JEREMIA 33:4 - BIBEL JAMITA NA DENGGAN

⁴ Au Tuhan, Debata ni Israel mandok, na giot hobuhon ma anggo kota Jerusalem jana disaroso lopus marumpak bagas godang ni raja Juda dohot angka bagas na di kota i.

JEREMIA 33:4 ပူးပေါင်းရင်းမြစ်များ

JESAYA 32:13

jana di tano ni bangsongku madung martubuan angka sihupi. Tangisi hamu ma angka bagasmunu inganan ni halak marsonang-sonang dohot kota na rumibur i.

JESAYA 32:14

Salang bagas godang i pe tadingkonon do i dohot kota sabungan i gabe mamolngit. Angka benteng dohot angka bagas panjago kota i gabe tinggal tapor-taporna noma i salolot-lolotna. Halode riar dohot angka biri-biri marroha-roha jana manjampali ma disi.

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEREMIA 6:6

Songon on ma hata ni Tuhan Na Markuaso i, “Taba ma sude hayuna i, jana timbuni ma tano manghobuk Jerusalem, i ma kota siuhumon, angke hum hajahaton noma di kota on.

ANDUNG 2:7

Ditulak Tuhan do langgatanNa na badia i. Nada ra be Ia mangakui bagasNia sandiri; dipadiar Ia musu i mangaroncohon angka tembokna i. Di ingananta na salpu i maribadat marjop ni roha, marsurak musu songon na marpesta.

JEHESKIEL 21:22

Madabu tu tangan siamunna anak ni pana na manudu Jerusalem! Na nidokna disi, angkon hobuhon ni raja i ma kota Jerusalem. Dung i disurakkon ia ma surak-surak parporangan anso dihobasi angka tentarania i angka parkokas sipakeon laho mangonjar, dipasang ma i di angka pintu ni horbangan ni Jerusalem, manimbun tano mambaen tembok pangkobuhan dohot manghuar angka bondar.

JEHESKIEL 26:8

Marmatean ma halak na maringanan di sandok kota na di tano napa di parporangan i. Huaron ni musu i ma angka bondar partahanan, timbunonna angka tembok panghobuhan jana aturonna angka parince na godang-godang sipakeon ni halahi songon benteng mangalo ho.

JEHESKIEL 4:2

Dung i gombarkon ma sada panghobuhan maradopkon kota i, dohot sude bondar, angka tano timbun, angka undung-undung dohot parkokas laho mangonjar humaliang tembokna i.

HABAKUK 1:10

Dipacia-cia halahi do angka raja jana dipartatai halahi do angka pagawe tinggi. Layas do diida halahi angka benteng. Dipambaeni halahi do angka benteng panghobuhan lalu mangarampassa.

PANGARATAION 20:20

Hayu na so marparbatu do na tola tabaonmunu anso adong baenon handang pangambat lopus dapot kota i.”