JEREMIA 37:18 - BIBEL JAMITA NA DENGGAN

¹⁸ Dung i husapai ma, “Aha dehe hajahatanku maradopkon raja i sanga maradopkon angka pagawe ni raja i sanga tu rayat, umbaen na jabat dipamasuk raja i au tu hurungan?

JEREMIA 37:18 ပူးပေါင်းရင်းမြစ်များ

PAMUNGKAAN 31:36

Gabe muruk ma si Jakob, “Aha ma he hajahatan na hubaen lakna?” ning ia manyonggak. “Aturan dia ma he na hulanggar umbaen na adong hakmu dihilala ho laho mangkojar-kojar au?

PODA 17:13

Sanga ise na mambalos hadengganan dohot na jat, sian bagasna pe nada morot be na jat.

PODA 17:26

Nada tola mandando halak na tigor, jana nada patut mamotuk halak na sangap.

JEREMIA 26:19

Hape nada dibunu Raja Hiskia dohot rayat i si Mika. Mur mabiar roha ni si Hiskia tu Tuhan jana mangido ibo ni roha ia. Jadi gabe ditarik Tuhan mangulahi ondam-ondamNia i laho mangago halahi. Jana saonnari pe, ra dehe hita mangalapi hamagoan godang tu dirinta?”

DANIEL 6:22

Dung i ninna si Daniel ma mangalusi raja i, “Sai ginjang ma umur ni raja i salolot-lolotna!

JOHANNES 10:32

Tapi didok Jesus ma tu halahi, “Madung diida hamu Au mambaen angka karejo na denggan, na nisuruhon ni Damang karejohononKu; sian sude parkarejoan i, hara ni karejo na dia ma umbaen giot dangguranmunu Au?”

BAENON NI ANGKA RASUL 23:1

Diligi si Paulus ma jolo anggota ni pangadilan i, lalu didok ia ma, “Hamu angka kahanggingku! Lopus saonnari na so adong dope huhilala marsala au tu Debata di bagasan taroktokku taringot tu pardalan ni ngolungku.”

BAENON NI ANGKA RASUL 24:16

Hara ni i do umbaen na tongtong au marsitutu karejo, anso ias taroktokku maradopkon Debata jana ias muse maradopkon jolma.

BAENON NI ANGKA RASUL 25:11

Muda na sala ma au tu aturan jana muda na patut ma au mate niuhuman, rade do au mate. Tapi anggo na so tutu do adu-aduan ni halahi i, sanga ise pe nada marhak laho pasahatkon au tu halahi. Hupangido, di jolo ni Kesar i ma au niadilan,” ning ia.

BAENON NI ANGKA RASUL 25:25

Hape nada adong bagi aha dapot au na sala dibaen ia anso mate niuhuman ia. Boti muse hara ni pangidoannia sandiri angkon di jolo ni Kesar i noma ia adilan, gabe hupaputus ma di bagasan rohangku angkon suruon noma ia mandapotkon Kesar i.

BAENON NI ANGKA RASUL 25:8

Dialusi si Paulus ma, “Sada pe nada adong hubaen na sala, bope maradopkon Tona ni halak Jahudi, bope maradopkon Bagas Ni Debata, sanga pe maradopkon Kesar.”

BAENON NI ANGKA RASUL 26:31

Dung di ruar, mangkata-hatai ma halahi, “Nada adong dibaen bayo on sanga aha na patut angkon mate niuhuman ia sanga hurungkononkon,” ninna halahi.

GALATIA 4:16

Adong he na gabe musumunu do au dietong hamu saonnari hara ni na mandok na tutu au tu hamu?