JEREMIA 31:18 - BIBEL JAMITA NA DENGGAN

¹⁸ Hubege do halak Israel mangkuling di bagasan arsak godang, ‘Ale Tuhan, tudos do hami tu lombu riar na so dipajinak hape diajar Ho do hami anso patu, saonnari madung rade hami mulak tu adopanMu. Antong, oban ma hami mangulahi, ale Tuhan, Debatanami.

JEREMIA 31:18 ပူးပေါင်းရင်းမြစ်များ

JOB 5:17

Na dohar ma da ho muda Debata manggorahon ho, ulang mandele muda Ia pasala ho.

MASMUR 118:18

Borat do da tu au uhuman ni Tuhan, tapi nada jabat dipasahat Ia au tu hamatean.

MASMUR 119:67

Na jolo somal do au manyimbil, dung diuhumi Ho, hutiop janjiMi.

MASMUR 119:75

Huboto do ale Tuhan, tigor do haputusanMu, hara ni habonaranMu, diuhum Ho au.

MASMUR 31:15

Ho do na sai tongtong pature-ture au; palua ma au sian musungku, dohot sian halak na manyosak au.

MASMUR 32:9

Ulang songon kudo na so marroha, siaturon marhite kokang dohot tali. Muda nada songon i, nada ra ia mangoloi.”

MASMUR 80:19

Ale Tuhan Debata Na Markuaso pasuang ma hami, hara ni habasaonMu, tatap ma hami gabe malua ma hami.

MASMUR 80:3

Pasuang ma hami ale Debata; hara ni habasaonMu, tatap ma hami, jadi gabe malua ma hami.

MASMUR 80:7

Ale Debata Na Markuaso pasuang hami; tatap ma hami hara ni habasaonMi, jadi gabe malua ma hami.

MASMUR 85:4

Marpangulahi ma rohaMu mida hami, ale Debata sipalua hami, ulang be muruk Ho tu hami.

MASMUR 94:12

Ale Tuhan, martua ma halak na nipodaanMu, halak na niajarkonMu angka uhumMu.

PODA 26:3

Songon kokang di halode dohot sambok-sambok tu kudo, songon i do di tano on halak na oto.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

PODA 3:11

Ampot dipamasa Tuhan singot-singot tu ho, ale anakku, jagit ma i jana ulang menek rohamu tuSia.

JESAYA 1:5

Biasi dope he angkon sai manggagai hamu? Adong he na giot baenon dope uhuman na umborat tu hamu? Ma sap sude ulumu baro-baroon, rohamu pe dohot pikiranmu marnyae.

JESAYA 51:20

Di suhi-suhi ni ganop dalan, martinggangan angka anakmu abis be gogona. Songon ursa na hona jorat di bagasan tirangkap, taraso di halahi muruk ni Tuhan na santak.

JESAYA 53:7

Kejam do dibaen tusia, tapi sip sajo do ia manaonsa, songon anak ni biri-biri na nioban tu panyambolan, jana songon induk ni biri-biri na maoto hohom maradopkon halak na manggusting imbuluna.

JESAYA 63:16

Nada he Ho do Amangnami? Nada ditanda si Abraham dohot si Jakob hami. Tapi anggo di hami sandiri, Ho do Amangnami, na palua hami sian narobi.

JESAYA 9:13

Laing na so manyosal dope bangso Israel haru pe na dung hona uhum ni Tuhan Na Markuaso i; laing na so tunduk dope halahi tu angka parentaNia.

JEREMIA 17:14

Pamalum ma au Tuhan, anso gabe torkis au. Palua ma au, anso gabe malua au. Hum Ho do na hupasangap!

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

JEREMIA 3:25

Jadi padiar ma maila hami jana padiar ma marlayas hami. Angke madung mardosa hami dohot ompunami maradopkon Tuhan Debatanami, jana nada jungada hami oloi angka parentaNia.”

JEREMIA 31:6

Tutu do dapot do i hatihana marsurak ma angka panjago ni kota ni partoran Efraim, ‘Beta hita manangkok tu Sion, mandapotkon Tuhan, Debatanta.’ ”

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

ANDUNG 5:21

Ale Tuhan, oban ma hami mulak tu Ho; giot mulak do hami tu Ho! Pasuang ma hami songon di hatiha najolo.

JEHESKIEL 20:43

Taringot ma tu rohamunu disi sude pambaenanmunu na so ture na dung pahodarkon dirimunu. Jadi gabe sobalan ma hamu paingot-ingot sude hajahatan i.

DANIEL 9:13

Sude jaya hamamago na tarsurat di bagasan Tona Ni si Musa didondonkon Ho do tu hami. Tapi haru songon i pe, ale Tuhan Debatanami, laing hami gagai do laho pasonang rohaMu. Laing hot do hami na so ra manadingkon angka dosanami jana nada hami parrohahon angka pangajaranMu.

HOSEA 10:11

Najolo songon lombu jara-jara na niajar do Efraim jana na ringgas mardege gandum. Nada pola porlu baenonKu auga tu tangkuhukna na jeges i. Tapi anggo saonnari tarpaksa noma baenonKu halahi markarejo na borat. Husuru Juda mamangkur, jana Israel Husuru manyisir.

HOSEA 4:16

Harana tangkang do Israel songon lombu na tangkang, giot bia ma he Tuhan marmahani halahi, songon biri-biri di tano lapang?

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

JUNUS 3:10

Diida Debata ma sude pangalaho ni halahi i; diida Ia ma na dung ditadingkon halahi pangalaho ni halahi na jat i. Jadi gabe dipauba Ia ma haputusanNia i, gabe nada tulus be halahi hona uhum dibaen Ia.

ZEPANYA 3:2

Nada ra i manangihon jana nada ra manjagit sipaingot. Nada porsaya tu Tuhan jana nada ra mangido tolong tu Debata.

MALEAKI 3:16

Jadi marsipandohonan ma angka halak na manghabiari Tuhan i na sada tu donganna. Dibege jana diparrohahon Tuhan do sanga aha na nihataan ni halahi i. Disuratkon do angka goar-goar ni na pasangapkon Tuhan dohot na mabiar mida Ia, di bagasan sada buku panyuratan na adong di joloNia.

MALEAKI 4:6

BaenonNia ma marpangulahi roha ni ama-ama tu angka anakna jana roha ni angka dakdanak tu amana, anso ulang ro Au mangkonahon uhum tu tano on gabe maronco.”

BILANGAN 2:18

Sabola Hasundutan, halahi angka na di toru ni mandera ni Efraim, marbandar mangihutkon tentara dohot pamimpinna, songon on ma susunanna: MARGA PAMIMPIN BAHATNA Efraim Elisama anak ni si Amihud 40.500 Manase Gamaliel anak ni si Pedasur 32.200 Benyamin Abidan anak ni si Gideoni 35.400 Sudena: 108.100 Rombongan ni Efraim angkon mardalan di pudi ni Marga Levi.

LUKAS 1:17

Angkon gabe suruan ni Debata do ia, na gogo jana markuaso songon si Elia. Padameonnia ma ama tu anakna, toguonnia ma halak na so pangoloi anso mulak tu dalan na sintong. Dibaen ia pe sudena i, na laho paradehon sada bangso do na dung singkop di Tuhan i.”

LUKAS 15:20

Dung i jongjong ma ia, torus mulak mandapotkon amangna. Sian na dao dope madung diida amangnia i ia. Ibo sajo ma roha ni amangna i midasa, marlojong ma amangna i mangalo-alo ia, dihaol jana diumma ma ia.

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”

PILIPPI 2:13

angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.

IBRANI 12:5

Jana madung lupa hamu di sipaingot na mandok tu hamu songon tu dakdanak, “Ale dakdanakku, ulang menek rohamu mida pangajaran ni Tuhan i; jana ulang mandele muda dipaingot Ia ho.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.