JEREMIA 36:11 - BIBEL JAMITA NA DENGGAN

¹¹ Dibege si Mikaya anak ni si Gemarya jana pahompu ni si Safan do si Barukh na manyise hata ni Tuhan na sian surat balunan i.

JEREMIA 36:11 ပူးပေါင်းရင်းမြစ်များ

2 RAJA-RAJA 22:3

Adong ma di si Josia sada halak sekretaris ni bagas godang na margoar si Safan anak ni si Asalia, pahompu ni si Mesulam. Di taon pasalapan bolaskon dung mamarenta Raja Josia, disuru raja i ma sekretarisnia i tu Bagas Ni Debata, didok ia ma,

2 RAJA-RAJA 25:22

Dung i diangkat Raja Nebukadnesar ma si Gedalya anak ni si Ahikam pahompu ni si Safan gabe gubernur di Juda laho mamarenta sandok halak na tading disi.

2 JUJUR TAON 34:20

Jadi dilehen raja i ma parenta tu si Hilkia, si Ahikam anak ni si Safan, si Abdon anak ni si Mika, si Safan sekretaris ni negara, dohot si Asaya ajudan ni raja i. Didok ia ma,

JEREMIA 26:24

Hape saonnari hara ni pangurupion ni si Ahikam anak ni si Safan, au si Jeremia nada dipasahat tu rayat i anso dibunu.

JEREMIA 36:10

Jadi disise si Barukh ma sian balunan ni surat i sandok na dung huhatahon, jana sude do halak manangihon. Di bagasan Bagas Ni Tuhan do i dipatupa, di kantor ni si Gemaria, anak ni si Safan juru tulis ni raja i. Di alaman parginjang i do kantor i, di lambung ni dalan laho masuk tu Pintu Horbangan Baru na di Bagas Ni Tuhan.

JEREMIA 36:13

Dipaboa si Mikaya ma tu halahi sude na nisise ni si Barukh di Bagas Ni Tuhan i.