JEREMIA 31:14 - BIBEL JAMITA NA DENGGAN

¹⁴ PapuasonKu ma angka malim dohot panganon na marlobi-lobi; jana lehenonKu sude haporluan ni bangsongKu. Au Tuhan, Au do na mandok songon i.”

JEREMIA 31:14 ပူးပေါင်းရင်းမြစ်များ

2 JUJUR TAON 6:41

Jongjong ma Ho saonnari ale Tuhan Debata! Jana masuk ma nian Ho tu bagasan bagas paribadatan on rap dohot Poti Parjanjian na manggombarkon kuasoMon jana maringanan ma Ho dison lopus salolot-lolotna. Sai pasupasu ma sude parkarejoan ni angka malimMu jana sai martua ma sude bangsoMu hara ni burjuMu tu halahi.

NEHEMIA 10:39

Angkon obanon ni rayat ni Israel dohot angka halak Levi do sumbangan na hot marrumang gandum, anggur dohot miak zetun tu angka kamar simpanan ni angka panjamaan ni Bagas Ni Tuhan. Disi muse do inganan ni angka malim na topet markarejo, angka panjago horbangan ni Bagas Ni Tuhan dohot angka parende. Nada lalap hami laho manghobasi Bagas Ni Tuhannami.

MASMUR 107:9

Angke dipaminum Ia halak na manguas, na male dipabutong Ia dohot hadengganan.

MASMUR 132:16

PasupasuonKu angka malimnia di sude ragam ni karejona, marendei jana marmoga-moga ma bangsonia.

MASMUR 132:9

Sai marjop ni roha ma nian bangsoMu jana angka malimMu pe sai mangolu ma mangihutkon giot ni rohaMu.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 36:8

Butongan hami di sipanganon na marlobi-lobi na niparadeMu, mardongan inumon na sian batang aekMu na patogarkon.

MASMUR 63:2

Paloas ma au manatap tu Ho di inganan na badia, bope mangaligi hagogoan dohot hamuliaonMu.

MASMUR 63:5

Pujionku do Ho marhite angka ende na riang-riang, dibaen dipasombu Ho rohangku songon na mangankon sipanganon na tabo.

MASMUR 63:6

Di na payak au di podoman, huingot do tu Ho; sasaborngin sai huhalungunkon do Ho,

MASMUR 65:4

Martua do sanga ise na nitodoMu, jana na nipiohonMu anso maringanan di alamanMu. Butongan ma hami dohot angka na denggan i, di BagasMu, di parmiananMu na badia i.

MASMUR 85:13

Joloanan ni hatigoran ma Ia, jana pasingkoponna dalan diSia.

MASMUR 90:14

Duruskon ma holong ni rohaMu tu hami ganop manyogot, anso marjop ni roha hami jana marende salolot hami mangolu.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

JESAYA 25:6

Di Dolok Sion, dihobasi Tuhan Na Markuaso i ma pesta di sude bangso na di tano on. Rade ma dibaen angka sipanganon na tumabo dohot anggur pilian.

JESAYA 61:6

Gonan ma hamu gabe naposo ni Debatanta jana digoaran angka malim ni Tuhan. Hamu noma nampuna arta ni angka bangso, jana pakeonmunu ma i manggodang diri.

JEREMIA 31:25

Angka na loja sian halahi giot pargogoanKu, jana pabutongonKu angka na garse hara ni na tangkuraparon.

JEREMIA 33:9

Gabe hamogaan dohot hagodangan ni rohangKu ma Jerusalem. Sandok bangso na di tano on gabe mabiar jana humitir gabe pasangap Au muda dibege halahi taringot tu sude hadengganan na Hubaen tu halak Jerusalem dohot taringot tu hadameon na Hulehen tu kota i.”

JEREMIA 50:19

PaulahonKu noma halak Israel tu tano ni halahi. Panganon ni halahi ma suha ni tano na sian Dolok Karmel dohot tano Basan. Butongan ma halahi marhite suha ni tano na sian Luat Efraim dohot Gilead.

JEHESKIEL 34:14

Satutuna do, Au paradehon di halahi angka padang ruput na napu di partoran dohot di angka rura ni tano Israel. Disi ma halahi maradian jana manjampali di bagasan sonang.

HAGAI 2:19

Haru pe nada adong be anggur na tinggal, jana bona ni anggur, ara, dalimo dohot bona ni zetun nada mamutik dope, tapi mamungka saonnari pasupasuonKu ma hamu!”

MATEUS 5:6

Martua ma angka na male dohot na manguas mida hatigoran, angke na giot pabutongon do halahi muse.

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

EPESUS 3:19

na so tarastui sabagas-bagasna anggo marsuhat tu pikiran ni jolma. Sai ditanda hamu ma nian holong ni roha ni Kristus i, anso gok hamu dohot hadirion ni Debata na sanggam i.

PANGARATAION 33:23

Salaho tu Marga Naftali didok si Musa: “Dipalobi do tu Naftali pasupasu holong ni roha ni Tuhan; tanonia manggistang sian Dano Galilea tu Selatan.”

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

HALUMBAAN 5:10

Madung dibaen Ho halahi gabe sada bangso pinompar ni raja, anso laing gabe malim muse ma halahi na mangoloi Debatanta, jana mamarenta di ginjang ni tano on.”