JEREMIA 31:12 - BIBEL JAMITA NA DENGGAN

¹² Marroan ma halahi tu Dolok Sion jana marende disi marjop ni roha, hara ni sude na Hulehen tu halahi: gandum, miak, anggur dohot biri-biri. Tudos ma halahi tu kobun na tuk aekna, jana na so hurangan di bagi aha.

JEREMIA 31:12 ပူးပေါင်းရင်းမြစ်များ

MASMUR 130:4

Hape diampuni Ho do hami, diarop rohangku do janjiNa.

JESAYA 1:30

Malos ma hamu songon hayu na bolon na giot rahar, songon dia kobun na so niaehan.

JESAYA 35:10

Lalu halahi tu Jerusalem marjop ni roha, manortor lalu marsurak marmoga-moga. Martua ma halahi salolot-lolotna, malua sian habot ni roha dohot susa.

JESAYA 51:11

Angka na nipaluaMu ale Tuhan, mulak tu Sion marsonang-sonang. Marendei halahi jana marmoga-moga, malua sian parhancitan dohot arsak ni roha; salolot-lolotna ma halahi martua. Lungun dohot arsak ni roha madung mandao.

JESAYA 52:8

Tangihon ma sora na ribur sian panjago ni kota, bege ma surak-surak jop ni roha! Diida halahi sandiri Tuhan i ro tu Sion mangulahi.

JESAYA 58:11

Sai na toguon ni Tuhan do hamu jana angkon pasombuonNa rohamunu di tano na gariang. Sai parata-rataonNa do gogomunu anso tongtong horas torkis hamu. Gabe songon kobun ma hamu na tuk aekna, sanga mualna nada jungada mate.

JESAYA 60:20

Adong ma di ho mataniari na so ra lusut, marujung ma hatiha hamarsahanmu, angke Au noma gabe panorangimu na hot manyalpui bulan dohot mataniari.

JESAYA 65:19

Au sandiri pe marsurak-surak hara ni Jerusalem, jana marjop ni roha hara ni bangsongKu; di kota i nada adong be habegean sora ni na tangis dohot na mangangguk.

JEREMIA 3:14

“O hamu bangso na so setia, mulak ma hamu tu Au! Au do nampuna hamu. BuatonKu noma hamu, sahalak sian ganop kota, dua halak sian ganop partubu, jana obanonKu hamu mangulahi tu Dolok Sion.

JEREMIA 31:24

Maringanan ma halak di Juda dohot di angka huta na disi. Adong ma disi partani dohot parmahan na marmahani pahan-pahananna.

JEREMIA 31:25

Angka na loja sian halahi giot pargogoanKu, jana pabutongonKu angka na garse hara ni na tangkuraparon.

JEREMIA 31:4

PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.

JEREMIA 31:6

Tutu do dapot do i hatihana marsurak ma angka panjago ni kota ni partoran Efraim, ‘Beta hita manangkok tu Sion, mandapotkon Tuhan, Debatanta.’ ”

JEREMIA 31:7

Didok Tuhan do, “Marende ma hamu marjop ni roha di Israel bangsongKi, bangso na gumodang sian sandok bangso do i. Endehon hamu ma ende puji-pujian. ‘Na teba sian bangsoNa madung dipalua Tuhan.’

JEREMIA 32:15

Didok Tuhan Na Markuaso i, Debata ni Israel, masa do muse di luat on na manggadis dohot manobusi bagas, tano dohot kobun anggur.”

JEREMIA 33:12

Didok Tuhan Na Markuaso i ma, “Nada diingani jolma sanga binatang luat na songon padang halongonan on. Tapi haru songon i pe adong do i muse di pudian ni ari angka padang hatubuan ni duhut inganan ni halak marmahani angka biri-birina.

JEREMIA 33:13

Di angka kota na di tano partoran di pat ni angka dolok, di tano Negeb, dohot di Luat Benyamin dohot di angka huta na adong humaliang Jerusalem, dohot di angka kota na di Juda, etongon ni halak ma bilangan ni angka biri-biri ni halahi. Au Tuhan, madung mandok songon i.”

JEHESKIEL 17:23

Di dolok na gumincat Hupayakkon ia. Martunas ma ia disi jana marbatu, gabe bona ni sampinur na jagar. Sude ragam ni unggas disi mambaen asar, jana marsilaung di toru ni linggomna.

JEHESKIEL 20:40

Angke di tano Israel, di puncu ni dolokKu na badia i, hamu sude bangso Israel, disi ma sombaonmunu Au. Disi ma sonang rohangKu mida hamu jana Hupangido hamu maroban tu Au angka haulmunu na dumenggan dohot angka silehen-lehenmunu na gabe hapunjunganKu.

JEHESKIEL 34:14

Satutuna do, Au paradehon di halahi angka padang ruput na napu di partoran dohot di angka rura ni tano Israel. Disi ma halahi maradian jana manjampali di bagasan sonang.

JEHESKIEL 36:30

Mur napu baenonKu bona ni suan-suananmunu jana tamba suha ni angka ladangmunu, anso ulang be bolusonmunu haleon na pajatjat goarmunu di tonga-tonga ni angka bangso.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

JOEL 3:18

Gok kobun anggur noma angka dolok di hatiha i. Angka pahan-pahanan manjampali ma di tor na napu. Angka batang aek ni Juda nada unjung abis be aekna. Mardalan ma sada batang aek sian Bagas Ni Tuhan, jana aekanna Rura Sitim.

HAGAI 2:19

Haru pe nada adong be anggur na tinggal, jana bona ni anggur, ara, dalimo dohot bona ni zetun nada mamutik dope, tapi mamungka saonnari pasupasuonKu ma hamu!”

ZAKARIA 8:12

Di bagasan sonang noma halahi i manyabur same. Marbatui ma angka bona ni anggur ni halahi, lehenon ni tano i ma suhana, jana langit mangalehen aek ombun. LehenonKu ma pasupasu i tu angka jolma na mangolu dope sian bangso on.

JOHANNES 16:22

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu.

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

HALUMBAAN 21:4

ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”