JEREMIA 34:18 - BIBEL JAMITA NA DENGGAN

^18-19 Madung mambaen parjanjian tu Au angka pangituai ni Juda dohot Jerusalem rap dohot angka pagawe ni bagas godang, angka malim dohot sandok pamimpinna. Disambol do lombu laho mangarasmihon parjanjian i, diponggol dua ma lombu i jana mamolus ma sian antara ni ponggolanna na dua i. Hape dilaosi halahi muse do parjanjian i jana nada digohi halahi angka saratna. Hara ni i baenonKu ma tu halahi songon na nibaen ni halahi tu lombu i.

JEREMIA 34:18 ပူးပေါင်းရင်းမြစ်များ

PAMUNGKAAN 15:10

Dibuat si Abram ma angka binatang i di Debata; dibola dua ia ma lombu i dohot hambeng na dua i jadi dipayakkon ia ma bola-bolana i paadop-adop dua baris. Tapi anggo unggas i nada dibola dua ia.

PAMUNGKAAN 15:8

Tapi disapai si Abram ma, “Iale Tuhan Debata, bia ma hubaen mamboto paboa na giot au nampuna tano i?”

MASMUR 50:1

Mangkuling ma Tuhan, Debata Na Markuaso i; pio-pio ma Ia tu sude portibion sian Habincaran lopus tu Hasundutan.

HOSEA 6:7

Tapi songon si Adam, digagai hamu do janjimunu dohot Au.

HOSEA 8:1

Didok Tuhan ma, “Palu ma sarune, paboa na ro parmaraan! Tudos tu halihi na manangkup soroanna do musu ro mamorangi tanongKi! Dilaosi bangsongKi do parjanjianKu dohot halahi jana dialo angka pangajaranKu.

SURAT NI SI PAULUS TU PARLAGUTAN ROM 2:8

Tapi haririmas dohot hamumuruk do di halak na manjalahi haporluon di dirina sandiri, na so mangoloi hasintongan i, tapi na mangoloi tu hageduhan.

PANGARATAION 17:2

Muda dibege hamu isarana adong di sada sian hutamunu piga-piga halaklahi sanga dadaboru na mardosa tu Tuhan jana na mangalanggar janjinia

JOSUA 23:16

Muda dilanggar hamu pudun-pudun ni parjanjian antara ni Tuhan dohot hamu, gabe kehe hamu mangoloi dohot marsomba tu angka debata na asing, gabe muruk ma Tuhan jana hona uhumanNa ma hamu. Jana nada jabat sadia honok nari dung i, nada adong be umpe sahalak na tinggal sian hamu di tano na denggan on, na nilehen ni Tuhan di hamu.”

JOSUA 7:11

Na mardosa do halak Israel. Madung Huparentahon tu halahi laho mangoloi parjanjian antara ni halahi dohot Au hape dilaosi halahi do i! Angka barang-barang sironcohononkon pe laing adong do dibuat halahi. Ditangko jana dibunihon halahi do i di antara ni barang-barang ni halahi, jana dipaula so diboto halahi ma i!