JEREMIA 38:14 - BIBEL JAMITA NA DENGGAN

¹⁴ Sanoli nari di hatiha na asing, disuru Raja Zedekia ma halak maroban au mangadop tusia di pintu patoluhon di Bagas Ni Tuhan. Didok ia ma tu au, “Na giot adong do sapaanku tu ho, jana angkon alusanmu do torang. Ulang buni-bunihon sanga na aha.”

JEREMIA 38:14 ပူးပေါင်းရင်းမြစ်များ

2 SAMUEL 14:18

Dialusi raja i ma, “Adong na giot sisapaanku tu ho, tigor ma jolo alusi.” “Didokkon raja i ma,” ning anakboru i mangalusi.

1 RAJA-RAJA 10:5

sude pardalan ni karejo ni angka pagawe di bagas godang i, sude pangoloion ni angka parkobas, pakean saragamna, sipanganon na dipasingkop dohot angka kamar inganan ni halahi. Laing diida ia muse do angka haul na nihaulkon ni si Salomo di Bagas Ni Debata. Gabe homang-komang jana tartarik ma roha ni ratu na sian Seba i paida-ida sudena i.

1 RAJA-RAJA 22:16

Dialusi si Ahab ma, “Muda mangasahon Tuhan do ho tu au mandok hata, na tutu i ma dokkon. Piga noli angkon dokkononku paingotkon ho salaho tusi?”

2 RAJA-RAJA 16:18

Jadi laho mambaen sonang roha ni raja Asur, dirorak si Ahas ma balerong ni raja na di Bagas Ni Debata, laing ditutup ia muse ma pintu hamasuhan ni raja na disi.

2 JUJUR TAON 18:15

Dialusi si Ahab ma, “Muda mangasahon goar ni Tuhan ho antong mandok hata tu au, na tutu i ma da dokkon. Piga noli lakna jabat paingotonku ho taringot tusi?”

JEREMIA 15:11

O Tuhan, muda na so denggan do tutu hudalankon karejongku, jana nada huondihon angka musungku di joloMu taran marsak jana susa halahi, sai tulus ma nian bura ni angka jolma i. (

JEREMIA 37:17

Dung i disuru Raja Zedekia ma halak maroban au mangadop tusia di bagas godang. Disi disapai ia ma au di sihabunian betak na adong tona sian Tuhan. “Adong,” ningku mangalusi, lalu hupaudut, “Pasahaton noma raja i tu raja ni Babel.”

JEREMIA 42:20

na dung mambaen hasalaan na godang do hamu. Dipangido hamu anso martangiang au tu Tuhan Debatanta i salaho tu hamu, jana marjanji do hamu laho patuluskon sude na nidok ni Tuhan i.