JEREMIA 34:5 - BIBEL JAMITA NA DENGGAN

⁵ tapi sonang do parmatemu. Jana songon na somal ditutung rayat i hamonyan di na manguburkon angka ompumunu na mamarenta di jolomu, laing songon i ma baenon ni rayat i tutungonna hamonyan di ho. Marsiluluton ma halahi jana dokkononna, ‘Iale! Nada adong be hape rajanami!’ Au Tuhan, madung mandok songon i.”

JEREMIA 34:5 ပူးပေါင်းရင်းမြစ်များ

2 RAJA-RAJA 22:20

Hara ni i, nada patuluson be uhuman i tu Jerusalem salolot mangolu ho. Di bagasan dame do ho laho marujung ngolumu.” Jadi mulak ma angka na nisuru i mandapotkon raja i jana dipalalu halahi ma tona i.

2 JUJUR TAON 16:14

Dibaen ma tu bangkenia ramuan na sian parmasak dohot angka na huskus, lalu dikuburkon ma di kuburan ni angka raja na di Kota Ni si Daud. Jana laho mangalehen sangap tusia, dipagara rayat i ma purunan na godang situtu.

2 JUJUR TAON 34:28

jana uhuman na Huoban tu Jerusalem nada paroonKu be i salolot di ngolumu. PadiaronKu do ho mate di bagasan dame.” Jadi mulak ma angka na disuru i mandapotkon Raja Josia jana dipalalu halahi ma barita i.

JEREMIA 22:18

Hara ni i, taringot tu si Joyakim raja ni Juda anak ni si Josia, didok Tuhan songon on, “Nada tangisan ni halak hamamatenia, nada adong na mandok, ‘Iale, dongan iale.’ Nada adong na marhabot ni roha sanga na pio-pio, ‘Ibo roha mida raja i atehe!’

JEREMIA 34:4

Tapi tangihon ma hatangKon salaho tu ho, ale Zedekia! Nada mate ho di partempuran,

ANDUNG 4:20

Ditangkup halahi raja na nitodo ni Tuhan i, i ma halak na sai hami pangasahon i na mangalehen hangoluan jana maradopkon musu songon pangondian.

JEHESKIEL 17:16

Hara ni Au na mangolu, ninna Tuhan Debata, mate di Babel noma raja ni Juda i, dibaen disoadahon ia do sumpania jana dilaosi ia parjanjiannia dohot raja ni Babel na mamili ia gabe raja.

DANIEL 2:46

Dung i manungkap ma Raja Nebukadnesar di jolo ni si Daniel jana diparentahon ia ma tu rayat i anso pasangaphon si Daniel jana manghaulkon tusia haul situtungon dohot angka haul na asing i.

1 SAMUEL 31:12

kehe ma angka jolma na umpuluk sian i jana mardalan ma halahi saborngin i tu Bet-Sean. Dipaijur halahi ma bangke ni si Saul dohot bangke ni angka anaknia sian tembok ni kota i lalu dioban halahi ma i tu Jabes jana ditutung ma i.