JEREMIA 32:43 - BIBEL JAMITA NA DENGGAN

⁴³ Manobusi kobun noma jolma di luat on, songon na nidokmunu: Inganan na gariang do tano on, jana nada diingani jolma dohot binatang; i ma na dung dilehen tu halak Kasdim.

JEREMIA 32:43 ပူးပေါင်းရင်းမြစ်များ

JEREMIA 32:15

Didok Tuhan Na Markuaso i, Debata ni Israel, masa do muse di luat on na manggadis dohot manobusi bagas, tano dohot kobun anggur.”

JEREMIA 32:25

Tapi haru songon i pe ale Tuhan Debata, Ho do na marsuru au manobusi tano on di jolo ni angka saksi, haru pe santongkin nari noma anso rampason ni halak Babel kota on.”

JEREMIA 32:36

Didok Tuhan, Debata ni Israel ma tu au, “O Jeremia! Pandok ni halak Israel, na giot madabu ma kota on tu tangan ni raja ni Babel marhite parporangan, tangkuraparon dohot nyae masa. Saonnari, tangihon muse ma sanga aha na giot dokkononKu tu ho.

JEREMIA 33:10

Didok Tuhan ma, “Pandok ni halak, songon padang halongonan do inganan on, nada adong jolma sanga binatang maringanan dison. Tutu do nian na nidok ni halahi i, harana na dung rumar do sudena angka kota na di Juda dohot angka dalan na di Jerusalem; nada adong jolma sanga binatang na maringanan disi.

JEREMIA 33:12

Didok Tuhan Na Markuaso i ma, “Nada diingani jolma sanga binatang luat na songon padang halongonan on. Tapi haru songon i pe adong do i muse di pudian ni ari angka padang hatubuan ni duhut inganan ni halak marmahani angka biri-birina.

JEHESKIEL 28:26

Sonang do disi halahi mangolu jana pajongjongonna ma angka bagas jana baenon ni halahi ma angka kobun anggur. UhumanKu ma sude hombar balok ni halahi na dung jungada palayaskon halahi, lopus marsonang-sonang Israel. Jadi gabe botoon ni halahi ma bahaso Au do Tuhan Debata ni halahi.”