JEREMIA 35:2 - BIBEL JAMITA NA DENGGAN

² “Kehe ma ho manghobari dohot angka halak na sian horong ni si Rekhab. Oban ma halahi tu sada kamar na di bagasan BagasKu, jana parade ma anggur di halahi.”

JEREMIA 35:2 ပူးပေါင်းရင်းမြစ်များ

1 RAJA-RAJA 6:10

Sidung muse ma angka bilik tamba-tambana na martirket tolu i na nipauli sian duru ni dingding ni bagas i na dipadomu dohot angka balok sian hayu ares Libanon.

1 RAJA-RAJA 6:8

Pintu ni angka bilik tamba-tambana i di tirket partoru di sabola Selatan ni Bagas Ni Debata i do, jana adong do tangga tu tirket paduahon dohot patoluhon.

1 JUJUR TAON 2:55

Di kota Jabes adong angka halak na malo manyurat dohot manyalin angka surat na mararga. Sian horong Tirati ma asal ni halahi, dohot sian Simati songon i sian horong Sukati. Halak Keni na kawin dohot halak Rekhab do halahi.

1 JUJUR TAON 23:28

Angkon urupan ni halahi ma angka malim pomparan ni si Harun di na mandalankon ibadat mangihutkon parjojorna di Bagas Ni Debata, pature-ture angka alaman dohot angka kamar-kamarna, lalu manjago anso ulang jabat adong na gabe hodar sandok barang na dung ditontuhon hian di Tuhan.

1 JUJUR TAON 28:12

Laing dipasahat si Daud ma sude sangkap na dung dipikirkon ia salaho tu bagian ni alamanna dohot angka kamar humaliangna, dohot salaho tu angka gudang panyimpanan ni na hasaya di Bagas Ni Debata dohot panyimpanan ni angka silehen-lehen di Tuhan.

1 JUJUR TAON 9:26

Halak Levi do kapala ni panjago pintu na opat halak i, jana hot do jabatan ni halahi i. Halahi do na martanggung jawab salaho tu angka kamar na di Bagas Ni Debata, bope angka barang-barang na nisimpan disi.

1 JUJUR TAON 9:33

Deba sian halak Levi i, gabe parende ma di Bagas Ni Debata. Angka kapala ripe do halahi na maringanan di piga-piga bagas di Bagas Ni Debata jana nada adong karejo ni halahi na asing, hara ni na mardinas arian na borngin.

2 JUJUR TAON 3:9

dohot lima ratus pitu pulu gram sere laho mambaen paku. Angka tembok ni kamar-kamar na di tirket parginjang i pe dilampis do dohot sere.

2 JUJUR TAON 31:11

Dung diparentahon raja i, dihobasi halahi ma angka gudang na humaliang Bagas Ni Tuhan i

ESRA 8:29

Jagohon ma angka barang-barang i denggan lopus lalu hamu tu Bagas Ni Tuhan. Dung lalu hamu disi angkon timbangonmunu do barang-barang i jana pasahat hamu ma tu angka malim kapala dohot angka pamimpin ni halak Levi maradu angka pamimpin ni halak Israel di Jerusalem.”

NEHEMIA 13:5

Dilehen si Elyasib tu si Tobia sada kamar na godang. Anggo satutuna nian sipakeon na mardohonan do kamar i, i ma panyimpanan ni haul gandum, hamonyan, angka alat-alat sipakeon di Bagas Ni Tuhan, haul na di malim, parsampuluan ni gandum, anggur, miak zetun sibagi-bagihononkon tu angka halak Levi, angka parmusik dohot sijago horbangan ni Bagas Ni Tuhan.

JEREMIA 35:3

Jadi kehe ma au mangalap sude na sian horong ni si Rekhab, i ma si Jaasanya (anak ni na margoar si Jeremia anak ni si Habasinya) rap dohot sude kahangginia maradu angka dakdanaknia halaklahi.

JEREMIA 35:4

Huoban ma halahi tu Bagas Ni Tuhan tu bagasan ni bilik ni anak sisean ni Panurirang Hanan anak ni si Jigdalya. Di ginjang ni bilik ni si Maaseya anak ni si Salum panjago pintu i do parpayak ni bilik i, di lambung ni bilik ni angka pagawe na asing.

JEREMIA 35:8

Sude na niparentahon ni si Jonadab tu hami, hami oloi do i. Salolot mangolu, nada minum anggur hami dohot angka dadaborunami, angka dakdanaknami halaklahi bope dadaboru.

JEHESKIEL 40:16

Di tembok na di pudi i dohot di angka tembok pambolat ni angka kamar-kamar i adong do angka jandela na menek-menek. Angka tembok na di bagasan na mangadop tu dalan na sompit i, digorgahon do i dohot bona ni harambir.