JEREMIA 32:8 - BIBEL JAMITA NA DENGGAN

⁸ Jadi tumbuk ma songon na nidok ni Tuhan, ro ma antong si Hanameel tu au di alaman ni panjagoon i jana didok ia ma anso hutobusi tanonia i. Hara ni i ma umbaen na pos rohangku paboa na tutu situtu do Tuhan mandok hata tu au.

JEREMIA 32:8 ပူးပေါင်းရင်းမြစ်များ

1 RAJA-RAJA 2:26

Dung i didokkon Raja Salomo ma tu Malim Abyatar, “Kehe ma ho mulak tu hutamu tu Anatot. Patut mate uhumon do ho nian, tapi anggo sadari on nada hubunu ho, angke di hatiha rap dope dohot damang, dohot do ho manaon parkancitannia. Jana ho muse do na pauli-uli Poti Parjanjian ni Tuhan i.”

1 RAJA-RAJA 22:25

Dialusi si Mika ma, “Idaonmu do i annon di na masuk ho martabuni tu kamar pudi.”

1 JUJUR TAON 6:60

Di Luat Benyamin, bagian ni halahi ma angka huta: Geba, Alemet dohot Anatot rap dohot angka padang-padangna. Adong do tolu bolas huta sude na gabe inganan ni angka keluarga ni halahi.

JEREMIA 1:1

On ma angka hata ni si Jeremia anak ni si Hilkia, sahalak sian malim di kota Anatot na di Luat Benyamin.

JEREMIA 32:2

Topet ma hatiha i dompak ro tentara ni raja Babel mangaroro Jerusalem. Ditahan Raja Zedekia ma au di alaman ni bagas godang ni raja i

JEREMIA 32:25

Tapi haru songon i pe ale Tuhan Debata, Ho do na marsuru au manobusi tano on di jolo ni angka saksi, haru pe santongkin nari noma anso rampason ni halak Babel kota on.”

JEREMIA 32:7

na giot ro si Hanameel anak ni udangku si Salum laho mangido anso hutobusi tanonia di Anatot na di Luat Benyamin. Angke au do antong koumnia na sumolkot na patut manobusi tano i.

JEREMIA 33:1

Dompak na ditahan au di alaman i, hujagit muse ma tona na asing sian Tuhan,

JEREMIA 37:12

Gabe hutadingkon ma Jerusalem jana kehe ma au tu Luat Benyamin laho manjagit bagianku sian tean-teanan tanonami sapaneanan.

JEHESKIEL 12:7

Dung i hupatulus ma na niparentahon ni Tuhan i tu au. Laing di na sadari i, arian dope, huhobasi ma angka barang-barangku tu sada gendongan, songon na somal dibaen halak pangungsi. Dung mamungka samon ari, hubaen ma lubang dohot tanganku di tembok ni bagaski, lalu haruar ma au sian lubang i. Laing diparrohahon jolma i sude, huporsan ma gendongan i di abarangku, lalu kehe ma au.

ZAKARIA 11:11

Laing di na sadari i, dibotalkon ma antong parjanjian i. Dipamanat-manat angka parjagal i ma au, jana mamoto ma halahi na manghobari do hape Tuhan markite-hite sandok pangalahongki.

JOHANNES 4:53

Dung i diingot amang ni dakdanak i ma laing di jom i ma didok Jesus tusia, “Mangolu do anakmi.” Gabe porsaya ma ia dohot halahi na sabagas tu Jesus.