JEREMIA 31:7 - BIBEL JAMITA NA DENGGAN

⁷ Didok Tuhan do, “Marende ma hamu marjop ni roha di Israel bangsongKi, bangso na gumodang sian sandok bangso do i. Endehon hamu ma ende puji-pujian. ‘Na teba sian bangsoNa madung dipalua Tuhan.’

JEREMIA 31:7 ပူးပေါင်းရင်းမြစ်များ

MASMUR 106:47

Palua ma hami, ale Tuhan Debatanami, sian tonga-tonga ni angka bangso i oban ma hami mangulaki anso tarbaen hami mandok tarimakasi dohot mamuji goarMu na tongam i.

MASMUR 126:2

Sai torus do hita martata jana marende marjop ni roha gabe jabat dipardokkoni angka bangso na asing, “Godang ma tutu na nipatupa ni Tuhan tu halahi!”

MASMUR 14:7

O Tuhan ni Israel tangihon pangidoan on, lehen ma hamonangan sian Dolok Sion. BangsoMi angkon marjop ni roha mangulahi, muda dibahen Ho marjop ni roha jana marhasonangan halahi.

MASMUR 28:9

Palua ma Tuhan, bangsoMi pasupasu ma sanga ise halak na gabe nampunaMi. Ho ma na gabe songon parmahan di halahi, jana jagohon ma halahi salolot-lolotna.

MASMUR 67:1

Sai di dongani asi ni roha ni Debata ma hita jana dipasupasu hita, sai didompakkon ma bohiNa tu hita;

MASMUR 69:35

PaluaonNia noma Sion, jana pajongjongonNia mangulahi angka kota ni Juda. Maringanan disi noma bangso i; tano i gabe halahi noma nampunasa,

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 37:31

Halak Juda na laing mangolu i sonang noma halahi songon suan-suanan na marurat bagas sajo tu tano jana na marbatu.

JESAYA 37:4

Madung disuru raja Asur pangarajai inumonnia laho pabilehon Debata na mangolu i. Nada binoto betak na dung ditangihon Tuhan Debata do hata na pabilehon i, jana giot uhumanNia halahi na mandokkon i. Hara ni i, martangiang ma ho tu Debata manangiangkon angka halak hita na mangolu i dope.”

JESAYA 44:23

O langit, marende ma ho, angke madung martindak Tuhan, o butuha ni portibi, marsurak-surak ma. Dolok dohot hayu-hayu di harangan, marsurak ma marmoga-moga, pasangap ma Tuhan na manobus Israel, bangsoNia.

JESAYA 52:8

Tangihon ma sora na ribur sian panjago ni kota, bege ma surak-surak jop ni roha! Diida halahi sandiri Tuhan i ro tu Sion mangulahi.

JESAYA 61:9

Tarbarita angka pomparan ni halahi sun tu dia, tarbonggal di tonga-tonga ni sandok bangso. Jadi sude ma halak marhatutuhon, na Hupasupasu do bangso on.”

JEREMIA 20:13

Marende ma di Tuhan jana puji ma goarNia angke dipalua Ia do halak na targogot sian kuaso ni halak na jahat.

JEREMIA 23:3

Tapi palagut-lagutonKu ma teba-teba ni bangsongKi sian angka luat inganan habuangan ni halahi. ObanonKu ma halahi mulak tu bona bulu ni halahi jana mur mabahat ma pomparan ni halahi.

JEREMIA 3:23

Nada adong gunana marsomba gana-ganaan hami di puncu ni angka dolok! Hum sian Tuhan Debatanami do pangurupion anggo tu Israel.

JEREMIA 31:12

Marroan ma halahi tu Dolok Sion jana marende disi marjop ni roha, hara ni sude na Hulehen tu halahi: gandum, miak, anggur dohot biri-biri. Tudos ma halahi tu kobun na tuk aekna, jana na so hurangan di bagi aha.

ANDUNG 1:1

Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.

JEHESKIEL 6:8

Adong do saotik sian halahi sipaluaonKu sian panyambolan i, tapi paserahon do halahi di tonga-tonga ni angka bangso.

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

MIKA 2:12

Didok Tuhan ma mangulahi, “Ale halak Israel na teba! Angkon palagutonKu do hamu jana pasadaonKu songon biri-biri na mulak tu barana. Songon padang na gok biri-biri, laing songon i ma tanomunu mangulahi gok dohot bahat ni jolma.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

ZEPANYA 2:9

Songon sintongna mangolu Au ninna Tuhan Na Markuaso, Debata ni Israel: Angkon songon Sodom do Moab sogot, jana songon Gomora angka anak ni Amon, gabe hatubuan ni latong, jana panombangan ni sira, jana mamolngit salolot ni lolotna. Na tading sian bangsongKi mangarampasi halahi sogot, jana mambuat tano ni halahi.”

SURAT NI SI PAULUS TU PARLAGUTAN ROM 11:5

Laing songon i ma saonnari dihatiha on, adong do na gabe teba-teba mangihutkon pamilion ni asi ni roha.

SURAT NI SI PAULUS TU PARLAGUTAN ROM 9:27

Torang do didok Panurirang Jesaya taringot tu halak Israel, “Haru pe sabahat ni horsik na di topi ni laut bilangan ni bangso Israel, hum saotik do i sipaluaon;

PANGARATAION 28:13

Baenon ni Tuhan ma ho gabe pamimpin di tonga-tonga ni angka bangso, jana nada gabe mangihut-ihut. Muda dioloi ho sude parenta ni Tuhan na hulehen tu ho sadari on, sai na manjadi do karejomunu jana nada jungada sundat.

PANGARATAION 32:43

Pasangap ma bangso ni Tuhan i, hamu ale angka bangso, sude na mamunu halahi uhumonNa do. PalaluonNa hosom tu musuna tapi ampunanNia do anggo dosa ni bangsoNa.”