JEREMIA 38:23 - BIBEL JAMITA NA DENGGAN

²³ Hudok ma mangulahi, “Sude isi ni bagas ni raja i obanon ni halak Babel ma haruar. Raja i sandiri pe nada malua. Tangkupon ni raja Babel ma raja i jana kota on surbuonna ma sude.”

JEREMIA 38:23 ပူးပေါင်းရင်းမြစ်များ

2 RAJA-RAJA 25:7

Dimatehon ma angka dakdanaknia di jolonia. Dung i dipulsikkon ma mata ni si Zedekia, dirante ma ia jana dioban tu Babel.

JEREMIA 21:10

Madung Huputuskon do laho mangaroncohon kota on jana nada adong pangusayangna. Pasahaton noma kota on tu raja Babel; giot surbuonnia kota on lopus abis sudena. Au Tuhan madung mandok songon i.”

JEREMIA 32:4

Raja Zedekia pe nada malua, tapi dohot do ia pasahaton tu raja ni Babel. Mangadop ma ia tu raja i jana manghobari sandiri dohot ia.

JEREMIA 34:3

Nada tarbaen ho malua, tapi tartangkup ma ho jana pasahaton tusia. Marsuo ma ho tusia jana manghatai sandiri dohot ia, dung i kehe ma ho tu Babel.

JEREMIA 37:8

Jadi ro muse ma halak Babel mangulahi manyerang kota on lalu manaluhon dohot manyurbusa.

JEREMIA 38:18

Tapi muda nada ra ho manyora, madabu ma kota on tu tangan ni halak Babel; surbuon ni halahi ma kota on lopus abis, jana ho pe nada tarbaen malua.”

JEREMIA 38:24

Dung i didok si Zedekia ma, “Ulang paboa pangkataionta on sanga na tu ise pe, anso ulang tarancam hosamu.

JEREMIA 39:5

Tapi diayak tentara Babel i ma halahi jana ditangkup ma si Zedekia di napa ni Jeriko. Dung i dioban ma ia tu Raja Nebukadnesar di kota Ribla na di tano Hamat, lalu diuhum mate ma ia.

JEREMIA 39:6

Laing di kota i di jolo ni matania sandiri dibunu ma angka dakdanaknia, dohot sude na sangap ni Juda dibunu muse ma.

JEREMIA 41:10

Dung i ditangkup si Ismael ma angka boru ni raja i dohot sude halak na adong dope di Mispa i ma angka na nipasahat ni si Nebusaradan tu si Gedalya sijagoonnia. Ditangkup ia ma halahi lalu kehe ma ia rap dohot halahi tu sabola Luat Amon.

JEREMIA 6:12

Lehenon tu halak na asing noma bagas ni halahi songon i muse angka ladang dohot angka dadaboru ni halahi. UhumanKu ma halak na mangingani luat on.

JEHESKIEL 14:9

Muda adong sada panurirang hona tipu gabe dilehen ia alus na sala, Au Tuhan da na manipu ia. Au Tuhan giot paasingkon ia sian angka halak Israel jana agohononKu ia sian tonga-tonga ni bangsongKu Israel.

JEHESKIEL 17:15

Tapi manggagai do raja ni Juda i lalu ditongos ia utusan tu Mesir laho manjagit kudo dohot tentara na bahat. Manjadi ma he karejonia i? Padiaronna ma he ia malua? Nada tarbaen na mansoadahon parjanjian malua sian uhuman!

JEHESKIEL 43:3

Sarupa do parnidaan i dohot na huida di na ro Debata laho mangaroncohon Jerusalem dohot songon na huida di Batang aek Kebar. Dung i manungkap ma au lalu marsomba.

BILANGAN 4:18

“Anggo angka barang on na dung mardohonan do on di Au. Antong jagohon ma anso ulang donok angka halak Kehat i tusi. Angkon mate do halahi muda donok halahi tusi. Jadi, anso ulang tarjadi na songon i, masuk ma si Harun dohot angka anaknia tu Bandar Parmianan paboahon tu halak Kehat i sanga aha na giot obanonna.