JEREMIA 37:13 - BIBEL JAMITA NA DENGGAN

¹³ Tapi di na lalu au di Pintu Horbangan Benyamin, ditangkup komandan ni tentara na disi ma au jana didok ia, “Na giot lari do ho tu pihak ni halak Babel!” (Si Jeria do goar ni komandan i; anak ni si Selemia, pahompu ni si Hananya.)

JEREMIA 37:13 ပူးပေါင်းရင်းမြစ်များ

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

JEREMIA 20:2

diparentahon ia ma anso dipotuk au jana dibayangkon di Pintu Horbangan Benyamin, horbangan parginjang di Bagas Ni Tuhan.

JEREMIA 21:9

Ganop halak na tinggal di bagasan kota mate ma baenon ni podang, tangkuraparon sanga nyae masa. Tapi sanga ise na haruar laho tunduk tu halak Babel na mamorangi kota on, malua do halahi jana nada hona bunu.

JEREMIA 27:6

Au ma da na pasahatkon bangso on sudena tu bagasan kuaso ni naposongKu si Nebukadnesar raja ni Babel i. Salang dohot binatang pe Hupasahat do tusia sirajaanna.

JEREMIA 28:14

Songon on ma didok Tuhan, Debata ni Israel, na giot baenonNia ma auga bosi tu tangkuhuk ni sude bangso on, jana tunduk ma halahi sude mangoloi tu si Nebukadnesar, raja ni Babel. Laing didok Tuhan muse do, binatang panyoro pe pasahatonNia do tu toru ni kuaso ni si Nebukadnesar.”

JEREMIA 36:12

Dung i kehe ma ia tu bagas godang, tu kantor ni juru tulis ni raja. Topet do marrapot disi sude pajabat ni negara i. Disi do si Delaya anak ni si Semaya, si Elnatan anak ni si Akbor, si Gemarya anak ni si Safan, si Zedekia anak ni si Hananya, si Elisama sada halak jurutulis, dohot angka pajabat na asing i bage.

JEREMIA 38:1

Disuru Tuhan ma au palaluhon tona on tu rayat i, “LehenonKu ma kota on tu tentara ni Babel, jana taluhonon ni halahi ma kota on. Sanga ise na tading di kota on, mate ma i di parporangan, baenon ni tangkuraparon dohot baenon ni nyae masa. Tapi sanga ise na ruar pasahatkon dirina tu halak Babel, nada pola bunuonna; malua do hosana.” Dibege si Sefaca anak ni si Matan, si Gedalya anak ni si Pashur, si Jukal anak ni si Selemia, dohot si Pashur anak ni si Malkia do sude na hudokkon i.

JEREMIA 38:4

Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”

JEREMIA 38:7

Adong do sada halak Sudan na karejo hatiha i di bagas godang ni raja i. Si Ebedmelek goarna. Tarbege ma tusia na dung dipamasuk au tu bagasan sumur i. Taran manguluhon rapot raja i di pintu Horbangan Benyamin,

ANDUNG 4:18

Nada tarbaen hami ruar tu alaman, hara ni panjago ni alo na rongkingan. Dapot ma da ajalnami, madung marujung ari-arinami.

AMOS 7:10

Ditongos si Amasia malim na di Betel ma lapuran tu si Jerobeam raja ni Israel songon on, “Martahi do si Amos dohot rayat i laho mambaen paraloan tu raja i. Manjajang-jajang rayat do hatania gabe mambaen sego luat on.

ZAKARIA 14:10

Sandok luat mamungka sian Geba di Utara lopus tu Rimon di Selatan, gabe napa ma sudena i. Tapi anggo Jerusalem marsijongjong ma i diginjang adu i, gumincat sian tano na humaliang i; mabidang ma kota i mamungka sian Pintu Horbangan Benyamin lopus tu Pintu Horbangan Suhi-suhi, i ma inganan ni Pintu Horbangan na jolo dohot sian Menara Hananael lopus tu inganan pamoroan ni anggur nampuna ni raja i.

LUKAS 23:2

Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”

BAENON NI ANGKA RASUL 24:13

Nada tarbuktihon halahi muse angka adu-aduan ni halahi tu tuan i salaho tu au.

BAENON NI ANGKA RASUL 6:11

Jadi hara ni i dijajang halahi ma halak anso ra mandok, “Madung hami bege diincahi ia si Musa dohot Debata!”

2 KORINTUS 6:8

Diparsangapi halak do hami, tapi laing adong do na palayas-layaskon; dipuji do hami tapi laing adong na pabilehon. Haru tigor pe hami, laing didok do hami pargabus.