JEREMIA 36:12 - BIBEL JAMITA NA DENGGAN

¹² Dung i kehe ma ia tu bagas godang, tu kantor ni juru tulis ni raja. Topet do marrapot disi sude pajabat ni negara i. Disi do si Delaya anak ni si Semaya, si Elnatan anak ni si Akbor, si Gemarya anak ni si Safan, si Zedekia anak ni si Hananya, si Elisama sada halak jurutulis, dohot angka pajabat na asing i bage.

JEREMIA 36:12 ပူးပေါင်းရင်းမြစ်များ

2 RAJA-RAJA 22:12

Gabe diparentahon ma tu Malim Hilkia, si Ahikam anak ni si Safan, si Akbor anak ni si Mika, si Safan sekretaris ni bagas godang i dohot tu si Asaya pagawe ni raja i songon on,

2 RAJA-RAJA 22:14

Gabe kehe ma halahi mangido panogu-noguon tu sada dadaboru na margoar si Hulda. Panurirang do ia na maringanan di parhutaan na imbaru di Jerusalem. Si Salum do goar ni halaklahina, i ma anak ni si Tikwa, pahompu ni si Harhas; mangurus pakean ibadat do karejonia di Bagas Ni Debata. Dung dibege si Hulda sude na nipatorang ni halahi i;

2 RAJA-RAJA 22:3

Adong ma di si Josia sada halak sekretaris ni bagas godang na margoar si Safan anak ni si Asalia, pahompu ni si Mesulam. Di taon pasalapan bolaskon dung mamarenta Raja Josia, disuru raja i ma sekretarisnia i tu Bagas Ni Debata, didok ia ma,

2 RAJA-RAJA 24:8

Marumur salapan bolas taon ma si Joyakin di na gabe raja ia di Juda jana tolu bulan honokna mamarenta ia di Jerusalem. Si Nehusta do goar ni inangnia boru ni si Elnatan sian Jerusalem.

JEREMIA 26:10

Di na tarboto tu angka pamimpin ni Juda na masa i, diompoti halahi ma haruar sian bagas godang ni raja i lalu kehe tu Bagas Ni Tuhan jana marjuguhan halahi di Pintu Horbangan Baru.

JEREMIA 26:22

Tapi disuru Raja Joyakim ma si Elnatan anak ni si Akbor rap dohot deba nari halak na asing kehe tu Mesir mangalap si Uria.

JEREMIA 26:24

Hape saonnari hara ni pangurupion ni si Ahikam anak ni si Safan, au si Jeremia nada dipasahat tu rayat i anso dibunu.

JEREMIA 38:4

Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”

JEREMIA 41:1

Di bulan pitu di taon i, kehe ma si Ismael anak ni si Netanya jana pahompu ni si Elisama rap dohot sampulu halak donganna tu Mispa laho marsuo dohot si Gedalya. (Horong na mora-mora do si Ismael, perwira tinggi do ia di harajaan.) Dompak rap mangan halahi sudena,