JEREMIA 34:16 - BIBEL JAMITA NA DENGGAN

¹⁶ Hape dung salpu i gabe muba rohamunu jana mangalayasi goarKu. Dibuat hamu jana dipaksa hamu gabe hatoban mangulahi angka hatoban na dung nipaluamunu hombar tu pangidoan ni roha ni halahi.

JEREMIA 34:16 ပူးပေါင်းရင်းမြစ်များ

HARURUAR 20:7

Ulang dokkon goar ni Tuhan Debatamu, di na so dalanna, dibaen uhumon ni Tuhan do halak na mandok goarNia di na so dalanna.

JEREMIA 34:11

Hape marbalik ma muse roha ni halahi, dibuati halahi mangulahi angka hatoban i jana dipaksa halahi gabe hatoban mangulahi.

JEHESKIEL 13:22

Angka halak na burju na so adong Huhahua, dipahancit hamu ma roha ni halahi marhite pargabusonmunu i. Angka halak na jahat dipagodang hamu rohana anso tongtong mardosa boti anso ulang dipalua.

JEHESKIEL 18:24

Tapi muda adong sada halak na burju na so mambaen na denggan be, jana na mambaen hajahatan dohot sude pangalaho si hagigian na dihasomalkon ni halak na jahat, torus ma he ia mangolu? Nada! Sada pe sian angka pambaenannia na denggan i, nada adong be siingoton. Mate noma ia patunda ni na mambaen dosa dohot hara ni na so burju tu Au.

JEHESKIEL 20:39

Didok Tuhan Debata i ma, “Ale hamu halak Israel, saonnari saguru di hamu ma. Toruskon hamu ma mambaen dosa, marhite na marsomba gana-ganaanmunu i! Tapi ingot hamu ma, anggo dung salpu i angkon oloanmunu do Au jana ulang be pajat hamu goarKu na badia i marhite na maroban pelean tu angka gana-ganaanmunu i.

JEHESKIEL 3:20

Muda dipungka sada halak na burju mambaen dosa, jana Hupaadop ia tu batu partuktuhan, mate ma ia. Hara ni na so dipaingot ho ia, mate ma ia di bagasan dosana, jana angka pangalahonia na denggan i nada ingotonKu be i. Tapi anggo patunda ni hamamatenia, sian ho do i tungguonKu.

JEHESKIEL 39:7

Tapi anggo di tonga-tonga ni halak Israel, patangkasonKu ma na badia goarKu, jana nada pahodaron be goarKi. Jadi, gabe botoon ni angka bangso ma Au do Tuhan, Debata na badia ni Israel.”

HAMALIMON 19:12

Ulang janjihon sanga aha pe marhite goarKu, muda so giot patulusonmu janjimi. Au do Tuhan Debatamu.

MALEAKI 1:12

Tapi anggo hamu madung marlayas goarKu dibaen hamu, hara ni hatamunu, “Langgatan ni Tuhan, madung marlayas bope na dihaulkon di ginjangna madung gabe haul na ramun.”

MALEAKI 1:7

Songon on ma da dibaen hamu palayaskon Au. Dihaulkon hamu do sipanganon na so patut sihaulkonon di ginjang ni langgatanKu. Dung i disapai hamu ma, ‘Bia ma he hami baen na so hami parsangapi Ho?’ Hudok ma: Nayang do di rohamunu langgatanKi.

1 SAMUEL 15:11

“Manyosal do Au dung Hubaen si Saul gabe raja, angke marbalik do ia sian Au, jana nada dipatulus ia na Huparentahon.” Muruk ma si Samuel jana saborngin i sai humolos ma ia tu Tuhan.