JEREMIA 36:10 - BIBEL JAMITA NA DENGGAN

¹⁰ Jadi disise si Barukh ma sian balunan ni surat i sandok na dung huhatahon, jana sude do halak manangihon. Di bagasan Bagas Ni Tuhan do i dipatupa, di kantor ni si Gemaria, anak ni si Safan juru tulis ni raja i. Di alaman parginjang i do kantor i, di lambung ni dalan laho masuk tu Pintu Horbangan Baru na di Bagas Ni Tuhan.

JEREMIA 36:10 ပူးပေါင်းရင်းမြစ်များ

2 SAMUEL 20:25

Sekretaris ni harajaan: Si Seya. Malim: Si Zadok dohot si Abyatar.

2 SAMUEL 8:17

si Zadok anak ni si Ahitub dohot si Abyatar anak ni si Ahimelek, i ma na gabe malim; si Seraya i ma jurutulis ni bagas godang;

1 RAJA-RAJA 6:36

Di jolo ni Bagas Ni Debata i dibaen do alaman. Dihuliangi tembok do alaman i, na dibaen sian salampis hayu ares Libanon ganop tolu lampis batu.

2 RAJA-RAJA 15:35

Tapi anggo angka inganan parsombaan ni debata nada disegohon ia, jadi laing torus do anggo rayat mamelehon haul dohot na manutung hamonyan disi. Si Jotam on ma na mambangun Horbangan Utara na di Bagas Ni Debata.

2 RAJA-RAJA 18:37

Jadi disibakkon si Elyakim, si Sebna dohot si Joah ma pakean ni halahi hara ni marsakna. Jadi kehe ma halahi paboahonna tu raja i sanga aha na nidok ni parpangkat ni Asur i.

2 RAJA-RAJA 22:3

Adong ma di si Josia sada halak sekretaris ni bagas godang na margoar si Safan anak ni si Asalia, pahompu ni si Mesulam. Di taon pasalapan bolaskon dung mamarenta Raja Josia, disuru raja i ma sekretarisnia i tu Bagas Ni Debata, didok ia ma,

JEREMIA 26:10

Di na tarboto tu angka pamimpin ni Juda na masa i, diompoti halahi ma haruar sian bagas godang ni raja i lalu kehe tu Bagas Ni Tuhan jana marjuguhan halahi di Pintu Horbangan Baru.

JEREMIA 26:24

Hape saonnari hara ni pangurupion ni si Ahikam anak ni si Safan, au si Jeremia nada dipasahat tu rayat i anso dibunu.

JEREMIA 29:3

Hupaobankon ma surat i tu si Elasa anak ni si Safan, dohot si Gemaria anak ni si Hilkia na nisuru ni si Zedekia raja ni Juda tu si Nebukadnesar raja ni Babel. Songon on ma hata ni surat i,

JEREMIA 35:4

Huoban ma halahi tu Bagas Ni Tuhan tu bagasan ni bilik ni anak sisean ni Panurirang Hanan anak ni si Jigdalya. Di ginjang ni bilik ni si Maaseya anak ni si Salum panjago pintu i do parpayak ni bilik i, di lambung ni bilik ni angka pagawe na asing.

JEREMIA 36:11

Dibege si Mikaya anak ni si Gemarya jana pahompu ni si Safan do si Barukh na manyise hata ni Tuhan na sian surat balunan i.

JEREMIA 36:6

Tapi sanoli on muda hatiha puaso halak, angkon kehe do ho tusi jana siseonmu gogo sude na hudokkon i tuho, anso sude dibege halahi na nidok ni Tuhan tu au. Padalan ma i di inganan na tumbuk begeon ni sude halak tu ho, dohot tu halak Juda na marroan sian angka kota ni halahi be.

JEREMIA 36:8

Jadi disise si Barukh ma di Bagas Ni Tuhan hata na nidok ni Tuhan i hombar tu na hudok tusia.

JEREMIA 43:3

Si Barukh anak ni si Neria i do manjujui ho laho mangalo hami, anso ditaluhon halak Babel hami jana dibunu sanga dioban tu Babel.”

JEREMIA 52:25

panuturi ni raja i na pitu halak na laing tading di kota i, panglima, wakil panglima na mangurus surat-surat ni tentara, dohot onom pulu halak nari angka halak na godang-godang.

JEHESKIEL 40:38

Di alaman parruar i adong do sada kamar tamba-tamba di horbangan parbagasan sabola Utara. Sian kamar tamba-tamba i adong ma sada pintu tu bilik na lapang i. Disi ma dibasu angka pahan-pahanan na giot sibaenon haul situtungon.