JEREMIA 32:34 - BIBEL JAMITA NA DENGGAN

³⁴ Mur hodar muse dope dibaen halahi bagas na dipajongjong baen inganan paribadatan tu Au, marhite na mamayakkon angka gana-ganaan na nihagigihon di inganan i.

JEREMIA 32:34 ပူးပေါင်းရင်းမြစ်များ

2 RAJA-RAJA 21:1

Marumur dua bolas taon ma si Manase di na mamungka ia gabe raja di Juda jana lima pulu lima taon honokna ia mamarenta di Jerusalem. Si Hebsiba do goar ni inangnia.

2 RAJA-RAJA 23:6

Laing diparuar ia muse do patung ni Debata Asera sian Bagas Ni Debata i, dioban ma i tu balian ni kota tu Rura Kidron. Ditutung ma disi patung i, diduda ma tiranggongna i lamot, jana disampakkon ma abuanna i tu ginjang ni kuburan ni halak na bahat.

2 JUJUR TAON 33:15

Dipaduru ia ma angka patung ni debata ni bangso na asing dohot angka gana-ganaan na nibaennia di Bagas Ni Tuhan. Dirorak ia ma angka langgatan ni gana-ganaan na adong di tor ni Bagas Ni Tuhan, dohot na di angka inganan na asing di Jerusalem. Dioban ia ma i sudena tu balian ni kota lalu diambungkon.

2 JUJUR TAON 36:14

Tamba ni i, dipahodar angka pamimpin ni Juda, angka malim dohot rayat do Bagas Ni Tuhan na dung dihapunjungkon tu Tuhan i sandiri, harana dohot do antong halahi sandiri marsomba gana-ganaan dohot mangihutkon parngoluon na mardosa songon angka bangso na asing na humaliang halahi.

JEREMIA 19:4

Angke madung ditadingkon halahi Au, madung dilehen halahi inganan on tu debata na asing, jana madung manghaulkon haul situtungon halahi tu debata na asing i. Na so tinanda ni ompu ni halahi dohot angka raja ni Juda. Madung dihodari halahi muse inganan on marhite mudar ni halak na so marsala.

JEREMIA 23:11

Didok Tuhan, “Panurirang dohot malim nada ra mangoloi Au. Salang di bagasan bagasKu tardapot Au do halahi mambaen na jahat.

JEREMIA 30:14

Sude haholonganmu, madung lupa tu ho; nada ra be halahi mamikirkon ho. Songon musu, Au giot mangaroro jana manguhumi hamu maradu gogo hara ni bahat ni dosamu jana godang hasalaanmu.

JEREMIA 34:15

Piga-piga ari na dung salpu dipauba hamu do pangalahomunu jana dibaen hamu jop ni rohangKu. Satuju do hamu sude laho paluahon angka hatoban sian donganmunu sabangso jana dibaen hamu do parjanjian i rap dohot Au di bagasan BagasKu.

JEREMIA 44:4

Sai torus do marpupu Husuru naposongku angka panurirang, na mangorai hamu mambaen hajahatan na Huhagigihon i.

JEREMIA 7:10

Dung dipambaeni hamu sasude na Huhagigihon i, ro ma hamu mangadop tu Au di BagasKon jana didok hamu ma, ‘Aman do hami!’

JEREMIA 7:30

Mambaen hajahatan do halak Juda. Dibaen halahi do angka gana-ganaan ni halahi na Huhagigihon i di bagasan BagasKu, gabe hodar dibaen halahi.

JEREMIA 7:31

Madung dipajongjong halahi sada langgatan na margoar Tofet di Rura Hinom laho manghaulkon angka dakdanak ni halahi baen haul situtungon. Hape so jungada Husuru halahi mambaen sisongon i, salang tubu di bagasan rohangKu pe nada unjung na songon i.