JEREMIA 31:21 - BIBEL JAMITA NA DENGGAN

²¹ Baen ma tanda ni dalan, jana baen ma parningotan jalahi ma dalan na nibolusmu hian. O ale Israel, mulak ma ho! Ulahi ma mangingani angka kotamu humani.

JEREMIA 31:21 ပူးပေါင်းရင်းမြစ်များ

1 JUJUR TAON 29:3

Jabat do hara ni holong ni rohangku di Bagas Ni Debatangki, madung hupasahat muse perak dohot sere sian sinadonganku sandiri:

2 JUJUR TAON 11:16

Marroan ma angka halak sian sude marga ni Israel na tutu situtu giot manyomba Tuhan, Debata ni Israel tu Jerusalem, mangihutkon angka halak Levi i anso tarbaen halahi manghaulkon haul tu Tuhan, Debata na nisomba ni ompu ni halahi.

2 JUJUR TAON 20:3

Gabe mabiar ma si Josafat lalu martangiang ma ia mangido panogu-noguon sian Tuhan. Dung i diparentahon ia ma anso puaso sude rayat i.

MASMUR 62:10

Ulang arop rohamu di angka barang na nirampas, jana ulang marpangunsandean tu angka na nirampas. Muda pe martamba hakayoanmu, ulang lohot tusi rohamu.

MASMUR 84:5

Martua ma halak na dapotan gogo sian Ho, jana na dihalungunkon rohana jiara tu Dolok Sion.

PODA 24:32

Dung huparrohahon jana hupasari-sari salaho tusi, dapot au ma songon parsiajaran:

JESAYA 48:20

Kehe ma ho sian Babel, lojongi ma tu Kasdim baritahon ma mardongan jop ni roha. Baritahon ma sun tu dia: “Madung dipalua Tuhan Israel, naposoNia!”

JESAYA 57:14

Adong ma na mandok: “Buka ma, buka ma, parade ma dalan, angkati hamu ma batu partuktuhan sian dalan ni bangsongKu.”

JESAYA 62:10

Ruar ma hamu sian horbangan, parade hamu ma dalan di halak na marmulahan. Baen ma dalan godang, paduru batuna, pajongjong ma mandera di angka bangso.

JEREMIA 3:12

Disuru Tuhan ma au kehe tu Israel lalu mandok songon on, “O ale Israel na so setia, mulak ma ho tu Au! Gok ibo ni roha do Au jana nada sapanjangna Au muruk tu ho.

JEREMIA 3:14

“O hamu bangso na so setia, mulak ma hamu tu Au! Au do nampuna hamu. BuatonKu noma hamu, sahalak sian ganop kota, dua halak sian ganop partubu, jana obanonKu hamu mangulahi tu Dolok Sion.

JEREMIA 31:4

PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.

JEREMIA 46:11

Hamu ale angka halak na maringanan di Mesir, nada margogo sude angka ubatmunu i laho pamalumkon hamu. Jadi hara ni i, kehe ma hamu manjalahi ubat tu Gilead!

JEREMIA 50:5

Sapaan ni halahi ma dalan tu Sion, lalu mardalan ma halahi sabola tusi. Baenon ni halahi ma parjanjian na hot dohot Au jana nada langgaron ni halahi janji i.

JEREMIA 51:50

Didok Tuhan ma tu halak Israel di Babel, “Madung malua hamu sian pamunuon! Jadi, kehe ma hamu saonnari! Ulang be painte hamu! Haru pe dao hamu sian bagas, ingot hamu tu Au Tuhanmunu dohot tu Jerusalem.

JEREMIA 51:6

Palua ma dirimu! Lojongi ma sian Babel ulang jabat dohot hamu hona bunu hara ni dosana! Na mambaloskon hajahatan ni Babel do Au on dohot manguhumisa hombar tu pambaenanna.

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

JEHESKIEL 40:4

Didok bayo i ma tu au, “Ale jolma parsantongkinan, tangkas tangihon dohot parrohahon sude sanga aha na hupatidahon tu ho, angke hara ni i do umbaen na dioban ho tuson. Paboa ma tu bangso Israel sude na giot patidahonon tu ho.”

HAGAI 1:5

Hara ni i ninna Tuhan Na Markuaso i ma, “Pamanat hamu ma dirimunu.”

ZAKARIA 10:9

Haru pe Husursar halahi di tonga-tonga ni angka bangso, laing ingoton ni halahi do Au di adu. Malua do halahi songon i muse angka dakdanakna, jana rap mulak halahi tu tanona.

PANGARATAION 32:46

didok si Musa ma, “Jagohon hamu ma anso oloi hamu sude parenta na hulehen tu hamu sadari on. Ajarkon hamu ma i tu angka dakdanakmunu, anso dioloi halahi sude pangajaran ni Tuhan i di bagasan haburjuon.