JEREMIA 31:5 - BIBEL JAMITA NA DENGGAN

⁵ Mambuka kobun anggur ma hamu di dolok na di Samaria jana putihon ni na manyuan ma batu ni anggurna.

JEREMIA 31:5 ပူးပေါင်းရင်းမြစ်များ

MASMUR 107:37

Disuani halahi bona ni anggur jana manyuani angka kobun, dipalagut halahi ma sian i, parbatuna mansai bahat.

JEREMIA 32:15

Didok Tuhan Na Markuaso i, Debata ni Israel, masa do muse di luat on na manggadis dohot manobusi bagas, tano dohot kobun anggur.”

JEHESKIEL 28:26

Sonang do disi halahi mangolu jana pajongjongonna ma angka bagas jana baenon ni halahi ma angka kobun anggur. UhumanKu ma sude hombar balok ni halahi na dung jungada palayaskon halahi, lopus marsonang-sonang Israel. Jadi gabe botoon ni halahi ma bahaso Au do Tuhan Debata ni halahi.”

JEHESKIEL 36:8

Tapi Au mandok tu hamu ale angka dolok ni Israel, martumbur ma angka hayumu mangulahi jana marbatu baen di bangsongKu Israel na giot mulak ne noma.

AMOS 9:14

ObanonKu ma mangulahi bangsongKi tu tano ni halahi. Bangunon ni halahi mangulahi angka kota ni halahi na marsegoan lalu buang disi. Suanan ni halahi ma anggur baen inumon ni halahi dohot angka suan-suanan baen panganon ni halahi.

OBAJA 1:19

Inganan ni halak Juda na di Selatan ma Edom. Taluhonon ni angka halak na sian partoran na di Hasundutan ma Luat Pilistin. Inganan ni Marga Benyamin ma Gilead jana rajaan ni bangsongKu Israel ma sude Efraim dohot Samaria.

MIKA 1:6

I do umbaen na nidok ni Tuhan: “BaenonKu ma Samaria gabe timbunan ni batu di tonga padang dohot panyuanan ni bona ni anggur baenon ni halak. AmbungkononKu tapor-tapor ni kota i tu bagasan holbung jana bungkaronKu angka jongjonganna i.

MIKA 4:4

Mangolu be jolma di bagasan na aman jana marhasonangan ditonga-tonga ni kobun anggur dohot kobun arana; nada adong be na pabiar-biarkon, i ma da janji ni Tuhan Na Markuaso.

ZAKARIA 3:10

Jadi muda dung dapot ari i, marsipio hombar bagasna be ma halak anso ro mangarasoi dame dohot hasonangan di tonga-tonga ni angka kobun anggur dohot angka bona ni aramu.”

PANGARATAION 20:6

Adong do dison na baru manyuan kobun anggurna jana na so sanga dope mamutik parbatu ni anggurna i? Muda adong do, angkon mulak do ia. Angke muda hona bunu ia di parporangan, gabe halak na asing noma antong na mandai aek ni anggurnia i.

PANGARATAION 28:30

Muda nada dioloi ho Tuhan Debatamunu i, martunangan ma ho, – tapi halak na asing do mambuat tunanganmunu i. Pajongjong bagas ma ho – hape nada ingananmunu bagas i. Suananmunu ma kobun anggur – hape nada ho mangankon batu ni anggur i.

1 SAMUEL 21:5

Dialusi si Daud ma, “Tontu nada adong songon i dikarejohon halahi. Sai tongtong do muda markarejo hami, dijago paranganki do anso ias halahi, nian hum karejo na somal sajo do i; mur ma karejo na marhadohoan songon on!”