JEREMIA 32:24 - BIBEL JAMITA NA DENGGAN

²⁴ Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEREMIA 32:24 ပူးပေါင်းရင်းမြစ်များ

2 SAMUEL 20:15

Tarbege ma tu parangan ni si Joab na di kota i si Seba, lalu dihobuk halahi ma kota i. Ditimbun halahi ma tano humaliang tembok parruar jana dipungka muse ma manghuar di toru ni tembok i laho mangunggalkonsa.

JESAYA 37:33

On ma na nidok ni Tuhan salaho tu raja Asur: ‘Nada masuhannia anggo kota i sanga manembakkon sada anak ni pana pe adop kota i. Sian tonga-tonga ni angka tentara na maniop parince nada adong sahalak pe na giot mandonohi kota i, jana humaliang kota i pe nada giot pajongjongonna tuhu-tuhu laho manghobuk kota i.

JEREMIA 16:4

Marmatean do halahi hona nyae na mambaen mate, jana marmatean ma halahi di parporangan sanga mate tangkuraparon. Sahalak pe nada adong na manangisi halahi sanga na manguburkonsa. Marampar do bangke ni halahi songon rompak-rompak di tano i, jana dipapangani unggas ma i dohot angka binatang.

JEREMIA 20:5

PadiaronKu muse musu ni halahi i mangarampas sandok sinadongan ni kota i jana mambuat sude hartona, maradu sude angka barang pusako ni raja-raja ni Juda; dioban ma sudena i tu Babel.

JEREMIA 24:10

ParoonKu tu halahi parporangan, tangkuraparon, dohot nyae masa lopus marmatean halahi sude jana umpe sada na tading di luat na dung Hulehen on tu halahi dohot ompu ni halahi.”

JEREMIA 29:17

Didok Tuhan Na Markuaso i do, ‘ParoonKu ma parporangan, tangkuraparon dohot nyae masa tu halahi; giot baenonKu halahi songon batu ni ara na santak busuk na so tarpangan.

JEREMIA 29:18

Kojar-kojaronKu halahi marhite porang, tangkuraparon, dohot nyae masa lopus jorbut pangkilalaan ni sude bangso na satano on marnida na masa tu halahi. Siincak-incahan noma halahi jana goar ni halahi gabe songon bura.

JEREMIA 32:25

Tapi haru songon i pe ale Tuhan Debata, Ho do na marsuru au manobusi tano on di jolo ni angka saksi, haru pe santongkin nari noma anso rampason ni halak Babel kota on.”

JEREMIA 32:28

PadiaronKu do kota on madabu tu tangan ni si Nebukadnesar raja Babel i dohot paranganna. Taluhonon ni halahi noma kota on,

JEREMIA 32:3

hara ni na ditudu au pabotohon na nidok ni Tuhan songon on, “PadiaronKu do raja ni Babel manaluhon kota on.

JEREMIA 32:36

Didok Tuhan, Debata ni Israel ma tu au, “O Jeremia! Pandok ni halak Israel, na giot madabu ma kota on tu tangan ni raja ni Babel marhite parporangan, tangkuraparon dohot nyae masa. Saonnari, tangihon muse ma sanga aha na giot dokkononKu tu ho.

JEREMIA 32:5

Dung i obanonna ma si Zedekia tu Babel jana maringanan disi lopus Huuhumi ia. Haru pe diporangi ia halak Babel, nada manjadi karejonia i. Au Tuhan, madung mandok songon i.”

JEREMIA 33:4

Au Tuhan, Debata ni Israel mandok, na giot hobuhon ma anggo kota Jerusalem jana disaroso lopus marumpak bagas godang ni raja Juda dohot angka bagas na di kota i.

JEREMIA 34:17

Hara ni i Au Tuhan mandok, anggo hamu madung mangalaosi tu parentangKu; nada dipalua hamu dongan sabangsomunu Israel. Antong saonnari Hulehen ma hamu bebas mamili: Bebas laho mate di partempuran, mate dibaen nyae masa, sanga mate tangkuraparon. Giot baenonKu mabiar bangso na satano on mida sipamasaonKu tu hamu.

JEREMIA 52:4

Patunda ni i ro ma si Nebukadnesar dohot sude parangannia jana diserang ia ma Jerusalem di tanggal sampulu bulan sampulu di taon pasambilankon dung mamarenta si Zedekia. Dipajongjong halahi ma markas di balian ni kota, dibaen ma tembok panghobuhan

JEREMIA 52:6

Di tanggal sambilan bulan opat laing di bagasan taon i, dompak hajebuanna haleon potir lopus nada adong be sipanganon bagi aha di rayat i.

JEREMIA 6:6

Songon on ma hata ni Tuhan Na Markuaso i, “Taba ma sude hayuna i, jana timbuni ma tano manghobuk Jerusalem, i ma kota siuhumon, angke hum hajahaton noma di kota on.

JEHESKIEL 14:21

Didok Tuhan Debata i: “DabuhononKu ma uhuman na jumorbut tu kota Jerusalem laho mamusa jolma bope pahan-pahanan. Uhuman i, i ma: Porang, tangkuraparon, binatang panyoro dohot nyae.

JEHESKIEL 21:22

Madabu tu tangan siamunna anak ni pana na manudu Jerusalem! Na nidokna disi, angkon hobuhon ni raja i ma kota Jerusalem. Dung i disurakkon ia ma surak-surak parporangan anso dihobasi angka tentarania i angka parkokas sipakeon laho mangonjar, dipasang ma i di angka pintu ni horbangan ni Jerusalem, manimbun tano mambaen tembok pangkobuhan dohot manghuar angka bondar.

JEHESKIEL 21:27

RoncohononKu ma sudena kota on, lopus di sude inganan hum sego-segona noma na adong. Tapi dung ro pe halak na Hutodo i laho manguhumi kota on anso tarjadi na songon i. Tusia ma pasahatonKu kota on.”

JEHESKIEL 26:8

Marmatean ma halak na maringanan di sandok kota na di tano napa di parporangan i. Huaron ni musu i ma angka bondar partahanan, timbunonna angka tembok panghobuhan jana aturonna angka parince na godang-godang sipakeon ni halahi songon benteng mangalo ho.

JEHESKIEL 4:2

Dung i gombarkon ma sada panghobuhan maradopkon kota i, dohot sude bondar, angka tano timbun, angka undung-undung dohot parkokas laho mangonjar humaliang tembokna i.

HABAKUK 1:10

Dipacia-cia halahi do angka raja jana dipartatai halahi do angka pagawe tinggi. Layas do diida halahi angka benteng. Dipambaeni halahi do angka benteng panghobuhan lalu mangarampassa.

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”

PANGARATAION 4:26

Langit dohot tano ma na gabe saksimunu sadari on, muda ampot nada marpangoloion hamu tu na hudok i, manigor mago ma hamu sian tano na giot siingananmunu na di ipar ni Batang aek Jordan i. Nada pola honok hamu tinggal disi, tapi roncohononkon do sudena.