JEREMIA 34:20 - BIBEL JAMITA NA DENGGAN

²⁰ PasahatonKu ma halahi tu musu na giot mamatehon halahi. Papanganan ni unggas ma bangke ni halahi dohot angka binatang panyoro.

JEREMIA 34:20 ပူးပေါင်းရင်းမြစ်များ

1 RAJA-RAJA 14:11

Panganon ni anjing ma pomparanmu na mate di kota jana na mate di balian ni kota angka unggas sipangan bangke ma mangankonsa. Ingot ma i, Au ma Tuhan na mandoksa!’ ”

1 RAJA-RAJA 16:4

Sanga ise na mate di kota sian isi ni bagasmu, angkon panganon ni anjing jana na mate di balian ni kota panganon ni unggas sipangan bangke.’ ”

MASMUR 79:2

Dipartadingkon halahi bangke ni angka naposoMu gabe dipapangani angka unggas na di awang-awang. Bangke ni angka hasianMu dipadiar halahi gabe soroan ni binatang harangan.

JEREMIA 11:21

Anggo halak Anatot, giotna mate ma au. Didok halahi do, “Muda sai dipupu ho do palaluhon angka tona ni Tuhan tu hami, bunuonnami noma ho.”

JEREMIA 12:9

Songon unggas na nisoro ni halihi na rongom do halahi. Piohon ma sude binatang harangan anso mardohotan pangabiskon halahi.

JEREMIA 16:4

Marmatean do halahi hona nyae na mambaen mate, jana marmatean ma halahi di parporangan sanga mate tangkuraparon. Sahalak pe nada adong na manangisi halahi sanga na manguburkonsa. Marampar do bangke ni halahi songon rompak-rompak di tano i, jana dipapangani unggas ma i dohot angka binatang.

JEREMIA 19:7

SundatanKu ma di inganan on tahi ni halak Juda dohot Jerusalem. PadiaronKu ma halahi rumpak baenon ni podang ni musu, baenon ni tangan na giot mambuat hosa ni halahi. PadiaronKu ma bangke ni halahi dipapangani angka unggas na di langit dohot angka binatang na di tano on.

JEREMIA 21:7

Ho dohot angka pagawemu maradu angka jolma na malua sian parporangan, tangkuraparon dohot nyae masa, padiaronKu sudena i hona tangkup baenon ni Raja Nebukadnesar dohot baenon ni angka musu na giot mamatehon ho. Bunuon ni si Nebukadnesar ma hamu sude nada adong ampunan dohot ibo ni rohana. Au Tuhan, mandok songon i.”

JEREMIA 22:25

jana pasahatonKu tu angka jolma na nihabiaranmu jana na marpor ni roha mamunu ho. PasahatonKu ma ho tu si Nebukadnesar raja ni Babel rap dohot paranganna.

JEREMIA 38:16

Marjanji ma Raja Zedekia tu au sip-sip, ning ia ma, “Mangasahon Debata Na Mangolu i, Debata na mangalehen ngolu di hita, husumpahon ma na so dabuhononku uhuman mamatehon ho sanga pasahatkon ho tu angka jolma na giot mamunu ho.”

JEREMIA 39:6

Laing di kota i di jolo ni matania sandiri dibunu ma angka dakdanaknia, dohot sude na sangap ni Juda dibunu muse ma.

JEREMIA 4:30

O ale Jerusalem, madung maronco ho! Aha be gunana marbaju na saksak jana mamake barang sere dohot perak, dohot mangalapuhon colak di mata? Parcuma do dipajeges ho dirimu, angke nada tumbuk be ho di roha ni haholonganmu, mur halahi noma na giot mambuat hosamu.

JEREMIA 44:30

Hupasahat ma si Hofra raja ni Mesir i tu angka musu na sai giot mamatehon ia, songon si Zedekia raja ni Juda i na Hupasahat tu si Nebukadnesar raja ni Babel i, musuna i na sai giot mamatehon ia.”

JEREMIA 49:37

BaenonKu halak Elam i gabe mabiar mida musuna na giot mamatehon halahi. Gilap Huhilala tu halahi jana giot ropuhonKu halahi. Na giot tongosonKu ma tentara na mamorangi halahi lopus abis sudena.

JEREMIA 7:33

Angka bangke i ma panganon ni unggas dohot binatang panyoro jana nada adong manyosaksa.

JEHESKIEL 23:28

Didok Tuhan Debata i: “PasahatonKu ma ho tu angka jolma hagigian na nihasogohon ni rohamu.

JEHESKIEL 29:5

Dung i Hudanggurkon ma ho dohot ihan i sude tu parhorsihan. Ompas ma pamatangmi tu tano jana gampalang ma ho disi. Sahalak pe nada adong na manguburkon ho. LehenonKu ma pamatangmi di angka unggas dohot binatang na asing anso dipapangani.

JEHESKIEL 32:4

OmpaskononKu ma ho tu tano jana suruonKu ma sude unggas maradu angka binatang sian tano on sudena mamangani ho.

PANGARATAION 28:26

Muda mate ho, marroan ma angka unggas dohot binatang panyoro jana papangananna ma bangkemunu, jana nada adong sahalak pe na mangayak angka binatang i.

1 SAMUEL 17:44

Pio-pio muse ma ia tu si Daud, “Tole, ro ma ho! Anso hulehen pamatangmi di unggas dohot binatang baen panganonna.”

1 SAMUEL 17:46

Pasahaton ni Tuhan ma ho laing di ari sadari on tu au; taluhononku ma ho jana lobongonku ma ulumi. Lehenonku ma pamatangmi dohot pamatang ni angka tentara ni Pilistin i tu angka unggas dohot binatang anso panganonna. Jadi gabe botoon ni na satano on ma, anggo hami bangso Israel adong do Debata na hami somba