JEREMIA 34:9 - BIBEL JAMITA NA DENGGAN

⁹ angka hatoban halak Ibrani na adong di halahi, halaklahi sanga dadaboru anso ulang adong sahalak pe sian halak Israel na marhatobankon dongan sabangsona.

JEREMIA 34:9 ပူးပေါင်းရင်းမြစ်များ

PAMUNGKAAN 14:13

Tapi adong ma sahalak na luncat jana dipaboa ia ma sude na masa i tu si Abram, halak Ibrani i. Donok tu harangan paribadatan nampuna ni si Mamre, halak Amori i do inganan ni si Abram. Dongan ni si Abram do si Mamre dohot kahangginia si Eskol dohot si Aner.

PAMUNGKAAN 40:15

Harana anggo satutuna, na nitangko do da au sian luat ni halak Ibrani, dohot dison pe tehe di Mesir on, na so unjung do hubaen hajahatan sanga aha pe na mambaen au patut masuk hurungan.”

HARURUAR 2:6

Dung dibuka boru ni raja i karanjang i, diida ia ma sada dakdanak di bagasan. Tangis do dakdanak i, gabe ibo ma roha ni boru ni raja i, lalu didok ia, “Anak ni halak Ibrani do on.”

HARURUAR 3:18

Tangihonon ni bangsongKi do angka hata na nidokmu. Dung i kehe ma ho rap dohot angka hatobangon ni Israel mangadop tu raja ni Mesir mandok tusia, ‘Tuhan, Debata ni halak Ibrani madung ro pataridahon diriNa tu hami. Paloas ma hami kehe saonnari, hira-hira tolu ari pardalanan daona tu halongonan laho manghaulkon haul tu Tuhan, Debatanami.’ ”

JEREMIA 25:14

BalosonKu do angka parbuatan ni halak Babel i; parhatobanon ni angka raja-raja na godang ma halahi dohot angka bangso na bahat.’ ”

JEREMIA 27:7

Mangoloi tusia do sandok bangso, tu anaknia dohot tu pahompunia lopus dapot hatihana madabu bangsonia i. Anggo di hatiha i mangoloi ma bangso Babel tu angka bangso na gogo dohot tu angka raja na godang.

JEREMIA 30:8

Didok Tuhan Na Markuaso i do, “Muda dung dapot ari i, tipulkononKu ma auga na dibaen tu tangkuhuk ni halahi i jana rante ni halahi Hutalduskon. Nada be gabe hatoban ni halak na asing halahi.

JEREMIA 34:10

Sude rayat dohot angka pajabat ni pamarenta na dohot di parjanjian laho paluahon angka hatoban ni halahi jana nada be parhatobanon ni halahi mangulahi, paluaon ni halahi ma tutu situtu angka hatoban ni halahi i.

1 KORINTUS 6:8

Hape hamu sandiri dope na mambaen na so tigor tu halak na asing. Rugi do halak dibaen hamu. Jana tu dongan Kristen muse do songon i dibaen hamu!

2 KORINTUS 11:22

Adong he halak Ibrani halahi? Au pe halak Ibrani do. Adong he halak Israel halahi? Au pe halak Israel do. Adong he pomparan ni si Abraham halahi? Au pe songon i do!

PANGARATAION 15:12

“Muda adong donganmunu halak Ibrani, halaklahi sanga dadaboru na targadis sanga na pagadiskon dirina songon hatoban tu hamu, tola ma oloannia hamu onom taon lolotna, jana dung salpu i di taon na papituhon angkon padiaronmunu do ia kehe.

PILIPPI 3:5

Marumur salapan ari, ma disunat au. Halak Israel do au, sian Marga Benyamin; halak Ibrani asli do au. Salaho tu na mangoloi angka Tona ni ugamo Jahudi, au ma sahalak anggota ni golongan Parise.

1 SAMUEL 14:11

Jadi di na nipatidahon ni halahi diri ni halahi tu benteng ni Pilistin i, didok halak Pilistin i ma, “Ligi ma, adong halak Ibrani na ruar sian lubang partabunian ni halahi!”

1 SAMUEL 4:6

Laing dibege halak Pilistin do sora ni na marsurak i gabe didok halahi ma, “Biasi ulaning marsurahi halak Ibrani i?” Tapi dung diboto halahi na dung lalu Poti Parjanjian ni Tuhan i di parbandaran ni halak Ibrani i,

1 SAMUEL 4:9

Papir hamu ma rohamunu, ale halak Pilistin! Marporang ma hamu, anggo inda, na giot gabe hatoban ni halak Ibrani i noma hamu, songon halahi najolo na gabe hatoban. Antong marporang ma hamu songon halaklahi!”