JEREMIA 31:22 - BIBEL JAMITA NA DENGGAN

²² Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

JEREMIA 31:22 ပူးပေါင်းရင်းမြစ်များ

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

JEREMIA 13:27

Madung Huida hamu patupahon angka pangalaho na Huhagigihon. Huida do hamu markarosuan jana manggampang di angka dolok dohot di angka ladang. Marjaya ma hamu halak Jerusalem! Andigan pe hamu giot malua sian sandok hajahatan?”

JEREMIA 14:7

Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

JEREMIA 2:18

Na mahua ma ho tu Mesir? Na giot manginum aek ni Batang aek Nil? Na giot mahua ma ho tu Asur? Na giot manginum aek ni Batang aek Efrat?

JEREMIA 2:23

Pulukna i antong mandok na so jungada dipahodar ho dirimu, jana paboa na so unjung Baal diihutkon ho! Ligi ma sandok dosamu di rura; ingoti hajahatanmu jana akui ma! Sai songon unto boru-boru na gintal do ho, marlojong panyihal-nyihalon umpe tarpaso,

JEREMIA 2:36

Nayang na i didok rohamu laho paubahon parangemu! Jana angkon maila ma ho hara ni halak Mesir, songon na dung dipaila ni Asur i ho.

JEREMIA 3:1

Didok Tuhan, “Muda disirangkon halaklahina sada dadaboru, lalu marbagas anak boru i tu bayo na asing, nada tola be halaklahina i humani mambuat dadaboru i mangulahi gabe ripena, angke pasego-segohon do pangalaho na songon i di luat on. Antong ho ale Israel, madung bahat sajo haholongan ni rohamu, biasi dope puluk ho mulak tu Au?

JEREMIA 3:14

“O hamu bangso na so setia, mulak ma hamu tu Au! Au do nampuna hamu. BuatonKu noma hamu, sahalak sian ganop kota, dua halak sian ganop partubu, jana obanonKu hamu mangulahi tu Dolok Sion.

JEREMIA 3:22

O hamu sude na manadingkon Tuhan, mulak ma hamu! PamalumonNia ma hamu, jana baenonNia ma hamu setia. Didok hamu, “Olo da, saonnari ma hami ro tu Tuhan, angke Ia do antong Debatanami.

JEREMIA 3:4

Saonnari didok ho tu Au, Amangmu Au, na holong do rohangKu di ho mamungka sian hamenehanmu.

JEREMIA 3:6

Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

JEREMIA 3:8

Diligi ia, hara ni na manggampang ia madung Husirangkon Israel, dadaboru na murtad i, jana mangalehen tusia surat sirang: Tapi Juda, ibotonia dadaboru na so setia i nada mabiar, jana ia sandiri pe kehe do manggampang.

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

JEREMIA 49:4

Biasi manggodang diri hamu ale angka na so bonar? Bia ma he dalanna pangasahononmunu gogomunu na dung murak i? Bia ma he umbaen na puluk hamu mandok, sahalak pe nada adong na barani mangaroro hamu?

JEREMIA 7:24

Hape nada ra halahi manangihon dohot mamparrohahonsa. Tubu-tubu ni roha ni halahi na pir boti na jat i sandiri do dipaihut-ihut halahi. Indada mur dumenggan halahi tapi mur tu jahatna noma.

HOSEA 11:7

dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

HOSEA 14:4

Anggo Asur nada margogo i paluahon hami, jana kudo porang pe nada tarbaensa mangurupi hami. Nada ra be hami manghobari dohot angka patung na hami baen i gabe debatanami. Ale Tuhan, holong do rohaMu di angka jolma na so adong sanga ise pe sipangasahononna.”

HOSEA 4:16

Harana tangkang do Israel songon lombu na tangkang, giot bia ma he Tuhan marmahani halahi, songon biri-biri di tano lapang?

HOSEA 8:5

Goyak rohangKu paida-ida lombu sere na nipasomba-somba ni halak kota Samaria. Marpiar do murukKu tu halahi. Sadia honok nari sai sombaon ni halahi torus gana-ganaan i?

ZAKARIA 7:11

Tapi nada diantureskon halahi jana mangalo, jana dipaingol do pinggolna anso ulang marbinege.

BILANGAN 16:30

Tapi muda dibaen Tuhan i na so jungada dibege hamu taran so on, jana muda mabola tano i mamondut halahi rap dohot sude na adong di halahi lopus tehe ngolu-ngolu halahi tu inganan ni halak na mate, botoonmunu ma na mangalo Tuhan do halak on.”

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.