JEREMIA 31:40 - BIBEL JAMITA NA DENGGAN

⁴⁰ Sude rura i, tanoman ni na mate i dohot inganan habuangan ni sirabun i, dohot sude kobun na di atas ni Batang aek Kidron lopus tu Horbangan kudo sabola Habincaran gabe badia ma i di Tuhan nada be rumpakkonon sanga roncohonon ni bagi ise kota i salolot-lolotna.”

JEREMIA 31:40 ပူးပေါင်းရင်းမြစ်များ

2 SAMUEL 15:23

Mangarar be ma rayat i tangis di parkehe ni angka tentara ni si Daud manadingkon kota i. Dung i ditaripari raja i ma anak ni Batang aek Kidron, diihutkon sude tentarania i lalu mardalan ma halahi, mandapotkon halongonan.

2 RAJA-RAJA 11:16

Jadi ditangkup halahi ma ia, lalu dioban halahi ma tu bagas godang. Disi ma di jolo ni pintu Horbangan Kudo, di bunu ia.

2 RAJA-RAJA 23:12

Angka langgatan na nipajongjong ni angka raja ni Juda di tarup ni bilik ni Raja Ahas, disego-sego. Songon i angka langgatan na nipajongjong ni Raja Manase di alaman ni Bagas Ni Debata na dua i, disego-sego do i jana diambungkon tu Rura Kidron.

2 RAJA-RAJA 23:6

Laing diparuar ia muse do patung ni Debata Asera sian Bagas Ni Debata i, dioban ma i tu balian ni kota tu Rura Kidron. Ditutung ma disi patung i, diduda ma tiranggongna i lamot, jana disampakkon ma abuanna i tu ginjang ni kuburan ni halak na bahat.

2 JUJUR TAON 23:15

Ditangkup halahi ma ia, lalu dioban tu bagas godang. Dibunu ma ia di pintu horbangan kudo.

NEHEMIA 3:28

Angka malim na maringanan di lambung ni Pintu Horbangan Kudo: Tembok na maradopan dohot bagas ni halahi be sian horbangan i torus tu sabola Utara.

MASMUR 48:9

Ale Debata, di bagasan BagasMu, hami ingot do holong ni rohaMu.

JESAYA 51:22

Songon i ma pandok ni Tuhanmu, Debata na mangondihon hamu, “Mangulahi Hubuat sian hamu, mangkuk dohot isi na palenongkon, jana isi ni mangkuk hamilason ni murukKu, indangkon inumon munu be i.

JEREMIA 1:10

Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”

JEREMIA 18:7

Muda dapot di sada hatiha giot Huputuskon laho mangarampas, mangarumpakkon dohot mangaroncohon sada bangso sanga harajaan,

JEREMIA 32:36

Didok Tuhan, Debata ni Israel ma tu au, “O Jeremia! Pandok ni halak Israel, na giot madabu ma kota on tu tangan ni raja ni Babel marhite parporangan, tangkuraparon dohot nyae masa. Saonnari, tangihon muse ma sanga aha na giot dokkononKu tu ho.

JEREMIA 8:2

nada laho palaguton sanga tanomon mangulahi tapi padiaron do rerak di tano i songon rompak. Marserak ma angka holi-holi ni jolma i di las ni ari, di torang ni bulan dohot angka bintang na nihaholongan ni halahi, na nioloanna, na nisomba dohot pangidoan ni panogu-noguon ni halahi.

JEHESKIEL 37:2

Ditogu Tuhan ma au marhuliang-huliang di rura i, jana huida ma na marampar do hape di rura i sude angka holi-holi na lobi bahat jana na mahiang situtu.

JEHESKIEL 37:25

Maringanan ma halahi di tano na dung Hulehen tu naposongKu si Jakob jana na niinganan ni ompu ni halahi, olo, halahi; angka anak ni halahi bope pahompu ni halahi angkon tinggal disi salolot ni lolotna jana naposongKu si Daud ma raja ni halahi salolot ni lolotna.

JEHESKIEL 39:29

UsehononKu ma tondingKu tu bangso Israel jana nada be tadingkononKu halahi. Au Tuhan Debata madung mandok songon i.”

JEHESKIEL 48:35

9 kilometer ginjang ni tembokna i sude. Jana mamungka sian hatiha on digoari halak ma kota i: “DISI DO Tuhan I!”

JOEL 3:17

“Ale Israel, saonnari botoonmunu, Au do Tuhan Debatamunu. Di Sion do Au maringanan i ma dolokKu Na Badia i. Gabe kota na badia noma Jerusalem, nada be taluhonon ni halak na asing kota i.

ZAKARIA 14:11

Marsonang-sonang ma angka jolma maringanan di kota i, nada adong hamamago na mangancam.

ZAKARIA 14:20

Di ari i, gorgahonon ma tu angka giring-giring na di abit ni kudo hata na mandok, “Dihapunjungkon di Tuhan.” Argahonon ma angka hudon na di Bagas Ni Tuhan songon angka mangkuk parhaulan na di jolo ni langgatan.

JOHANNES 18:1

Jadi dung sidung didok Jesus songon i, kehe ma Ia rap dohot angka siseanNia i tu ipar ni Batang aek Kidron. Adong do disi sada kobun, jana masuk ma Jesus tu kobun i dohot angka siseanNia i.