JEREMIA 32:7 - BIBEL JAMITA NA DENGGAN

⁷ na giot ro si Hanameel anak ni udangku si Salum laho mangido anso hutobusi tanonia di Anatot na di Luat Benyamin. Angke au do antong koumnia na sumolkot na patut manobusi tano i.

JEREMIA 32:7 ပူးပေါင်းရင်းမြစ်များ

1 RAJA-RAJA 14:5

Tapi didok Tuhan ma tusia na ro dadaboru ni si Jerobeam laho manyapai taringot tu anakna na marnyae i. Jana dipaboa Tuhan ma sanga aha na giot sidokkonon ni si Ahia. Dung lalu dadaboru ni si Jerobeam i tusi, dibaen-baen ia ma songon halak na asing ia.

JEREMIA 1:1

On ma angka hata ni si Jeremia anak ni si Hilkia, sahalak sian malim di kota Anatot na di Luat Benyamin.

JEREMIA 11:21

Anggo halak Anatot, giotna mate ma au. Didok halahi do, “Muda sai dipupu ho do palaluhon angka tona ni Tuhan tu hami, bunuonnami noma ho.”

JEREMIA 32:6

Didok Tuhan ma tu au

JEREMIA 32:8

Jadi tumbuk ma songon na nidok ni Tuhan, ro ma antong si Hanameel tu au di alaman ni panjagoon i jana didok ia ma anso hutobusi tanonia i. Hara ni i ma umbaen na pos rohangku paboa na tutu situtu do Tuhan mandok hata tu au.

HAMALIMON 25:23

Nada tola gadisonmu tanomu lalu manalduskon hakmu sian i, angke nada ho nampuna tano i. Tuhan Debatamu do nampunasa. Songon sada halak na dung dapotan isin do hamu mangkarejohon tano i.

HAMALIMON 25:24

Muda digadis sabagian tano i, angkon okuan do hak ni nampuna parjolo tola manobus.

HAMALIMON 25:25

Muda gabe miskin sada halak Israel, gabe tarpaksa angkon gadisonnia tanonia, angkon tobusan ni sisolkotnia na sumolkot do tano i.

HAMALIMON 25:34

Tapi padang ruput humaliang kota inganan ni halak Levi, nada tola gadison. Halak Levi do nampuna i ro di salolotna.

HAMALIMON 25:49

sanga udana, sanga dongan saama-sainania sanga halak na asing sian koum na sumolkot tola manobus. Sanga pe muda dung tuk hepengnia sandiri, tola do ia sandiri manobus haluaannia.

BILANGAN 35:2

“Pabolkas ma tu bangso Israel, bahaso tano pusako na nijagit ni halahi i, sanga piga kota dohot padang ruput na humaliangna, angkon lehenon ni halahi tu halak Levi, anso maringanan halak Levi i disi.