JEREMIA 36:5 - BIBEL JAMITA NA DENGGAN

⁵ Dung i hudok ma parenta on tusia, “Nada dipatola be au masuk tu Bagas Ni Debata.

JEREMIA 36:5 ပူးပေါင်းရင်းမြစ်များ

NEHEMIA 6:10

Laing hira-hira di hatiha i, kehe ma au tu bagas ni si Semaya anak ni si Delaya jana pahompu ni si Mehetabeel, dibaen adong halangannia mandapotkon au. Didok ia ma tu au, “Beta hita na dua martabuni tu Bagas Ni Tuhan. Takunci sude pintuna i, dibaen adong do halak na giot mamunu ho di borngin on.”

MASMUR 88:8

Dipadao Ho angka sitandaanku sian au dibaen Ho au di halahi gabe sihagigian, dihobuk au nada tarbaen luncat.

JEREMIA 20:2

diparentahon ia ma anso dipotuk au jana dibayangkon di Pintu Horbangan Benyamin, horbangan parginjang di Bagas Ni Tuhan.

JEREMIA 32:12

jana hulehen ma surat na dua i tu si Barukh anak ni si Neria pahompu ni si Mahseya. Hupasahat di jolo ni si Hanameel do i dohot angka saksi na maneken surat-surat i dohot di jolo ni angka halak na topet marjuguhan di alaman i.

JEREMIA 32:2

Topet ma hatiha i dompak ro tentara ni raja Babel mangaroro Jerusalem. Ditahan Raja Zedekia ma au di alaman ni bagas godang ni raja i

JEREMIA 33:1

Dompak na ditahan au di alaman i, hujagit muse ma tona na asing sian Tuhan,

JEREMIA 37:15

Sun ma muruk ni halahi tu au jana diparentahon halahi anso dibalbali au jana dihurung di bagas ni si Jonathan, juru tulis ni bagas godang i. Gabe hurungan do dibaen bagas i.

JEREMIA 38:28

Hot dope au ditahan di alaman ni bagas godang i lopus tu ari hatatalu ni Jerusalem.

JEREMIA 38:6

Dung i dialap halahi ma au jana ditantan halahi ma au dohot tali tu bagasan sumur ni si Malkia anak ni raja i. Di alaman ni bagas godang i do sumur i. Nada adong aek di bagasan sumur i, hum bustak do jana masuk ma au tu bustak i.

JEREMIA 40:4

Saonnari hupalua ma rante on sian tanganmu jana hupalua ma ho. Muda ra ho, tola do ho dohot tu Babel, jana husarihon pe ho. Tapi muda nada ra ho, nada pola bia. Bebas do ho di luat on sanga na tu dia giotmu kehe.”

2 KORINTUS 11:23

Angka naposo ni Kristus dehe halahi? Aropku songon halak na dung lalaen do au, tapi hape dao dumenggan dope au songon pangoloi ulang pado halahi sudena! Marsitutuan dope au karejo, jumotjot dope au tarhurung ulang halahi, umbahat dope parkancitan na hutaon jana jotjot do au giot mate.

EPESUS 3:1

I ma dalanna umbaen na tarhurung au si Paulus hara ni Jesus Kristus, laho manyarihon haporluanmunu angka dongan na so bangso Jahudi.

EPESUS 6:20

Gabe utusan do au hara ni Jamita Na Denggan i jana di hurungan saonnari. Tangiangkon hamu ma anso puluk au mangkobari taringot tu Jamita Na Denggan i, songon na patut sidohononku.

2 TIMOTEUS 2:9

Hara ni na manjamitahon Jamita Na Denggan i do umbaen na markancit au; lopus tarrante dope songon sada halak parjahat, tapi nada tarrante anggo hata ni Debata.

IBRANI 11:36

Adong ma deba na niincahan, na diparkanciti, dirante jana dipamasuk tu hurungan.