JEREMIA 36:6 - BIBEL JAMITA NA DENGGAN

⁶ Tapi sanoli on muda hatiha puaso halak, angkon kehe do ho tusi jana siseonmu gogo sude na hudokkon i tuho, anso sude dibege halahi na nidok ni Tuhan tu au. Padalan ma i di inganan na tumbuk begeon ni sude halak tu ho, dohot tu halak Juda na marroan sian angka kota ni halahi be.

JEREMIA 36:6 ပူးပေါင်းရင်းမြစ်များ

JEREMIA 18:11

Didok Tuhan ma tu au, “Saonnari paboa ma tu angka halak Juda dohot tu halak na mangingani Jerusalem paboa na mambaen sangkap do Au saonnari laho mangalo halahi, dohot pasidungkon uhuman tu halahi. Suruhon ma anso diantak halahi parngoluon ni halahi na mardosai i jana dipadenggan halahi pangalaho dohot parbuatan ni halahi.

JEREMIA 19:14

Dung ditadingkon ia Tofet, i ma inganan na nisuru palaluonnia tona ni Tuhan i, kehe ma ia tu alaman ni Bagas Ni Debata jana jongjong ia disi, lalu dipaboa ma tu sandok halak,

JEREMIA 22:2

Dokkon ma: Tangihon ma hata ni Tuhan ale raja ni Juda na juguk di habangsa ni si Daud, ho dohot angka pagawemu dohot rayatmu na masuk tu pintu harbangan on!”

JEREMIA 26:2

manigor didok Tuhan ma tu au, “Kehe ma ho jongjong di alaman ni BagasKu jana palalu ma tu halak Juda na ro marsomba tusi, sandok na Huparentahon tu ho sipalaluonmu tu halahi. Saotik pe ulang urahi.

JEREMIA 36:2

“Buat ma sude balunan ni karotes jana suratkon ma sude na dung Hutonahon tu ho salaho tu Israel dohot Juda, bope taringot tu sude bangso. Suratkon ma sude hata na Hudokkon i mamungka sian pangkataionKu na parjolo tu ho dompak Raja Josia mamarenta lalu tu sadari on.

JEREMIA 36:4

Jadi gabe hupio ma si Barukh anak ni si Neria jana hudiktehon ma tusia sude na nidok ni Tuhan tu au. Jadi disuratkon si Barukh ma sudena i tu karotes balunan i.

JEREMIA 7:2

“Jongjong ma ho di horbangan ni Bagas Ni Tuhan, baritahon ma hata on jana dokkon ma, ‘Tangihon hamu ma hata ni Tuhan, ale halak Juda, na masuk sian sude horbangan on laho marsomba Tuhan!’

ZAKARIA 8:19

“Gabe ari pesta na gok jop ni roha dohot hasonangan ma di halak Juda puaso na didalankon di bulan paopatkon, palimahon, papituhon dohot pasampuluhon. Haholongi hamu ma hatigoran dohot dame!”

BAENON NI ANGKA RASUL 27:9

Jadi hatiha i, ma salpu Ari Pesta Pardamean Ni Halak Jahudi. Satutuna madung salpu hatiha na denggan di hami, nada tarbaen sonang be na marlayar on. Jadi gabe dipaingot si Paulus ma halahi,