JEREMIA 32:25 - BIBEL JAMITA NA DENGGAN

²⁵ Tapi haru songon i pe ale Tuhan Debata, Ho do na marsuru au manobusi tano on di jolo ni angka saksi, haru pe santongkin nari noma anso rampason ni halak Babel kota on.”

JEREMIA 32:25 ပူးပေါင်းရင်းမြစ်များ

MASMUR 77:19

Mardalan do Ho mamolusi galumbang, didalani Ho lautan, hape andegeMu nada haidaan.

MASMUR 97:2

Ombun dohot hagolapan manggupgupi Ia, hatigoran dohot uhum do ojahan ni pangarajaionNia.

JEREMIA 24:10

ParoonKu tu halahi parporangan, tangkuraparon, dohot nyae masa lopus marmatean halahi sude jana umpe sada na tading di luat na dung Hulehen on tu halahi dohot ompu ni halahi.”

JEREMIA 32:15

Didok Tuhan Na Markuaso i, Debata ni Israel, masa do muse di luat on na manggadis dohot manobusi bagas, tano dohot kobun anggur.”

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEREMIA 32:26

Dung i didok Tuhan ma tu au,

JEREMIA 32:43

Manobusi kobun noma jolma di luat on, songon na nidokmunu: Inganan na gariang do tano on, jana nada diingani jolma dohot binatang; i ma na dung dilehen tu halak Kasdim.

JEREMIA 32:8

Jadi tumbuk ma songon na nidok ni Tuhan, ro ma antong si Hanameel tu au di alaman ni panjagoon i jana didok ia ma anso hutobusi tanonia i. Hara ni i ma umbaen na pos rohangku paboa na tutu situtu do Tuhan mandok hata tu au.

JEREMIA 34:17

Hara ni i Au Tuhan mandok, anggo hamu madung mangalaosi tu parentangKu; nada dipalua hamu dongan sabangsomunu Israel. Antong saonnari Hulehen ma hamu bebas mamili: Bebas laho mate di partempuran, mate dibaen nyae masa, sanga mate tangkuraparon. Giot baenonKu mabiar bangso na satano on mida sipamasaonKu tu hamu.

JOHANNES 13:7

Dialusi Jesus ma, “Anggo saonnari nada mangarti dope ho sanga aha na Hubaen, tapi botoonmu do i muse.”