JEREMIA 38:19 - BIBEL JAMITA NA DENGGAN

¹⁹ Dialusi raja i ma, “Mabiar do au mida halak hita na dung lari i mamihak tu halak Babel. Ulang so dipasahat pe au muse tu halahi jana disiksa.”

JEREMIA 38:19 ပူးပေါင်းရင်းမြစ်များ

2 JUJUR TAON 30:10

Di na kehe angka utusan i sian angka kota na di luat ni Marga Efraim dohot Manase lopus tu Utara lalu tu luat ni Marga Zebulon, dipartatai halak ma halahi jana dilayasi.

NEHEMIA 4:1

Di na nibege ni si Sanbalat na padenggankon tembok ni kota hami, halak Jahudi, gabe biraraon ma ia muruk jana dipungka ia ma mangincahi hami.

JOB 31:34

Nada huhabiari pandapot ni halak na bahat, jana nada parduli au di hata jungkat ni halak. Na so ra do au so di bagas, sanga so sajo, hara ni na mabiar dipalayas.

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

JESAYA 57:11

Tu ise ulaning ho humitir jana mabiar, gabe margabus ho, jana nada mangingot Au, sanga inda ditangihon ho Au. Nada he hara ni na sip jana Hupapitpit matangKu, gabe nada mabiar be ho tu Au?

JEREMIA 20:7

O Tuhan, Ho do mangelek au jana madung hona elekMu au. Gumogo do Ho sian au jana madung dipatunduk Ho au. Dipacia-cia sude halak au, dipalayas sian manyogot lalu tu potang ari.

JEREMIA 38:22

Di bagasan parnidaan i huida ma sude dadaboru na adong dope di bagas godang ni raja Juda ditogu tu ruar mandapotkon angka perwira ni raja Babel i. Di na mardalan i didokkon halahi ma, ‘Madung tarpaoto-oto raja i dibaen angka ale-alena i, jana guru dok ni halahi noma i. Saonnari dung bonom patna tu bustak mandao be halahi sudena.’ ”

JEREMIA 38:5

Dialusi Raja Zedekia ma, “Denggan ma i, baen hamu ma tusia sanga aha giotmunu, nada tarantahi au hamu.”

JEREMIA 39:9

Ujungna angka rayat na tinggal dope di kota i dohot angka halak na dung sanga lari tu pihak ni halak Babel, dioban si Nebusaradan komandan ni tentara ni Babel i ma halahi tu Babel.

JOHANNES 12:42

Tapi haru pe songon i, laing bahat do angka pamimpin ni halak Jahudi i na porsaya tu Jesus. Tapi nada puluk halahi mangoku torang di jolo ni halak; harana mabiar halahi diharuarkon sian bagas paribadatan.

HAKIM-HAKIM 16:25

Songon i ma jop ni roha ni halahi, gabe didok halahi ma, “Dioban ma da si Simson tuson anso taparmayam-mayam ia.” Jadi gabe dialap ma si Simson sian hurungan jana disuru ma ia jongjong di antara dua tiang na bolon lalu diparmayapkon halahi ma ia.

HAKIM-HAKIM 9:54

Diompoti si Abimelek ma mamiohon doli-doli na mamorsan sinjatania i jana didok ia ma, “Sintak ma podangmi jana bunu ma au; nada ra au muda adong na mandok bahaso na dibunu ni dadaboru au.” Gabe ditiham doli-doli i ma ia lopus mate.

1 SAMUEL 15:24

Umbege i, mangoku ma si Saul tu si Samuel, didok ia ma, “Tutu do i madung mardosa au, hulaosi do parenta ni Tuhan jana hupasiding sipaingotmi. Na mabiar do au tu paranganki gabe huoloi pangidoan ni halahi i.

1 SAMUEL 31:4

Dung i didok si Saul ma tu doli-doli na maroban sinjatania, “Sintak ma podangmi jana tiham ma au, anso ulang be dipaloja dohot dibunu angka halak kapir i au.” Tapi nada ra doli-doli i mambaen songon i, angke mabiar situtu do ia. Jadi gabe dibuat si Saul ma podangnia sandiri jana dionyakkon ia ma dirinia tu ginjangna i.