JEREMIA 36:14 - BIBEL JAMITA NA DENGGAN

¹⁴ Dung i disuru angka pajabat i ma si Jehudi (i ma anak ni si Netanya, pahompu ni si Selemia, dohot anak mulak ni si Kusi) mandapotkon si Barukh mardongan parenta anso ro si Barukh tu halahi maroban surat balunan na nisisenia i. Jadi dioban si Barukh ma surat i.

JEREMIA 36:14 ပူးပေါင်းရင်းမြစ်များ

2 RAJA-RAJA 25:23

Dung tarboto tu angka perwira dohot parajurit ni Juda na so menyerah i dope tu Babel taringot tu na niangkatna i, gabe didapotkon halahi ma si Gedalya di Mispa. Angka on ma goar ni perwira i: Si Ismael anak ni si Netanya, si Johanan anak ni si Kareah, si Seraya anak ni si Tanhumet na sian kota Netofa dohot si Jasanya na sian kota Maaka.

JEREMIA 36:2

“Buat ma sude balunan ni karotes jana suratkon ma sude na dung Hutonahon tu ho salaho tu Israel dohot Juda, bope taringot tu sude bangso. Suratkon ma sude hata na Hudokkon i mamungka sian pangkataionKu na parjolo tu ho dompak Raja Josia mamarenta lalu tu sadari on.

JEREMIA 36:21

Disuru raja i ma si Jehudi mangalap surat i. Dung dibuat ia sian bilik ni si Elisama, disise si Jehudi ma tu raja i dohot tu sude pajabat na marjongjongan humaliang raja i.

JEREMIA 36:4

Jadi gabe hupio ma si Barukh anak ni si Neria jana hudiktehon ma tusia sude na nidok ni Tuhan tu au. Jadi disuratkon si Barukh ma sudena i tu karotes balunan i.

JEREMIA 40:8

Jadi kehe ma si Ismael anak ni si Netanya, si Johanan anak ni si Kareah, si Seraya anak ni si Tanhumet, dohot angka anak ni si Efai na sian Netofa, dohot si Jesanya na sian Maaka kehe rap dohot angka halakna be mandapotkon si Gedalya di Mispa.

JEREMIA 41:16

Dung i dipalagut si Johanan rap dohot angka perwira i ma angka tentara, dadaboru, angka dakdanak dohot angka pagawe ni bagas godang na nitahan ni si Ismael i dung jolo dibunu ia si Gedalya.

ZEPANYA 1:1

On ma hata ni Tuhan tu si Zepanya anak ni si Kusi, i ma anak ni si Gedalya, i ma anak ni si Amarya, i ma anak ni si Hiskia, taran di tingki ni si Josia anak ni si Amon raja di Juda.

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.