JEREMIA 31:4 - BIBEL JAMITA NA DENGGAN

⁴ PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.

JEREMIA 31:4 ပူးပေါင်းရင်းမြစ်များ

2 RAJA-RAJA 19:21

madung didok Tuhan ma tu si Sanherib, “Partataan jana pabileon ni Jerusalem ma ho, Sanherib.

MASMUR 149:3

Puji ma goarNa markite-hite angka tortor, puji hamu ma Ia mardongan hasapi dohot gondang!

MASMUR 30:11

Dipauba Ho hadangolanku gabe tortor siriaon digonti Ho hamarsahanku dohot hamogaon.

MASMUR 51:18

Ale Debata, patuduhon ma denggan ni rohaMu tu Sion, pajongjong ma mangulahi angka tembok ni Jerusalem.

MASMUR 69:35

PaluaonNia noma Sion, jana pajongjongonNia mangulahi angka kota ni Juda. Maringanan disi noma bangso i; tano i gabe halahi noma nampunasa,

JESAYA 14:1

Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

JESAYA 30:32

Di na mangarasoi angka pukul-pukul i halahi, marsonang-sonang ma halak ni Tuhan mardongan musik gondang dohot hasapi. Ia sandiri do marporang mangalo halak Asur.

JESAYA 37:22

madung didok Tuhan tu si Sanherib, “Partataan jana pacia-ciaon ni kota Jerusalem do ho, ale Sanherib.

JEREMIA 1:10

Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”

JEREMIA 14:17

Disuru Tuhan ma au paboahon arsak ni rohangku tu bangsoNa i. Angkon dokkononku songon on, “Tangis noma au torus-torusan, arian na borngin ilu maraburan. Dibaen banga do bugang ni bangsongku jana tarlobi do pardangolanna.

JEREMIA 18:13

Didok Tuhan ma, “Sapai ma tu ganop bangso, sanga na unjung tarjadi songon on. Madung dibaen halak Israel pangalaho na jorbut i!

JEREMIA 24:6

JagohononKu do halahi jana obanonKu mangulahi tu luat on. BangunonKu do halahi, nada rumpakononKu; na manyuan do Au, nada mangumpat halahi.

JEREMIA 31:13

Manortori ma disi angka bujing-bujing marjop ni roha bage. Na matobang dohot na poso, rap marmoga-moga do, dibaen giot lehenonKu tu halahi apo-apo. Hupauba arsak ni halahi gabe moga, hasusaan Hugonti gabe tua.

JEREMIA 31:21

Baen ma tanda ni dalan, jana baen ma parningotan jalahi ma dalan na nibolusmu hian. O ale Israel, mulak ma ho! Ulahi ma mangingani angka kotamu humani.

JEREMIA 31:38

Didok Tuhan, “Dapot do i hatihana, paulion mangulahi sude Jerusalem songon kotangKu, sian Palas-palas Hananeel na di Hasundutan lopus tu horbangan na di suhi-suhi.

JEREMIA 33:7

Sonang baenonKu Juda dohot Israel jana pasuangonKu halahi songon di mulana.

JEREMIA 46:11

Hamu ale angka halak na maringanan di Mesir, nada margogo sude angka ubatmunu i laho pamalumkon hamu. Jadi hara ni i, kehe ma hamu manjalahi ubat tu Gilead!

ANDUNG 1:15

Layas do sude diida Tuhan ulu balangku na garang i. Ditongos Ia tentara anso mate sude sian au doli-doli. Dipisat Tuhan do bangsongku lopus maropuk, songon pambaen ni halak na mamoro anggur.

ANDUNG 2:13

O ale Jerusalem, na ni haholongan, aha ma dohononku tu ho? Bia ma baenonku mangapuli ho? Nada adong dope jungada manaon na songon on. Nada marbatas hamamagomu songon laut na bidang, nada adong be si arophononmu.

AMOS 5:2

Madung tinggang Israel boru na bujing i, nada lobassa jongjong be! Dipadiar ia bustang di tano, nada adong mangurupisa jongjong.

AMOS 9:11

Didok Tuhan ma, “Dapot do i arina pasuangonKu na masa di halak Israel anso mulak gabe songon di hatiha ni Raja Daud mamarenta. Saonnari songon bagas na marumpak do halahi. Tapi padengganonKu mangulahi lopus gabe songon na salpu i.

LUKAS 15:23

Dung i buat ma anak ni lombu na nipamokmok, sambol ma i anso mangan hita jana marjop ni roha.

BAENON NI ANGKA RASUL 15:16

‘Dung i mangulahi ma Au ro, pajongjongonKu ma mangulahi bagas ni si Daud na marumpak i, jana patureonKu ma sego-segona i, anso Hupajongjong mangulahi;

HAKIM-HAKIM 11:34

Di na mulak si Jefta tu Mispa, ro ma borunia mangalo-alo ia manortor lalu mamake rapano. Sasada i do dakdanaknia.