JEREMIA 32:31 - BIBEL JAMITA NA DENGGAN

³¹ Mamungka dipajongjong kota on, na dung sun do muruk ni rohangKu dibaen halak kota on. Na dung diputuskon humani do laho patimpaskon halahi,

JEREMIA 32:31 ပူးပေါင်းရင်းမြစ်များ

2 RAJA-RAJA 21:16

Na lobi bahat do dibunu si Manase halak na so marsala jabat do durus mudar sap di Jerusalem. I ma dosa na nibaennia tamba ni na mambaen halak Juda gabe mardosa tu Tuhan hara ni na mamele gana-ganaan.

2 RAJA-RAJA 23:15

Ditutung ma patung ni debata boru-boru Asera jana inganan pamelean na di Betel disegohon. Raja Jerobeam anak ni si Nebat do na pajongjong pamelean i – i ma raja na mambaen halak Israel mardosa.

2 RAJA-RAJA 23:27

Didok Tuhan do, “Sanga aha na dung Hubaen tu Israel, laing baenonKu do dohot tu Juda. Angkon Hubuang halak Juda i, sian tano na dung Hulehen tu halahi. TulahonKu noma Jerusalem kota na Hutodo i dohot bagasKon pe, na dung Hudok hian inganan marsomba tu Au.”

JEREMIA 23:39

na giot jomputonKu halahi, jana danggurkononKu dao-dao, halahi bope kota na dung Hulehen tu halahi dohot tu ompu ni halahi.

JEREMIA 27:10

Na paoto-otohon hamu do i lopus dioban hamu dao sian tanomunu. UsironKu ma hamu sian tanomunu jana mago ma hamu.

ANDUNG 1:8

Dipahodar Jerusalem do dirina sandiri dohot dosa na nibaenna i mambaen gigi. Saonnari talak-talak ia jana marlayas; ma pola mago sude hagodanganna. Humolos ia, hara ni na dung maluak bohina.

DANIEL 9:16

Madung dianju Ho hami narobi, hara ni i ulang be muruk Ho maradopkon Jerusalem, kotaMi sandiri, dolokMu na badia i. Angke sude do halak na adong di angka kota na humaliang hami marlayas ni roha maradopkon Jerusalem dohot tu bangsoMu hara ni dosanami dohot hajahatan ni ompunami.

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!