabisi halahi jana nada urupanKu halahi.”

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”