JEREMIA 35:4 - BIBEL JAMITA NA DENGGAN

⁴ Huoban ma halahi tu Bagas Ni Tuhan tu bagasan ni bilik ni anak sisean ni Panurirang Hanan anak ni si Jigdalya. Di ginjang ni bilik ni si Maaseya anak ni si Salum panjago pintu i do parpayak ni bilik i, di lambung ni bilik ni angka pagawe na asing.

JEREMIA 35:4 ပူးပေါင်းရင်းမြစ်များ

1 RAJA-RAJA 12:22

Tapi disuru Debata ma Panurirang Senaya

1 RAJA-RAJA 13:1

Laing di hatiha i disuru Tuhan ma sahalak panurirang sian Juda tu Betel. Lalu ma panurirang i disi jana hatiha jongjong si Jerobeam di jolo ni langgatan parhaulan ni haul i.

1 RAJA-RAJA 13:26

Dung tarbege tu panurirang na matobang i taringot tu pangalaho i, didok ia ma, “Panurirang na so mangoloi parenta ni Tuhan i do bayo i! Hara ni i do umbaen na nisuru ni Tuhan singa i manyoro ia songon na nidok ni Tuhan dompak so tarjadi songon i.”

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

1 RAJA-RAJA 17:24

Dialusi na mabalu i ma, “Saonnari tangkas ma huboto, naposo ni Debata do ho amang jana tutu do mangkobari Tuhan markite-hite ho amang.”

1 RAJA-RAJA 20:28

Jadi ro muse ma sahalak panurirang tu Raja Ahab mandok, “On ma pandok ni Tuhan: ‘Dibaen diambang angka halak Siria na hum di dolok sajo do Au markuaso jana nada dohot di napa na toruk, lehenonKu ma tu ho hamonangan mangalo tentara ni halahi na santak bahat i, jadi gabe botoonmu dohot rayatmu ma, Au do Tuhan.’ ”

2 RAJA-RAJA 1:9

Jadi disuru ia ma kehe sada parpangkat, rap dohot lima pulu halak laho manangkup si Elia. Kehe ma parpangkat i jana dapot halahi ma si Elia topet juguk-juguk di sada dolok. “Bia do naposo ni Debata,” ning parpangkat i, “Disuru raja i do ho anso manuat!”

2 RAJA-RAJA 12:9

Dung i dibuat si Joyada ma sada poti-poti, dibaen ia lubangna sian tutupna i, dipayakkon ia ma i di lambung ni langgatan sabola siamun ni pintu laho masuk tu Bagas Ni Debata. Sude hepeng na nipasahat di Bagas Ni Debata tu poti-poti i ma dipamasuk angka malim na markarejo di pintu haroroan i.

2 RAJA-RAJA 25:18

Asing ni i, ditangkup si Nebusaradan muse do Malim Godang Seraya, si Zepanya, malim pangurupi, tolu halak panjago ni pintu ni Bagas Ni Debata. Silima halak panuturi ni raja i sandiri na laing tinggal di kota i, panglima, wakil panglima na mangurus administrasi ni tentara, dohot onom pulu nari halak na sangap-sangap.

2 RAJA-RAJA 5:14

Jadi kehe ma si Naaman tu Batang aek Jordan, masuk ma ia markonong tu bagasan aek i pitu noli songon na nidok ni si Elisa i. Gabe malum ma si Naaman; torkis ma pamatangnia i mulak songon dia ma pamatang ni doli-doli.

2 RAJA-RAJA 5:20

marpikir ma si Gehasi pangurupi ni si Elisa i, “Biasi dipaloas ia kehe sajo inda manggarar? Sugari angkon jagiton ni tuanki do nian silehen-lehen ni halak Siria i! Hara ni Tuhan na mangolu i, angkon hukojar bayo i anso adong dapot au sanga na aha sian ia!”

2 RAJA-RAJA 6:10

Jadi dipaingot raja ni Israel ma angka halak na maringanan disi anso hobas. Songon i ma dipaingot si Elisa halahi piga-piga noli.

2 RAJA-RAJA 7:17

Topet muse ma hatiha i pangawal ni raja i disuru manjagoi pintu horbangan ni kota i. Mate disi ma ia tardege-dege halak na bahat i. Laing tulus ma tarjadi songon na nidok ni si Elisa tu raja di na ro raja i mandapotkon ia.

2 RAJA-RAJA 7:2

Dialusi pangawal ni raja i ma, “Sian dia ma tarbaen i. Nada tutu i, haru pe sugari diparo Tuhan udan potir saonnari sian langit!” “Idaonmunu do i annon tarjadi, tapi anggo ho nada daionmu saotik pe sipanganon i,” ning si Elisa.

1 JUJUR TAON 9:27

Di lambung ni Bagas Ni Debata i do inganan ni halahi, harana angkon manjago halahi dohot mambuka pintu horbangan i ganop ari.

2 JUJUR TAON 8:14

Hombar tu angka aturan na nibaen ni si Daud amangnia i, dibagi si Salomo ma karejo ari-ari ni angka malim dohot halak Levi na mangurupi angka malim di na mangkarejohon dohot na mangendehon puji-pujian. Songon i muse angka pangawal ni Bagas Ni Tuhan i, dibagi ia do i marrombongan-rombongan di ganop pintu horbangan, hombar tu na niaturkon ni si Daud naposo ni Debata i.

MASMUR 84:10

Dumenggan do sadari di BagasMu, ulang pado saribu ari di inganan na asing. Dumenggan do jongjong di horbangan ni Bagas Ni Debatangku, ulang pado tinggal di bagas ni halak na jahat.

JEREMIA 21:1

Diutus si Zedekia raja ni Juda ma tu au Malim Pashur anak ni si Malkia dohot Malim Zefanya anak ni si Maaseya. Disuru ia halahi laho palaluhon pangidoan tu au songon on,

JEREMIA 26:10

Di na tarboto tu angka pamimpin ni Juda na masa i, diompoti halahi ma haruar sian bagas godang ni raja i lalu kehe tu Bagas Ni Tuhan jana marjuguhan halahi di Pintu Horbangan Baru.

JEREMIA 35:3

Jadi kehe ma au mangalap sude na sian horong ni si Rekhab, i ma si Jaasanya (anak ni na margoar si Jeremia anak ni si Habasinya) rap dohot sude kahangginia maradu angka dakdanaknia halaklahi.

JEREMIA 52:24

Tamba ni i ditangkup si Nebusaradan do Malim Godang Seraya, si Zefanya malim pangurupi, tolu halak panjago pintu ni Bagas Ni Tuhan,

JEHESKIEL 40:38

Di alaman parruar i adong do sada kamar tamba-tamba di horbangan parbagasan sabola Utara. Sian kamar tamba-tamba i adong ma sada pintu tu bilik na lapang i. Disi ma dibasu angka pahan-pahanan na giot sibaenon haul situtungon.

JEHESKIEL 43:8

Dipambaeni angka raja ni halahi do angka pamalpal ni pintu dohot angka tiang ni pintu ni bagas godang ni halahi di lambung ni angka pamalpal dohot angka tiang ni pintu ni BagasKu, gabe hum sada dingding sajo noma holang-kolangna. Dipajatjat halahi do goarKu na badia i marhite pangalaho ni halahi na nihagigihon i. Hara ni i ma umbaen na Huabiskon halahi di bagasan muruk ni rohangKu.

PANGARATAION 33:1

Painte so marujung ngolu ni si Musa, utusan ni Debata i, dipasupasu ia ma marga-marga ni bangso Israel, dohot hata on:

1 TIMOTEUS 6:11

Tapi anggo ho, halak ni Debata do ho, jadi angkon mandao do ho sian i sudena. Parayak ma anso halak na bonar ho di parnidaan ni Debata, jana na mangoloi tu Debata boti na porsaya tu Kristus, na marholong ni roha, sobar dohot marlambok ni roha.

2 TIMOTEUS 3:17

Mardongan Buku Na Badia i dipasingkop do sadenggan-dengganna sanga ise na mangoloi Debata di sude ragam ni parkarejoan na denggan.

JOSUA 14:6

Sanoli ro ma angka halak na sian Marga Juda mandapotkon si Josua di Gilgal. Sada sian halahi, i ma si Kaleb anak ni si Jefunne na sian Marga Kenisi. Didok si Kaleb ma tu si Josua, “Josua! Diboto ho do sanga aha na nidok ni Tuhan di Kades-Barnea tu si Musa, suruan ni Debata i, salaho tu ho dohot tu au.

1 SAMUEL 2:27

Sanoli ro ma sahalak panurirang tu si Eli jana dilehen ma tona tusia sian Tuhan, “Dompak na gabe naposo ni raja ni Mesir ompungmu si Harun dohot isi ni bagasna, Hupatidahon do diringKu tusia.