JEREMIA 31:30 - BIBEL JAMITA NA DENGGAN

³⁰ Tapi sanga ise mangankon parbatu na ancom, ia sandiri do na ngiluan ipon. Mate ma ganop halak hara ni dosana sandiri.”

JEREMIA 31:30 ပူးပေါင်းရင်းမြစ်များ

2 RAJA-RAJA 14:6

Tapi anggo dakdanak ni angka pagawe i, nada dipabunuhon ia, angke diihutkon ia do parenta ni Tuhan na di bagasan Buku Ni si Musa i na mandok, “Ulang nimatehon ama-ama hara ni hajahatan ni angka dakdanakna, jana ulang nimatehon angka dakdanak hara ni hajahatan ni simatobangna. Sanga ise pe, hum hara ni hajahatanna sandiri do na tola nimatehon.”

JOB 21:20

Padiar ma ditanggung pardosa, dosana sandiri, padiar ma dirasoi sandiri muruk ni Debata Na Gumincat i.

JESAYA 3:11

Marjaya ma halak na jahat! Parmaraan angkon mandondoni halahi. Harana baloshononkon ma tu halahi hombar tu pambaenanna sandiri.

JEHESKIEL 18:20

Sanga ise na mambaen dosa, ia ma na giot mate. Nada angkon sai tanggungon ni anak panginona ni dosa ni amangna; sabalikna muse, ama pe nada angkon sai tanggungonna panginona ni angka dosa ni anakna. Sanga ise na burju jagitonna balos na denggan hara ni pambaenanna na denggan. Jana halak na jahat, jagitonna ma parkancitan patunda ni hajahatanna i.

JEHESKIEL 18:4

Satutuna, Au do nampuna tondi ni sude! Tondi ni ama bope tondi ni anak Au do nampunasa! Jana halak na mardosa, i do na angkon mate.

JEHESKIEL 3:24

tapi masuk ma tu au Tondi i jana dipajongjong ma au. Didok Tuhan ma tu au, “Mulak ma ho jana manghurungi ma ho di bagas.

JEHESKIEL 33:13

Bolas jadi do na dung Hujanjihon laho paluahon halak na burju i, tapi anggo dipungka ia do mambaen dosa jana diarop rohania giot paluaonKu ia hara ni hadengganannia na salpu i, sala do ia disi. Nada paingot-ingotonKu be hadengganan na dung unjung dibaen ia jana mate noma ia hara ni angka dosania i.

JEHESKIEL 33:18

Sanoli nari Huondolkon, muda dipungka halak na burju mambaen na jahat, na giot mate noma i.

JEHESKIEL 33:8

Muda Hupabotohon tu ho, na giot mate sada halak parjahat, hape nada dipaingot ho ia anso dipauba ia pangalahonia i anso malua ia nian, jadi mate ma ia songon sada halak pardosa. Tapi tuntutonKu do tu ho tanggung jawab salaho tu hamamatenia.

GALATIA 6:5

Harana angkon marsiporsan bobanna be do na mangolu i.

PANGARATAION 24:16

Ulang bunu hamu simatobang hara ni hajahatan na nibaen ni angka dakdanakna; jana ulang bunu hamu dakdanak hara ni hajahatan ni simatobangna. Hum hara ni hajahatan na nibaenna sandiri do anso tola niuhuman sada-sada halak.

JAKOBUS 1:15

Dung i muda dioloi ia hagiotnia na jahat i, gabe tubu ma dosa; dung mardosa, gabe hamatean noma na ro.