JEREMIA 36:2 - BIBEL JAMITA NA DENGGAN

² “Buat ma sude balunan ni karotes jana suratkon ma sude na dung Hutonahon tu ho salaho tu Israel dohot Juda, bope taringot tu sude bangso. Suratkon ma sude hata na Hudokkon i mamungka sian pangkataionKu na parjolo tu ho dompak Raja Josia mamarenta lalu tu sadari on.

JEREMIA 36:2 ပူးပေါင်းရင်းမြစ်များ

ESRA 6:2

Tapi anggo catatan salaho tusi nada di Babel pardapotna, hape di kota Ahmeta na di Luat Media do. Di sada pustaha na margulung do catatan i disuratkon jana songon on ma hatana,

JOB 31:35

Na so adong be ulaning sanga ise na ra umbege hataniba? Tahan do au marsumpa paboa na tutu do i sudena. Sai dialusi Debata Na Markuaso i ma jolo nian iba. Sugari disuratkon tuhas-tuhas ni musungku tu au anso tangkas sude di jolo ni matangku,

MASMUR 40:7

Gabe hualusi ma, “Dison do au, tarsurat do di bagasan buku taringot tu au.

HARURUAR 17:14

Dung i didok Tuhan ma tu si Musa, “Suratkon ma taringot tu hamonangan on, anso sai tongtong dipaingot-ingot. Dok tu si Josua, na giot lantuhanKu do sude halak Amalek on.”

JESAYA 8:1

Didok Tuhan ma tu au, “Buat ma sada batu tulis na godang, jana suratkon ma dohot hurup na tangkas: ‘Maher-Salal dohot Has-Bas.’

JEREMIA 1:10

Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”

JEREMIA 1:5

“Dompak so Hujadihon ho di bortian ni inangmu, madung Hutanda ho, jana taran so sorang dope ho madung Huparbadiai ho, madung Hutodo do ho gabe panurirang tu angka bangso.”

JEREMIA 1:9

Dung i disurduhon Tuhan ma tanganNia jana dijama Ia ma pamanganku lalu didok Ia, “Satutuna, madung Hubaen hatangKu tu bagasan pamanganmu.

JEREMIA 2:4

Tangihon hamu ma Tuhan, o hamu pomparan ni si Jakob, ale angka marga ni Israel!

JEREMIA 25:3

“Mamungka sian taon patolu bolaskon dung mamarenta si Josia anak ni si Amon, raja di Juda, lopus tu sadari on, jadi madung dua pulu tolu taon honokna, hata ni Debata dipalalu tu au, jana nada unjung lupa au palaluhon hata i tu hamu, tapi nada ra hamu manangihonsa.

JEREMIA 30:2

Songon on ma didok Tuhan, Debata ni Israel, “Suratkon ma sude hata na dung Hudokkon i tu ho, tu bagasan buku.

JEREMIA 36:14

Dung i disuru angka pajabat i ma si Jehudi (i ma anak ni si Netanya, pahompu ni si Selemia, dohot anak mulak ni si Kusi) mandapotkon si Barukh mardongan parenta anso ro si Barukh tu halahi maroban surat balunan na nisisenia i. Jadi dioban si Barukh ma surat i.

JEREMIA 36:18

“Tutu do, sude hata na tarsurat dison na didikte ni si Jeremia do tu au, jana husurat ma i dohot tinta di surat balunan on,” ning si Barukh mangalusi.

JEREMIA 36:23

Disi abis disise si Jehudi tolu tu opat baris, disibakkon raja i ma i dohot piso na menek jana diambungkon ia ma i tu api. Songon i ma dibaen ia torus lopus abis sude surat balunan i mosok.

JEREMIA 36:29

Disuru Tuhan ma au mandok songon on tu raja i, “Madung ditutung ho surat balunan i, jana nada disapai ho tu si Jeremia sanga hara ni aha umbaen na disuratkon ia bahaso giot ro raja ni Babel mangaroncohon luat on lalu mamunu halakna dohot angka pahan-pahananna.

JEREMIA 36:6

Tapi sanoli on muda hatiha puaso halak, angkon kehe do ho tusi jana siseonmu gogo sude na hudokkon i tuho, anso sude dibege halahi na nidok ni Tuhan tu au. Padalan ma i di inganan na tumbuk begeon ni sude halak tu ho, dohot tu halak Juda na marroan sian angka kota ni halahi be.

JEREMIA 45:1

Di taon paopatkon mangarajai si Joyakim anak ni si Josia di Juda, disuratkon si Barukh ma sanga aha na hudiktehon tusia. Jadi hupalalu ma tusia

JEREMIA 51:60

Sude parmaraan na giot mandondoni Babel, dohot angka pangalaho na asing taringot tu luat i, madung husuratkon di sada buku.

JEHESKIEL 2:9

Dung i huida ma tangan na surdu tu au. Ditangan i adong balunan ni karotes,

HOSEA 8:12

Bahat sajo do Husuratkon pangajaran di halahi, hape ditulak halahi do sudena i angke nada adong dietong halahi hadomuan ni i dohot halahi.

PANGARATAION 31:24

Dung i disuratkon si Musa ma Tona Ni Tuhan di bagasan sada buku. Tangkas do panyuratna dibaen ia anso ulang adong na lupa panyuratna.

IBRANI 10:7

Dung i Hudok ma, ‘Dison do Au, o Debata! Ro do Au laho patuluskon hagiotMu songon na tarsurat i di Buku Na Badia taringot tu Au sandiri.’ ”