JEREMIA 35:7 - BIBEL JAMITA NA DENGGAN

⁷ Nada tola hami marsuan-suanan, mambuka kobun anggur sanga marnampunahonsa. Salolot mangolu nada tola muse hami pajongjongkon bagas, tapi angkon torus do maringan di bagasan bandar, anso tarbaen hot hami maringanan di luat on songon halak sileban.

JEREMIA 35:7 ပူးပေါင်းရင်းမြစ်များ

PAMUNGKAAN 25:27

Mur magodangi ma dakdanak na dua i. Gabe parburu na utusan ma si Esau jana sai di padang ma por ni rohania maringanan; tapi anggo si Jakob, tenang do ia jana sai di bagas ma nian giotnia.

PAMUNGKAAN 36:7

Ditadingkon si Esau pe si Jakob hara ni na so tuk do luat na niinganan ni halahi i mangalehen panganon ni pahan-pahanan ni halahi i hara ni bahatna.

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

JEREMIA 35:9

Nada pajongjong bagas hami baen inganannami tapi maringanan di bandar do hami. Nada adong muse kobun anggurnami, ladang sanga same ni gandum sisuanon. Pendekna, sandok na niparentahon ni ompunami si Jonadab i, hami oloi do i sudena.

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.