JEREMIA 38:13 - BIBEL JAMITA NA DENGGAN

¹³ Dung i ditarik halahi ma au tu ginjang, haruar sian sumur i. Dung i ditahan ma au di alaman ni bagas godang i.

JEREMIA 38:13 ပူးပေါင်းရင်းမြစ်များ

PAMUNGKAAN 37:28

jana hatiha mamolus deba saudagar halak Midian diparuar angka angkangna i ma si Josep sian bagasan sumur i, digadiskon halahi ma ia tu halak Ismael i arga dua pulu hepeng perak. Dung i dioban angka parjagal i ma ia tu Mesir.

1 RAJA-RAJA 22:27

“Suru anso dikurungkon halahi ia di hurungan, jana dilehen ia mangan dohot minum saotik sajo lopus mulak au horas torkis.”

PODA 29:10

Goyak do roha ni sibunu jolma tu na bulus marroha, tapi anggo halak na burju ondihononna do ia.

JEREMIA 26:16

Jadi gabe didok angka pamimpin dohot rayat i ma tu angka malim, dohot angka panurirang i, “Mangasahon goar ni Tuhan Debatanta do bayo on mangkatai; nada patut ia mate niuhuman.”

JEREMIA 32:2

Topet ma hatiha i dompak ro tentara ni raja Babel mangaroro Jerusalem. Ditahan Raja Zedekia ma au di alaman ni bagas godang ni raja i

JEREMIA 37:21

Jadi gabe diparentahon Raja Zedekia ma anso dihurung au di alaman ni bagas godang. Jadi disi ma au tinggal jana ganop ari dilehen do di au roti sian parmasahan ni roti lopus nada adong be roti di kota i.

JEREMIA 38:12

Disuru si Ebedmelek ma hugampitkon angka abit i di gidik-gidikku gabe songon ganjalna anso ulang hancitan au dibaen tali i, jana huoloi ma na nidoknia i.

JEREMIA 38:28

Hot dope au ditahan di alaman ni bagas godang i lopus tu ari hatatalu ni Jerusalem.

JEREMIA 38:6

Dung i dialap halahi ma au jana ditantan halahi ma au dohot tali tu bagasan sumur ni si Malkia anak ni raja i. Di alaman ni bagas godang i do sumur i. Nada adong aek di bagasan sumur i, hum bustak do jana masuk ma au tu bustak i.

ANDUNG 3:58

Ale Tuhan, ro do Ho jana dipalua Ho au. Madung dipalua Ho hosangku.

BAENON NI ANGKA RASUL 23:35

didok ia ma, “Antong denggan ma i! Hupareso pe parkaromon, muda dung lalu tuson angka na mangaduhon ho,” ning ia. Dung i diparentahon Gubernur i ma anso dipamasuk si Paulus tu tahanan na di bagas ni si Herodes.

BAENON NI ANGKA RASUL 24:27

Dung adong dua taon, ro ma si Perkius Pestus manggontihon si Peliks gabe gubernur disi. Jadi hara ni na giot mambuat roha ia tu halak Jahudi, gabe laing dipadiar ia ma si Paulus tarhurung.

BAENON NI ANGKA RASUL 28:16

Dung lalu di Rom, dipatola do si Paulus maringanan sandiri, tapi laing adong do sahalak parajurit manjagoi ia.

BAENON NI ANGKA RASUL 28:30

Dua taon honokna si Paulus di Rom di sada bagas na niongkosnia sandiri. Tongtong do jop rohania manjagit halak, sanga na ise pe na ro mandapotkon ia.