JEREMIA 38:4 - BIBEL JAMITA NA DENGGAN

⁴ Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”

JEREMIA 38:4 ပူးပေါင်းရင်းမြစ်များ

1 RAJA-RAJA 21:20

Disi diida si Ahab si Elia, didok ia ma, “O alongku, dipaihut-ihut ho ma au, atehe?” “Tutu do,” ning si Elia mangalusi. “Angke dibaen ho do hajahatan na tarlobi di panatapan ni Tuhan,

2 JUJUR TAON 24:21

Tapi mambaen kompolotan ma rayat i mangalo si Zakaria, jana dohot do Raja Joas di bagasan kompolotan i. Nada diingot ia be jasa-jasa dohot haburjuon ni si Joyada amang ni si Zakaria i. Diparentahon raja i ma anso didangguri si Zakaria dohot batu lopus mate di alaman ni Bagas Ni Debata. Di na laho tos hosania, pio-pio ma si Zakaria, “Sai diida Tuhan ma pambaenanmon jana dibaloskon Ia!”

ESRA 4:12

“Diarop roha torang di raja i taringot tu halak Jahudi na dung manadingkon angka luat na asing di bagasan harajaan ni raja i, saonnari madung hot halahi maringanan di Jerusalem jana topet ma halahi mangulahi mambangun kota na jahat boti na sai tagi mangalo i. Madung dipungka halahi mangulahi pajongjongkon angka tembokna jana nada sadia honok nari be anso sidung.

NEHEMIA 6:9

Na mancubo mambiar-biari hami ma halahi anso hami antak karejo i. Martangiang ma au, “Ale Debatangku, pargogoi ma au!”

HARURUAR 5:4

Ninna raja i ma tu si Musa dohot si Harun, “Adong he na giot mangalalapi jolma i do di karejona maksudmunu? Suru ma markarejo angka hatoban i mangulahi!

JEREMIA 11:21

Anggo halak Anatot, giotna mate ma au. Didok halahi do, “Muda sai dipupu ho do palaluhon angka tona ni Tuhan tu hami, bunuonnami noma ho.”

JEREMIA 18:23

Tapi diboto Ho do ale Tuhan sasude na nitahi ni roha ni halahi laho mamatehon au. Hara ni i, ulang be ampuni halahi; ulang sesa hasalaan ni halahi. Potuk ma halahi lopus dabu. Maralo ma Ho tu halahi di bagasan muruk ni rohaMu.”

JEREMIA 26:11

Didok angka malim ma dohot angka panurirang tu angka pamimpin dohot tu rayat i, “Patut do mate bayo on niuhuman, harana diparuar ia do angka hata na mangalo kota on. Hamu sandiri pe, madung mambege.”

JEREMIA 29:7

Markarejo ma hamu anso dumpang hasonangan di angka kota habuanganmunu. Tangiangkon hamu ma tu au salaho tu haporluan ni angka kota i, angke muda masonang kota i laing masonang muse do dohot hamu.

JEREMIA 38:16

Marjanji ma Raja Zedekia tu au sip-sip, ning ia ma, “Mangasahon Debata Na Mangolu i, Debata na mangalehen ngolu di hita, husumpahon ma na so dabuhononku uhuman mamatehon ho sanga pasahatkon ho tu angka jolma na giot mamunu ho.”

JEREMIA 38:25

Muda tarboto do naron tu angka na marpangkat i na dung manghobari au dohot ho, marroan do i halahi manyapai tu ho taringot tu pangkataionta on. Janjihonon ni halahi do i nada bunuonna ho, muda dicaritohon ho sudena tu halahi.

JEREMIA 43:3

Si Barukh anak ni si Neria i do manjujui ho laho mangalo hami, anso ditaluhon halak Babel hami jana dibunu sanga dioban tu Babel.”

JEHESKIEL 22:27

Songon sorigala na manyahe-nyahe soroanna do angka na marjabatan di pamarenta ni halahi. Mamunu jolma do halahi hum hara ni na manjalahi untung.

AMOS 7:10

Ditongos si Amasia malim na di Betel ma lapuran tu si Jerobeam raja ni Israel songon on, “Martahi do si Amos dohot rayat i laho mambaen paraloan tu raja i. Manjajang-jajang rayat do hatania gabe mambaen sego luat on.

LUKAS 23:2

Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”

BAENON NI ANGKA RASUL 16:20

Dioban halahi ma si Paulus dohot si Silas mangadop tu jolo ni angka panjabat ni pamarenta Rom, dung i didok halahi ma, “Halak Jahudi do halak on. Mambaen gaor halahi di kotanta on.

BAENON NI ANGKA RASUL 17:6

Tapi hara ni na so dapot halahi si Paulus dohot si Silas gabe si Jason ma ditarik halahi dohot deba nari na porsaya i tu jolo ni angka panjabat na markuaso di kota i. Marsurak ma halahi, “Angka on ma sipanggaori i di na satano on! Saonnari giot di hita on ma halahi manggaori,

BAENON NI ANGKA RASUL 24:5

Na tardapot hami do bayo on mambaen gaor. Sanga na di dia tongtong manggaori ia tu halak Jahudi, jana ia do pamimpin ni golongan Nasrani.

BAENON NI ANGKA RASUL 28:22

Tapi hami pe, giot begeonnami do nian taringot tu haporsayaanmunu, harana madung sude hami umbege na so tumbuk do di halak poda na nitiopmu,” ninna halahi.