JEREMIA 34:10 - BIBEL JAMITA NA DENGGAN

¹⁰ Sude rayat dohot angka pajabat ni pamarenta na dohot di parjanjian laho paluahon angka hatoban ni halahi jana nada be parhatobanon ni halahi mangulahi, paluaon ni halahi ma tutu situtu angka hatoban ni halahi i.

JEREMIA 34:10 ပူးပေါင်းရင်းမြစ်များ

HARURUAR 21:2

Muda adong sian hamu na manobusi hatoban halak Ibrani, parhatoban hamu ma i onom taon honokna. Di taon papituhon angkon paluaonmunu ma ia so pola margarar sanga na aha.

JESAYA 29:13

Didok Tuhan, “Hum hata-hata sajo do angka jolma i manyomba Au, hape anggo roha ni halahi dao do sian Au. Hum paraturan ni jolma na niapil sajo do anggo ibadat ni halahi.

JEREMIA 26:10

Di na tarboto tu angka pamimpin ni Juda na masa i, diompoti halahi ma haruar sian bagas godang ni raja i lalu kehe tu Bagas Ni Tuhan jana marjuguhan halahi di Pintu Horbangan Baru.

JEREMIA 26:16

Jadi gabe didok angka pamimpin dohot rayat i ma tu angka malim, dohot angka panurirang i, “Mangasahon goar ni Tuhan Debatanta do bayo on mangkatai; nada patut ia mate niuhuman.”

JEREMIA 34:11

Hape marbalik ma muse roha ni halahi, dibuati halahi mangulahi angka hatoban i jana dipaksa halahi gabe hatoban mangulahi.

JEREMIA 36:12

Dung i kehe ma ia tu bagas godang, tu kantor ni juru tulis ni raja. Topet do marrapot disi sude pajabat ni negara i. Disi do si Delaya anak ni si Semaya, si Elnatan anak ni si Akbor, si Gemarya anak ni si Safan, si Zedekia anak ni si Hananya, si Elisama sada halak jurutulis, dohot angka pajabat na asing i bage.

JEREMIA 38:4

Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”

HAMALIMON 25:10

Songon i ma baen hamu hasurungan ni taon palimapuluhon i, jana paboa haluaan di sude pangisi ni luat on. Salolot ni na pitu taon i, sandok arta teanan na dung targadis angkon paulahon tu nampuna hian sanga tu pomparanna. Sanga ise na dung targadis gabe hatoban, angkon dipaulak tu keluargana.

MARKUS 6:20

Anggo si Herodes disuruhon ia do anso denggan dijagoi ngolu ni si Johannes. Harana, mabiar do ia mida si Johannes. Angke diboto ia na tigor do si Johannes on, i ma suruan ni Debata. Tutu do nian, muda mangkobari si Johannes, sai tabo do dihilala si Herodes manangihon haru pe gabe marhusari sajo rohania hara ni i.