JEREMIA 38:22 - BIBEL JAMITA NA DENGGAN

²² Di bagasan parnidaan i huida ma sude dadaboru na adong dope di bagas godang ni raja Juda ditogu tu ruar mandapotkon angka perwira ni raja Babel i. Di na mardalan i didokkon halahi ma, ‘Madung tarpaoto-oto raja i dibaen angka ale-alena i, jana guru dok ni halahi noma i. Saonnari dung bonom patna tu bustak mandao be halahi sudena.’ ”

JEREMIA 38:22 ပူးပေါင်းရင်းမြစ်များ

JOB 6:15

Tapi anggo hamu ale dongan, na so tarpangasahon jana na so haposan. Songon batang aek na hiangan, di hatiha ari halogoan.

MASMUR 41:9

Salang ale-aleniba na umdonok pe antong, halak na mangan rap dohot iba, madung mangalo tu iba.

MASMUR 69:14

Ulang padiar au bonom di bagasan ombik, palua ma au sian musu dohot sian aek na bagas.

MASMUR 69:2

Ronjom do au tu ombik na bagas, nada adong baen sidegean. Mogap au di aek na bagas, mayup-ayup dibaen galumbang ni pasang.

JESAYA 42:17

Sanga ise na porsaya tu patung ni gana-ganaan. Angkon marbalik tu pudi jana dapotan hailaan i ma angka na mandok tu patung gana-ganaan: ‘Ho ma debatanami!’ ”

JEREMIA 13:21

Giot aha ma he dokkononmu anggo angka jolma na nietong ni rohamunu angka donganmunu, hape manaluhon dohot mangarajai hamu? Musti hancitan hamu songon dadaboru na giot manubuhon dakdanak.

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

JEREMIA 27:14

Ulang dipatangi-tangi raja i angka panurirang na mangorai raja i tunduk tu raja ni Babel, angke na paoto-otohon raja i do halahi.

JEREMIA 27:15

Didok halahi, manghatai halahi mangasahon goar ni Tuhan, hape na margabus do halahi, Tuhan sandiri mandok, nada Ia marsuru halahi. Hara ni i giot sarsarkononNia noma raja i jana matehononNa rap dohot angka panurirang na margabus tu raja i.”

JEREMIA 38:19

Dialusi raja i ma, “Mabiar do au mida halak hita na dung lari i mamihak tu halak Babel. Ulang so dipasahat pe au muse tu halahi jana disiksa.”

JEREMIA 38:21

Tapi anggo inda ra raja i pasahatkon dirina, na dung dipatidahon Tuhan do tu au sanga aha na giot tarjadi.

JEREMIA 41:10

Dung i ditangkup si Ismael ma angka boru ni raja i dohot sude halak na adong dope di Mispa i ma angka na nipasahat ni si Nebusaradan tu si Gedalya sijagoonnia. Ditangkup ia ma halahi lalu kehe ma ia rap dohot halahi tu sabola Luat Amon.

JEREMIA 43:6

Halaklahi, dadaboru, angka dakdanak, dohot angka boru ni raja na nipasahat ni si Nebusaradan jagoon ni si Gedalya, dohot ma au disi dohot si Barukh, dioban ma sude tu Mesir.

JEREMIA 46:21

Angke tentara na niongkosanna pe so adong geldokna; tudos tu anak ni lombu na mamokmoktu. Nada lobas halahi martahan. Marbalik be sude marsipalua dirina be. Madung dapot ari paruhuman tu halahi; madung dapot hatihana dondonan ni mara halahi.

JEREMIA 46:5

Tapi bia do ninna Tuhan! “Munduk do halahi Huida hara ni na tarsonggot. Madung dipukul mundur angka tentara ni halahi, biar sajo roha ni halahi, gabe mangido halahi jana nada manaili tu pudi.

JEREMIA 6:12

Lehenon tu halak na asing noma bagas ni halahi songon i muse angka ladang dohot angka dadaboru ni halahi. UhumanKu ma halak na mangingani luat on.

JEREMIA 8:10

Patunda ni i na giot pasahatonKu noma ladang ni halahi tu tuan partano na asing, dohot angka dadaboru ni halahi tu halak na asing. Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim dohot do manggabusi halak.

ANDUNG 1:13

Dipaijur Ia api sian langit na manutungi holi-holingku lopus mangampir. Di taon Ia jorgong di jolongku na mambaen au madabu. Lalu dipadiar au disi marhancit torus sasadari.

ANDUNG 1:2

Tumatangis do ia dangol sasaborngin ramram ilu-ilu di hurumna i. Sahalak pe nada adong sian haholongan ni rohana na ra mangapoi ia. Dihianati angka donganna ia na marbalik gabe alona.

ANDUNG 5:11

Angka ina-ina di Sion diparroha-roha, angka bujing-bujing dipaksa marmainan di angka huta ni Juda.

MIKA 7:5

Ulang pos rohamu di hombar bagasmu, ulang ho marguru di ale-alemu. Jamot ho di angka hata sidokkononmu haru pe dongan saripemu sandiri na umbegesa.