JEREMIA 32:5 - BIBEL JAMITA NA DENGGAN

⁵ Dung i obanonna ma si Zedekia tu Babel jana maringanan disi lopus Huuhumi ia. Haru pe diporangi ia halak Babel, nada manjadi karejonia i. Au Tuhan, madung mandok songon i.”

JEREMIA 32:5 ပူးပေါင်းရင်းမြစ်များ

2 JUJUR TAON 13:12

Debata sandiri do anggo pamimpinnami jana dison do angka malimNia. Ma pola rade halahi laho mangombus sarune songon tandana di hami laho mamorangi hamu. O, hamu halak Israel, ulang alo hamu Tuhan, Debata ni ompumunu! Nada bolas monang hamu!”

2 JUJUR TAON 24:20

Jadi dirajai Tondi Ni Debata ma si Zakaria anak ni Malim Joyada i lalu pio-pio ma ia, “Pandok ni Debata, ‘Biasi nada dioloi hamu angka parentangKu jana diago hamu dirimunu sandiri? Nada parduli hamu di Au, jadi Au pe nada parduli be di hamu!’ ”

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

JEREMIA 2:37

Tarhirim ma hamu manadingkon Mesir hara ni ilana. Au Tuhan, madung manulakkon halahi na dipangasahonmunu i; indangkon na dapot hamu sanga na aha untung sian halahi.”

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEREMIA 32:6

Didok Tuhan ma tu au

JEREMIA 33:5

Parcuma do nialo halak Babel i, harana hum na pabahat-bahat bangke ni jolma do i lopus gok kotamunu, i ma angka na Humatehon di bagasan muruk dohot rimasKu maradopkon halahi. Nada ringkot be rohangKu mida kota on, hara ni angka jolma na disi na dung mambaen jahat.

JEREMIA 37:10

Haru pe umpamana ditaluhon hamu sude tentara ni Babel i lopus tading hum angka jolma na margasai di bagasan angka bandar ni halahi, laing jongjong do halahi manyurbu sude kota on.”

JEREMIA 39:4

Dung diida Raja Zedekia dohot sude tentarania i sude na masa i, diuji halahi ma maporus paluahon dirina kehe tu Rura Jordan laing di borngin i. Dibolus halahi dalan manyalpui taman ni bagas godang lalu haruar mamolus sian pintu horbangan na padomuhon tembok na dua di inganan i.

JEREMIA 39:5

Tapi diayak tentara Babel i ma halahi jana ditangkup ma si Zedekia di napa ni Jeriko. Dung i dioban ma ia tu Raja Nebukadnesar di kota Ribla na di tano Hamat, lalu diuhum mate ma ia.

JEREMIA 39:7

Dung i dipulsikkon ma mata ni si Zedekia, dirante lalu dioban ma ia tu Babel.

ANDUNG 1:14

Dibuat Ia sude dosangku jana dibobok Ia gabe sada, dipaborgokkon Ia muse i di rungkungku, dibaen dokdokna jabat gale au. Dipasahat Tuhan do au tu musu; laho mangalo halahi nada margogo au.

JEHESKIEL 12:12

Di borngin marimpot-impot porsanon ni raja ni halahi ma gendonganna di abarana lalu kehe. Pambaenan ni halak ma lubang di tembok anso ulang diidasa dalan na nibolusna.

JEHESKIEL 12:13

Tapi sampakkononKu ma jalangKu laho manangkup ia. Dung i obanonKu ma ia tu kota Babel jana disi noma marujung ngolunia, so jungada diida matania kota i.

JEHESKIEL 17:15

Tapi manggagai do raja ni Juda i lalu ditongos ia utusan tu Mesir laho manjagit kudo dohot tentara na bahat. Manjadi ma he karejonia i? Padiaronna ma he ia malua? Nada tarbaen na mansoadahon parjanjian malua sian uhuman!

BILANGAN 14:41

Tapi didok si Musa ma, “Biasi langgaronmunu dope saonnari parenta ni Tuhan? Nada adong guna ni karejomunu i!