JEREMIA 32:17 - BIBEL JAMITA NA DENGGAN

¹⁷ “O ale Tuhan Debata, Ho do na manompa langit dohot tano marhite kuaso dohot hamaloanMu na godang i, nada adong sanga aha na maol di Ho.

JEREMIA 32:17 ပူးပေါင်းရင်းမြစ်များ

PAMUNGKAAN 18:14

Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”

2 RAJA-RAJA 19:15

Martangiang ma ia, ning ia, “O Tuhan, Debata ni Israel na maringanan di ginjang ni angka kerub, hum sasada Ho do Debata na mamarenta sandok harajaan di sisik ni tano on. Ho do na manjadihon langit dohot tano.

2 RAJA-RAJA 3:18

Didok si Elisa ma muse, “Tapi anggo na songon i, parkaro na menek dope i di Tuhan. LehenonNia do hamonangan di hamu maralohon halak Moab.

NEHEMIA 9:6

Dung i martangiang ma rayat ni Israel songon on, “Ho do antong Tuhan, ho do na sun sasada: Dijadihon Ho do bintang dohot sude angkasa. Songon laut dohot tano maradu sude isina. Lalu dilehen Ho ngoluna jana manyarihonsa. Sude kuaso na di langit marsomba sujud. Tunduk halahi tu Ho jana mangunduk.

JOB 42:2

“Huboto do, na marhagogoan do Ho mambaen bagi aha pe, jana nada jungada sundat sangkapMu.

MASMUR 102:25

narobi ni narobi dijadihon Ho hasiangan; jana dohot tanganMu sandiri dibaen Ho rupa ni langit i.

MASMUR 136:12

marhite tangan na gogo jana na marsahala, hot do holong ni rohaNia sapanjangna.

HARURUAR 20:11

Dibaen di bagasan onom ari do lolotna ditompa Tuhan langit dohot tano, laut dohot nasa isina, jana maradian do Ia di ari papituhon i. Hara ni i ma dibaen dipasupasu Tuhan Ari Sabat i jana diparbadiai.

JESAYA 42:5

Songon on ma didok Debata, Tuhan, na manompa langit jana na paherbangkonsa na manompa tano on dohot sude na tubu di ginjangna na mangalehen hosa tu angka jolma na manginganisa.

JESAYA 44:24

Songon on ma didok Tuhan, Sipalua ho; na manompa ho mamungka sian bortian. “Au ma da Tuhan, na manompa sasudena, sasada Au do pahembangkon langit, na pahembangkon tano on ise dehe na mandongani Au?

JESAYA 45:12

Au ma da Tuhan na manjadihon tano, dohot na manompa jolma anso mangingani tano. Hara ni kuasongKu langit i pe mahembang, Huatur mataniari, bulan dohot bintang.

JESAYA 59:1

Satutuna, nada na hurang ginjang tangan ni Tuhan laho paluahon, jana parbinegeanNia nada na hurang tajom mambege.

JEREMIA 1:6

Hualusi ma, “O Tuhan Debata, nada malo au manghobari angke maposotu dope au.”

JEREMIA 14:13

Dung i hudok ma, “O Tuhan Debata, diboto Ho do na dung didok angka panurirang tu rayat i bahaso na so adong giot ro porang sanga haleon, angke antong madung dijanjihon Ho, anggo di luat on sai na dumpang do hasonangan.”

JEREMIA 21:2

“Mangkobari ma jolo ho dohot Tuhan salaho tu hita, harana madung dihobuk si Nebukadnesar raja ni Babel rap dohot paranganna kotanta on. Betak na giot baenon ni Tuhan do hahomangan di hita, jana paksaonNa si Nebukadnesar manarik mundur parangannia.”

JEREMIA 27:5

“Marhite hagodangan ni kuasongKu dohot hagogoanKu, madung Hutompa tano dohot jolma dohot sandok binatang jana tarlehen Au do i sanga na tu ise giotKu.

JEREMIA 32:27

“Au do Tuhan Debata ni sude jolma. Nada adong na maol di Au.

JEREMIA 33:3

“Pio-pio ma ho tu Au, jadi gabe alusanKu ma; giot paboaonKu tu ho angka pangalaho na jeges-jeges jana na pahomang roha na so diboto ho dope.

JEREMIA 4:10

Jadi hudok ma, “Tuhan Debata, madung dipaoto-oto Ho halak Jerusalem! Ho do mandok na giot adong ma dame, hape saonnari diondam podang do hosanami.”

JEREMIA 51:15

Ditompa Tuhan do portibi on marhite kuasoNia, marhite hapistaranNia digana Ia portibi. Dipahembang Ia tano on marhite akalNia.

JEREMIA 51:19

Anggo Debata ni si Jakob nada songon gana-ganaan i; Ia do na manompa sasudena. Tuhan Na Markuaso i do goarNia; ditodo Ia do Israel gabe bangsoNa.

JEHESKIEL 11:13

Taran na mandok hata i au, ompot ma si Pelaca madabu lalu mate. Jadi manungkap ma au jana pio-pio, “Iale, Tuhan Debata! Na giot bunuonmu dehe sude Israel na teba on?”

JEHESKIEL 9:8

Salolot mardalan na manyamboli i, sasada au do disi. Manungkap ma au jana pio-pio, “O Tuhan Debata, songon i ma he murukMu tu Jerusalem jabat do bunuonMu sude halak na adong dope di Israel on?”

DANIEL 2:22

Dibuka Ia do rahasia na lobi bagas. Diboto Ia do sude na tarjadi di bagasan hagolapan. Jana sinondang maringan di bagasan Ia.

DANIEL 6:20

Di andostorang i ngot ma raja i, jana mopop ma ia kehe tu liang ni singa i.

ZAKARIA 12:1

On ma tona ni Tuhan taringot tu Israel, i ma Tuhan na pahembang langit, na manompa portibi jana na mangalehen ngolu tu jolma, didok Ia ma,

ZAKARIA 8:6

Songon on do hata ni Tuhan Na Markuaso: Songon na so porsaya do i anggo di angka na tinggal na mangolu sian bangso i, tapi gabe dohot ma lakna longang Au disi? ninna Tuhan Na Markuaso.

BILANGAN 11:23

Dialusi Tuhan ma, “Marbatas dehe kuasongKu? Idaonmu ma tibu, sanga tulus do na Hudok i sanga nada!”

MATEUS 19:26

Diligi Jesus ma halahi, ning Ia ma, “Anggo di jolma, na so tarbaen do i! Tapi anggo di Debata nada adong na so tarbaen!”

MARKUS 10:27

Jadi dipanotnoti Jesus ma halahi sude, dialusi Ia ma, “Anggo di jolma do, inda tarbaen i. Tapi anggo di Debata tarbaen do i. Angke nada adong sanga aha pe na so tarbaen Debata.”

LUKAS 1:37

Angke nada adong na so tarpatupa anggo di Debata.”

LUKAS 18:27

Dialusi Jesus ma, “Na so tarbaen di jolma, tarbaen do anggo di Debata.”

BAENON NI ANGKA RASUL 14:15

“Biasi baenonmunu songon i, hamu ale angka dongan? Laing jolma do hami songon hamu! Na giot manjamitahon Jamita Na Denggan i do hami dison tu hamu angka dongan, anso ditadingkon hamu sudena pangalaho na so marguna on boti anso ro hamu mandapotkon Debata na mangolu i, i ma sitompa langit dohot tano on dohot laut dohot sude na adong di bagasanna.

BAENON NI ANGKA RASUL 15:18

na dung paboahon pangalaho i sian na jolo.”

BAENON NI ANGKA RASUL 17:24

Debata na manjadihon tano on dohot sude isina, i ma Tuhan di langit dohot di tano on. Nada ra Ia maringanan di angka bagas ni debata na nipature ni tangan ni jolma.

HALUMBAAN 4:11

“Ale Tuhan, jana Debatanami, na tama do Ho manjagit puji-pujian, hasangapan, dohot kuaso, angke ditompa Ho do sandok jana markite-hite rohaMu do adong sudena i jana nitompa.”