JEREMIA 34:22 - BIBEL JAMITA NA DENGGAN

²² ParentahononKu ma anso mulak halahi tu kota on, jadi serangon ni halahi ma, masuhanna lalu surbuonna. Giot baenonKu angka kota ni Juda songon halongonan na so diingani ni jolma. Au Tuhan, madung mandok songon i.”

JEREMIA 34:22 ပူးပေါင်းရင်းမြစ်များ

2 SAMUEL 16:11

Dung i didok si Daud dope tu si Abisai dohot tu sude naposonia i, “Salang anakku sandiri giot mamunu au do; biasi pola longang hamu marnida pangalaho ni halak Benyamin on? Tuhan do marsurusa mamurai hara ni i ulang hahua hamu ia jana padiar ma songon i mamurai ia.

2 RAJA-RAJA 25:6

Dung i dioban ma Raja Zedekia tu Raja Nebukadnesar di kota Ribla, didabu ma uhuman tusia.

2 RAJA-RAJA 25:9

Disurbu si Nebusaradan ma Bagas Ni Debata, bagas godang ni raja i dohot bagas ni sude halak na sumangap-sangap di Jerusalem.

2 JUJUR TAON 36:17

Digorakkon Tuhan ma roha ni raja ni Babel anso mamorangi halahi. Dibunu raja i ma doli-doli ni halak Juda, dohot ma i na di bagasan Bagas Ni Debata. Sada halak pe nada adong na ibo rohania midasa, na matobang sanga na poso, halaklahi sanga dadaboru, na marnyae sanga na horas. Dipasahat Debata do halahi sudena tu raja ni Babel i.

JESAYA 13:3

Madung dipiohon Tuhan angka ulubalang na nipilianNia na garang, na marpos ni roha di dirina jana na papos roha laho mamorangi dohot manguhumi angka jolma na hona murukNia.

JESAYA 24:12

Ma pola maronco kota jana horbanganna pe marumpak.

JESAYA 37:26

Na so jungada dope he dibege ho, na Husangkapi hian do i sian narobi? Jana saonnari ma i Hupatulus. Au do da na mangalehen kuaso di ho laho mangaroncohon angka kota na marbenteng gabe tinggal sego-segona.

JESAYA 6:11

Marsapa ma au, “Sadia honok ma na songon on ale Tuhan?” AlusNia, “Lopus gabe tinggal sego-segona sajo angka kota jana mamolngit, lopus nada diingani be angka bagas, lopus rumar tano i jana nada tubuan sanga aha.

JESAYA 64:10

Madung gabe songon halongonan, angka kotaMu na badia i, Sion madung gabe halongonan, Jerusalem madung mamolngit.

JEREMIA 2:15

Marngaur musuna i songon singa, gariang jana rumar tanona i dibaensa, angka kotana abis hona surbu, dipadiar mamolngit jana gabe lobu.

JEREMIA 32:29

jana surbuonna lopus abis. Mosok muse ma angka bagas na gabe boncir ni hamumurukKu, harana di ginjang ni tarupna i ma ditutungi halak dupa tu Baal dohot manduruskon anggur baen pelean tu angka debata.

JEREMIA 33:10

Didok Tuhan ma, “Pandok ni halak, songon padang halongonan do inganan on, nada adong jolma sanga binatang maringanan dison. Tutu do nian na nidok ni halahi i, harana na dung rumar do sudena angka kota na di Juda dohot angka dalan na di Jerusalem; nada adong jolma sanga binatang na maringanan disi.

JEREMIA 34:2

Disuru Ia ma au kehe tu si Zedekia raja ni Juda mandok songon on, “Au Tuhan Debata ni Israel, giot pasahatonKu kota on tu raja ni Babel jana surbuonnia noma i lopus abis.

JEREMIA 38:23

Hudok ma mangulahi, “Sude isi ni bagas ni raja i obanon ni halak Babel ma haruar. Raja i sandiri pe nada malua. Tangkupon ni raja Babel ma raja i jana kota on surbuonna ma sude.”

JEREMIA 39:8

Disurbu angka halak Babel i muse ma bagas godang ni raja i dohot angka bagas ni rayat lalu diparrumpakkon ma angka tembok ni Jerusalem i.

JEREMIA 4:7

Songon singa na ruar sian liang partabunian songon i ma panyego-nyego ni angka bangso na dung mardalan laho mangaroncohon Juda. Mamolngit noma i angka kota ni Juda dipadiar gabe lobu na so adong manginganisa.

JEREMIA 44:22

Nada tahan be Tuhan paida-ida pangalaho dohot pambaenanmunu na jahat i; hara ni i do umbahen na gabe lobu tanomunu, nada adong na mangingani lopus sadari on.

JEREMIA 50:13

Hara ni na muruk Au, gabe tinggal sego-segona noma Babel jana gabe lobu. Sude halak na mamolus sian i gabe tarsonggot jana longang.

JEREMIA 52:13

Disurbu si Nebusaradan ma Bagas Ni Debata, bagas godang ni raja i dohot sude bagas ni halak na godang-godang di Jerusalem.

JEREMIA 52:7

Dirorak musu i ma tembok ni kota i. Di borngin i, haru pe laing dihobuk halak Babel kota i, marsilojongkon dirina ma angka tentara ni Juda sabola tu Rura Jordan. Mamolus sian kobun ni bagas godang ma halahi, luncat sian horbangan na padomuhon tembok na dua i di inganan i.

JEREMIA 9:11

Didok Tuhan, “Gabe lobu baenonKu Jerusalem inganan partabunian ni sorigala. Mamolngit ma angka kota ni Juda, inganan na so adong be pangisina.”

ANDUNG 1:1

Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.

JEHESKIEL 13:22

Angka halak na burju na so adong Huhahua, dipahancit hamu ma roha ni halahi marhite pargabusonmunu i. Angka halak na jahat dipagodang hamu rohana anso tongtong mardosa boti anso ulang dipalua.

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

MIKA 7:13

Tapi anggo tano on gabe gariang noma hara ni hajahatan ni halak na manginganisa.

ZAKARIA 1:12

Dung i didok Surusuruan i ma, “O Tuhan Na Markuaso, pitu pulu taon honokna muruk Ho tu Jerusalem dohot tu angka kota na adong di Juda. Sadia honok nari sai tongtong Ho muruk jana nada ampunanMu halahi?”

ZAKARIA 7:14

Songon halingsungsung, Huombuskon halahi tu tonga-tonga ni angka bangso na so nitanda ni halahi. Dung i mamolngit ma tano i, nada adong be na manginganisa. Songon i ma tano na jeges i gabe mamolngit dibaen halahi.”

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.