JEREMIA 30:7 - BIBEL JAMITA NA DENGGAN

⁷ Madung dapot ari na jorbut, ari na so adong tudosanna. Anggo di bangsongKi ari i ma na mambaen sak ni roha; tapi paluaonKu do halahi.”

JEREMIA 30:7 ပူးပေါင်းရင်းမြစ်များ

PAMUNGKAAN 32:7

Umbege i gabe mabiar ma si Jakob jana gamang ma ia. Jadi dibagi ia ma angka halak na rap dohot ia gabe dua rombongan; songon i muse angka biri-birinia, hambengnia, lombu dohot untonia.

MASMUR 25:22

Ale Debata, palua ma Israel bangsoMi sian sandok hasusaan i.

MASMUR 34:19

Halak na burju, manaon bahat na hancit, tapi dipalua Tuhan do ia sian i sudena.

JESAYA 20:6

Dokkonon ni halak na mangingani topi laut na di Pilistin ma hatiha i, ‘Ligi pe da na masa i tu bangso na tapangasahon i laho mangondihon hita maradopkon raja ni Asur. Bia dope pambaenna malua hita on?’ ”

JEREMIA 14:8

Hum sasada Ho do di Israel pos ni roha, na paluahon hami sian hasusaan. Hape biasi songon halak na asing Ho di tanonami, songon halak na hum saborngin maradian lalu kehe?

JEREMIA 2:27

Pailaon do hamu, angke didok hamu do amangmunu samponggol hayu jana marpio inang hamu tu sada batu, lalu ditadingkon hamu Au. Hape muda ro hasusaan, dipangido hamu ma anso ro Au giot paluahon hamu.

JEREMIA 2:28

Di dia ma he angka debatamunu na nipaturemunu i? Muda masa hasusaan suruhon ma halahi paluahon hamu, anggo tarbaensa do! O ale Juda, bahat ni angka debatamu sabahat ni angka kotamu!

JEREMIA 30:10

O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.

ANDUNG 1:12

“O hamu angka halak na mamolus di dalan, ligi pe da jana parrohahon. Adong dehe godang ni parkancitan songon na hutaon saonnari, hara ni muruk ni Tuhan i?

ANDUNG 2:13

O ale Jerusalem, na ni haholongan, aha ma dohononku tu ho? Bia ma baenonku mangapuli ho? Nada adong dope jungada manaon na songon on. Nada marbatas hamamagomu songon laut na bidang, nada adong be si arophononmu.

ANDUNG 4:6

Hona uhum bangsongku, umborat sian tu halak Sodom na salpu di bagasan sangkidop mata manigor maropuk dibaen tangan ni Debata.

DANIEL 12:1

Didok surusuruan na marpakean linen i ma mangulahi, “Tarida ma di hatiha i Mikhael surusuruan na godang pangondian ni bangsomi. Dung i masa ma hasusaan na so adong tudosanna dope mamungka adong angka bangso. Tapi sandok halak na sian bangsomu na tarsurat goarna di bagasan Buku i, paluaon ma i.

DANIEL 9:12

Tigor do pambaenanMu laing songon na nijanjihonMu tu hami dohot tu angka na markuaso di hami. Umposi do uhumMu tu Jerusalem martimbangkon angka kota na adong di tano on.

HOSEA 1:11

PasadaonNa ma mangulahi bangso Israel dohot bangso Juda. Angkaton ni halahi ma sada pamimpin jana mur mabahat ma halahi jana sonang di tano ni halahi. Tutu do, gabe ari na godang ma Ari Ni Jisreel.

JOEL 1:15

Nada sadia honok nari ari ni Tuhan dapot ne ma, disi ma hatihana Na Markuaso i parohon mara. Na jorbut sun do ari i dibaen maroban arsak dohot hasegoan do i.

JOEL 1:2

Hamu angka na tobang-tobang, tangihon hamu ma; parrohahon ma sude hamu pangisi ni luat on! Unjung dehe tarjadi songon on di hatihamunu sanga dompak di ngolu ni angka ompumunu?

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

JOEL 2:31

Manggolap ma mataniari jana bulan pe marrara songon mudar dompak so dapot ari ni Tuhan i, i ma ari na godang jana sihabiaran!

MIKA 4:9

Biasi mangangguhi ho tangis? Biasi marnyae ho songon ina na giot hipas? Adong he hara ni na so adong rajamunu jana marmatean angka panuturimu?

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

ZAKARIA 14:7

tapi di sada ari – holan Tuhan do umbotosa – nada adong pargontian ni arian dohot borngin, jana borngin i gabe arian.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

MARKUS 13:19

Harana anggo di hatiha i masa ma hasusaan na godang situtu na so unjung masa dope i di tano on dung ditompa Debata tano on lopus tu sadari on, jana nada masa be songon i tu pudi on.

BAENON NI ANGKA RASUL 2:20

Manggolap ma mataniari, marrara ma bulan i songon mudar dompak so dapot Ari Ni Tuhan i, i ma Ari na godang jana na marmulia i.

SURAT NI SI PAULUS TU PARLAGUTAN ROM 11:26

Jana i do gabe dalan, anso malua sandok bangso Israel, hombar tu na tarsurat i, “Ro ma sian Sion Sipalua i, sesaonNia ma hajahatan sian pomparan ni si Jakob.

HALUMBAAN 6:17

Dibaen madung ro ari haririmas ni halahi, ise ma he na tarbaen manaon i lakna? Jana umpe adong sahalak na tarbaen manahan di jolo ni halahi!”