JEREMIA 37:15 - BIBEL JAMITA NA DENGGAN

¹⁵ Sun ma muruk ni halahi tu au jana diparentahon halahi anso dibalbali au jana dihurung di bagas ni si Jonathan, juru tulis ni bagas godang i. Gabe hurungan do dibaen bagas i.

JEREMIA 37:15 ပူးပေါင်းရင်းမြစ်များ

PAMUNGKAAN 39:20

Jana disuru ia ma anso manigor ditangkup si Josep jana dipamasuk tu hurungan, inganan panghurungan ni angka tahanan ni raja. Jadi gabe disi ma si Josep tinggal.

2 JUJUR TAON 16:10

Songon i noma murukna si Asa umbege pandohan ni Panurirang Hanani i jadi gabe dipamasuk ia ma panurirang i tu hurungan. Di hatiha i laing dipisat si Asa do sanga na piga halak sian rayatnia i.

2 JUJUR TAON 18:26

Suru anso dipamasuk halahi si Mika tu bagasan hurungan jana saotik sajo pe dilehen ia mangan dohot minum lopus mulak au di bagasan hahorasan.”

JEREMIA 18:23

Tapi diboto Ho do ale Tuhan sasude na nitahi ni roha ni halahi laho mamatehon au. Hara ni i, ulang be ampuni halahi; ulang sesa hasalaan ni halahi. Potuk ma halahi lopus dabu. Maralo ma Ho tu halahi di bagasan muruk ni rohaMu.”

JEREMIA 26:16

Jadi gabe didok angka pamimpin dohot rayat i ma tu angka malim, dohot angka panurirang i, “Mangasahon goar ni Tuhan Debatanta do bayo on mangkatai; nada patut ia mate niuhuman.”

JEREMIA 32:2

Topet ma hatiha i dompak ro tentara ni raja Babel mangaroro Jerusalem. Ditahan Raja Zedekia ma au di alaman ni bagas godang ni raja i

JEREMIA 37:20

Saonnari ale rajanami, raja na sangap, ditangihon raja i ma jolo pangidoankon. Ulang be ditongos raja au mulak tu hurungan na di bagas ni si Jonathan i, mate ma au lalu disi.”

JEREMIA 37:4

Nada dipamasuk dope au di hatiha i tu hurungan, jana laing bebas dope au mardalani di tonga-tonga ni rayat i.

JEREMIA 38:26

Jadi dok sajo ma na dielek-elekmu au anso ulang hutongos ho mangulahi tu hurungan jana lalu mate disi.”

JEREMIA 38:6

Dung i dialap halahi ma au jana ditantan halahi ma au dohot tali tu bagasan sumur ni si Malkia anak ni raja i. Di alaman ni bagas godang i do sumur i. Nada adong aek di bagasan sumur i, hum bustak do jana masuk ma au tu bustak i.

JEREMIA 39:15

Dompak na ditahan i au di alaman ni bagas godang i, disuru Tuhan ma au

MATEUS 21:35

Tapi ditangkupi angka na mamola kobun i ma angka naposo ni partano na bidang i: Na sada dibalbali, na sada nari dibunu halahi, angka na asing i pe didangguri halahi do dohot batu.

MATEUS 23:34

Antong hara ni i parrohahon hamu ma jolo, tongosonKu ma angka panurirang tu hamu dohot halak na marroha dohot angka Siboto Surat. Angkon bunuonmunu deba sian halahi. Deba nari parsilangkononmunu. Adong ma i balbalonmunu di bagas paribadatan, kojar-kojaronmunu sian kota na sada tu kota na asing.

LUKAS 22:64

Dibulang halahi ma mataNa i jana disapai halahi ma Ia, “Paboa ma jolo sanga ise do na mambalbali Ho?”

JOHANNES 18:22

Dung didokkon Jesus songon i, ro ma sada halak panjago i manampeleng Ia didok ma tuSia, “Na puluk ma Ho mangkatai songon i tu Malim Godang i!”

BAENON NI ANGKA RASUL 5:18

Ditangkup halahi ma angka rasul i, manigor dihurungkon tu hurungan na di kota.

BAENON NI ANGKA RASUL 5:28

Ning ia ma, “Nada he hami antahi do hamu, anso ulang be diajarkon hamu taringot tu Goar i. Tapi ligi hamunu ma sanga aha na dung nibaenmunu i! Madung digohi hamu Jerusalem on sude dohot pangajaranmunu, jana giot paporsankononmunu ma mudar ni Bayo i tu hami.”

BAENON NI ANGKA RASUL 5:40

Dung i dipiohon ma angka rasul i, diloncing jana dilarang ma halahi mangajarkon taringot tu Jesus mangulahi. I pe anso dipalua halahi.

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.