JEREMIA 37:17 - BIBEL JAMITA NA DENGGAN

¹⁷ Dung i disuru Raja Zedekia ma halak maroban au mangadop tusia di bagas godang. Disi disapai ia ma au di sihabunian betak na adong tona sian Tuhan. “Adong,” ningku mangalusi, lalu hupaudut, “Pasahaton noma raja i tu raja ni Babel.”

JEREMIA 37:17 ပူးပေါင်းရင်းမြစ်များ

1 RAJA-RAJA 22:15

Dung lalu si Mika di jolo ni Raja Ahab, disapai raja i ma, “Mika! Tola dehe Raja Josafat dohot au kehe mamorangi Ramot sanga nada?” “Porangi ma!” ning si Mika. “Madung tontu marhasil tuan i. Lehenon ni Tuhan do i hamonangan di tuan i.”

1 RAJA-RAJA 22:16

Dialusi si Ahab ma, “Muda mangasahon Tuhan do ho tu au mandok hata, na tutu i ma dokkon. Piga noli angkon dokkononku paingotkon ho salaho tusi?”

2 RAJA-RAJA 25:7

Dimatehon ma angka dakdanaknia di jolonia. Dung i dipulsikkon ma mata ni si Zedekia, dirante ma ia jana dioban tu Babel.

JEREMIA 15:11

O Tuhan, muda na so denggan do tutu hudalankon karejongku, jana nada huondihon angka musungku di joloMu taran marsak jana susa halahi, sai tulus ma nian bura ni angka jolma i. (

JEREMIA 21:7

Ho dohot angka pagawemu maradu angka jolma na malua sian parporangan, tangkuraparon dohot nyae masa, padiaronKu sudena i hona tangkup baenon ni Raja Nebukadnesar dohot baenon ni angka musu na giot mamatehon ho. Bunuon ni si Nebukadnesar ma hamu sude nada adong ampunan dohot ibo ni rohana. Au Tuhan, mandok songon i.”

JEREMIA 24:8

Tapi anggo si Zedekia raja ni Juda dohot angka bagian na mora-mora na rap dohot ia, dohot halak Jerusalem na teba na maringanan hot di luat on dohot na bungkas tu Mesir, baenonKu ma halahi songon batu ni ara na busuk-busuk on, na so tarpangan be. Au Tuhan madung mandok songon i.

JEREMIA 25:35

Jadi nada adong be haluan di angka parmahan, laing songon i muse do bope di angka pamimpin ni angka habanan.

JEREMIA 37:3

Disuru si Zedekia ma si Jukal anak ni si Selemia, dohot Malim Zefanya anak ni si Maaseya mangidohon anso martangiang au tu Tuhan Debata salaho tu haporluan ni bangso i.

JEREMIA 38:5

Dialusi Raja Zedekia ma, “Denggan ma i, baen hamu ma tusia sanga aha giotmunu, nada tarantahi au hamu.”

JEREMIA 52:8

Tapi diayak tentara ni Babel i do Raja Zedekia, jana ditangkup ma ia di napa ni Jeriko. Marlojongi do sude anak buania i manadingkon ia.

JEHESKIEL 7:26

Mardapot-dapot ma parmaraan dohot barita na jatjat marroan. Pangidoonmunu ma anso ro nian panurirang na giot paboa alatan, hape nada tarbaen halahi. Boti muse nada adong sanga aha di angka malim siajarkononnia tu bangso i, angka pamimpin pe madung abis sipaingot na nibotona.

BILANGAN 23:17

Dung i mulak ma si Bileam mandapotkon si Balak na laing jongjong donok tu haul situtungonnia i, rap dohot angka pamimpin ni Moab. Disapai si Balak ma sanga aha didok Tuhan i,

MARKUS 6:20

Anggo si Herodes disuruhon ia do anso denggan dijagoi ngolu ni si Johannes. Harana, mabiar do ia mida si Johannes. Angke diboto ia na tigor do si Johannes on, i ma suruan ni Debata. Tutu do nian, muda mangkobari si Johannes, sai tabo do dihilala si Herodes manangihon haru pe gabe marhusari sajo rohania hara ni i.