JEREMIA 38:20 - BIBEL JAMITA NA DENGGAN

²⁰ “Nada,” ningku mangalusi, “Nada pasahatonna raja i tu halahi. Gomos ma pangidoanku anso dioloi raja i ma nian tona ni Tuhan on; sidung do sudena i muse, jana nada hona bunu be raja i.

JEREMIA 38:20 ပူးပေါင်းရင်းမြစ်များ

PAMUNGKAAN 12:13

Jadi hara ni i dokkon ma tu halahi, ibotongku do ho anso hara ni ho gabe paloason ni halahi au mangolu jana denggan baenon ni halahi tu au.”

PAMUNGKAAN 19:20

Ligi pe da tu adu, adong disi kota na menek na so pola sadia dao. Loas ma au tusi kehe gabe malua ma au.”

2 JUJUR TAON 20:20

Ancogotna i sogot sajo dope, ruar ma rayat i jana kehe ma halahi tu luat halongonan na di lambung ni Tekoa. Di na laho kehe halahi, jolo didok si Josafat ma sipaingot songon on, “Hamu angka rayat ni Juda dohot Jerusalem! Porsaya ma hamu tu Tuhan Debatamu, gabe margogo ma hamu martahan. Jagit hamu ma angka sipaingot sian panurirangmunu, gabe manjadi ma hamu!”

PODA 4:4

diajar dainang au. Didok ia do, “Ingot ma angka sipaingotku, sanga na bia pe ulang halupahon i. Dalankon ma angka panogu-noguon na sian au, anso malua ho.

PODA 7:2

Ihutkon ma angka sipaingotku anso mangolu ho. Denggan ma ihutkon angka pangajaranku songon panjagomu di anak ni matamu sandiri.

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

JEREMIA 11:4

Na dung Hubaen do parjanjianKi dohot angka ompu ni halahi di na Huoban halahi ruar sian Mesir, i ma luat na tudos tu narako di halahi. Husuru halahi marpangoloion tu Au dohot patuluskon sandok na Huparentahon tu halahi. Laing Hudok muse do, muda marpangoloion halahi tu Au, halahi ma gabe bangsongKu jana Au Debata ni halahi.

JEREMIA 11:8

jana Husuru halahi mangoloi parjanjianKi, hape nada ra halahi manangihon jana nada marpangoloion. Hara ni i, sandok uhuman na adong di bagasan parjanjian i madung Hutimpalkon tu halahi.”

JEREMIA 26:13

Hara ni i pauba hamu ma parngoluonmunu dohot angka pangalahomunu; oloi hamu ma Tuhan Debatamunu anso disundati Ia nietNia laho mangago hamu.

JEREMIA 38:21

Tapi anggo inda ra raja i pasahatkon dirina, na dung dipatidahon Tuhan do tu au sanga aha na giot tarjadi.

JEREMIA 7:23

Anggo na Huparentahon tu halahi, hum pangoloion tu Au do anso Au gabe Debata ni halahi, jana halahi gabe bangsongKu. Husuru halahi anso mangolu mangihutkon angka na Huparentahon anso martua halahi.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

AMOS 5:4

Didok Tuhan ma tu halak Israel, “Mulak ma hamu tu Au, anso gabe mangolu hamu.

AMOS 5:6

Mulak ma hamu tu Tuhan, gabe mangolu ma hamu. Muda nada mulak hamu tuSia, ro ma Ia songon api na manutung lopus abis halak Israel. Panganon ni api i ma sudena halak na maringanan di Betel, jana nada adong sanga ise pe na tarbaen mangintopisa.

BAENON NI ANGKA RASUL 26:29

“Sigop sanga na lolot, hutangiangkon do tu Debata anso gabe porsaya hamu sudena na umbege hatangkon sadari on, raja i dohot angka ama na dison anso gabe songon au on – asing sian rante on!”

2 KORINTUS 5:11

Hami boto do tangkas, sanga songon dia na nidok mangkabiari Debata; i do umbaen na manggogo hami papos roha ni halak na asing. Tangkas sajo do hami ditanda Debata, jana pos muse do rohangku torang muse au di bagasan rohamunu.

2 KORINTUS 5:20

Partonaan ni Kristus do hami. Mandok hata pe hami tu hamu, songon na Debata sandiri do na mangkobari tu hamu. Mangasahon goar ni Kristus gomos ma hami pangido tu hamu, sai ra ma hamu dipadenggan dohot Debata.

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

JAKOBUS 1:22

Patulus hamu ma sanga aha na nidok ni Debata, ulang ma hum na manangihon sajo, angke na paoto-oto dirimunu sandiri do hamu muda songon i.